Je̱mi̱s 3:6 - Tennet

⁶ Ogon a̱ha̱tti̱ bu̱k kiwagon gwa̱a̱, een enne gi̱i̱ ci lo̱rye̱nto̱ kaale cik ele ci e̱e̱t ci diiri. Egerzan ele ci e̱e̱t ci diiri do̱o̱k, akannek ele ci e̱e̱t ci diiri do̱o̱k gwo̱o̱ ci a̱kku̱ ngati alanyce gwa̱a̱ udut.

Je̱mi̱s 3:6 Iomraidhean Croise

Ma̱te̱yo̱ 12:24

Ma̱i̱je̱ baling ovvo olli Varacisi aziye zoz necu, izeto ne, “Ottok e̱e̱ti̱ necu kuulo katkatone ci Beelzebub alaan ci kuulou.”

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Marko 7:15

I̱llo̱i̱ gi̱i̱ imma ci adak e̱e̱ti̱ ci diiri kar kongoronyan nonno. Abarik gi̱i̱ ci iyowa e̱e̱te̱ ci diiri ci anyike nonno kize ngoronya.”

Lu̱ka̱ 16:24

Utu zin enne nonno, ‘Baba, Aburaham, eelawa annita kar i̱tto̱n Lazaru ku̱du̱nye̱k va̱lla̱i̱t maam kar ki̱ki̱ya̱ kalalizan a̱ha̱t cinanni, eci anna kutuze gwo̱o̱ye̱ cu!’

Buk wa To̱ni̱a̱u̱ 20:30

Anyak atin ol orgene cunno̱ng cik ovvo uhu zoz wa een de̱de̱ kize volong, kar ku̱lu̱te̱t ol cik Ta̱mu̱ta̱dde̱no̱.

Buk wa To̱ni̱a̱u̱ 5:3

Ize zin Peturu ne, “Ananiyas, nyaa ming anyik i̱nna̱ Sitan kuwe zinin cunne do̱o̱k ngati ovolonge Vongiz ci A̱li̱le̱ a̱lu̱gnye̱ o̱ro̱bi̱ya̱ u̱gge̱ cik utene i̱nna̱ lo̱o̱c cunne ko̱?

Buk wa To̱ni̱a̱u̱ 6:13

Anyaktta zin bbacak cik een volongnyok u̱gge̱ ki̱vi̱ta̱ kovolongte Stephen kizeto ne, “Ozoz odohize e̱e̱ti̱ necu kaal cik gerzek akati Ce̱e̱z wa Ta̱mu̱ta̱dde̱no̱ a̱li̱le̱ ki lo̱ti̱nno̱k wak Musesi.

Ti̱to̱ 1:11

Ma anyike nyakanganet cik volongak ko̱ ke̱de̱me̱zi̱t ol cik Ta̱mu̱ta̱dde̱no̱, eci de̱mzi̱nte̱ neci egerzanit ol cik meelek oroot, iróng ngen elemi zoz ci een de̱de̱. Orong demezyaha cik ogon niko o̱ro̱bi̱ya̱ cik ollu.

Je̱mi̱s 2:7

Abarik niga odomtu zare cik abunna Manyi karumene naga ko̱.

Je̱mi̱s 3:7

Aanyik e̱e̱ti̱ ci diiri elegje do̱o̱k kizeto gunune, iballi, elegje wak a̱vu̱vu̱t lo̱o̱ta̱ ki wak abak nyatapare ci a̱ddi̱ki̱re̱ bu̱k,

2 Peturu 3:3

Arrak oowa, abunna ming a̱gga̱yyu̱ i̱i̱te̱n ci okko looci aṯurneke, a̱vvu̱ atin ol wak a̱da̱c ol, ovvo aranne ol cik a̱tu̱we̱, abarik nege i̱no̱n kaal cik gerzek irez zi̱nze̱tti̱ cigge̱k do̱ niko.

3 Jon 1:10

Ming ki̱ki̱ya̱u̱ng, kokko atin kozozi zoz cinne, ovolong enne egerzan zar cigga̱c. Abarik abure kar kurumte ki gotonogget tu̱we̱nta̱, iróng orong kar kivata gotonogget. Ottok zin enne ol wak ogon niko ke̱le̱ci̱a̱.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 13:14

Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 18:23

Iróng atin bo̱do̱k gwa̱a̱ ci urezo alanyit ngatunne bo̱do̱k udut. Imma mului ci e̱e̱t ci aruce ki buuwec, iróng atin i̱nna̱ azii o̱rge̱ cunne bo̱do̱k udut. Ovvo ol balik utene kaal ke̱ nogo cik e̱e̱ggi̱n ol cik a̱ddi̱ki̱re̱. Imma go̱o̱le̱ ci a̱ru̱we̱ i̱nna̱ agura, i̱ti̱ye̱ lo̱o̱cco̱k do̱o̱k go̱o̱le̱ ci gerze.

O̱no̱zzo̱k 19:20

Ma̱i̱je̱ zin da̱ e̱le̱gi̱ti̱ a̱gga̱me̱, nonno ki a̱ri̱to̱i̱t ci volongo, ogonek nege kaal cik a̱vu̱la̱ ko̱ e̱le̱gi̱t. Imma zo̱ze̱ ci a̱vu̱la̱ u̱tu̱gu̱ enne ke̱, alaba enne ol wak anyak baayenit ci e̱le̱gto̱ kar ki̱di̱ngdi̱nga̱ni̱t ri̱ri̱to̱n cinne. Kar rama ngatinne̱ng ku̱ju̱kto̱zi̱k rugetet gwo̱o̱ ci apadpadi oroot.