Je̱mi̱s 3:5 - Tennet

⁵ Ogon zin a̱ha̱tti̱ bu̱k niko, een a̱ha̱tti̱ gi̱i̱ cidici eliye ci e̱e̱t ci diiri, imma ngatu odong e̱e̱ti̱ ele a̱ha̱ta̱ kaale cik a̱ddi̱ki̱re̱. Icinnet ming atuz gwa̱a̱ cidici i̱rri̱t ci a̱ddi̱ki̱re̱.

Je̱mi̱s 3:5 Iomraidhean Croise

Lu̱ge̱z 15:9

Odongit ba̱li̱ye̱ mo̱ddo̱ e̱le̱tti̱, ‘Kottoi atin anna nogo, ka̱gga̱mi̱ atin anna nogo. Kengera atin kaal cik kaama ngatinne̱ng go̱o̱le̱ ci korongnya. Kanyai atin illa cinanni, kar kidita nogo lai.’

Lu̱ge̱z 5:2

Ize alaani ne, “Ngene ci een Manyi, kar anna ko̱to̱ngo̱o̱le̱ ko̱, kar kanyik olli Israilo koot ko̱? Iróng anna ka̱gga̱ Manyi iróng zin kanyike olli Israilo koot.”

Je̱mi̱s 3:4

Icinnet zin da̱ zoz ci i̱be̱t wak a̱ddi̱ki̱re̱. Ming a̱ddi̱ki̱re̱ i̱be̱tta̱ ne̱ke̱ nu̱nu̱n, owo maame ngoota, amacuc ol i̱be̱t gi̱i̱ye̱ cidici kar e̱e̱ti̱ ci amacuci kuwe go̱o̱le̱ ci orong enne.

2 Peturu 2:18

Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.

Ju̱da̱ 1:16

E̱e̱ggi̱n ol ne̱ko̱ ol cik acucut tu̱p niko; annu nege kaal cik gerzek lo̱rye̱nto̱ amin zi̱nze̱tti̱ cigge̱k; odong e̱le̱tti̱ kar kalabta ol u̱tu̱ge̱tti̱ne̱ cik emede kar kurubta kaal cik orong nege ngatinne̱ng.