Je̱mi̱s 3:2 - Tennet

² Kogon naga do̱o̱k mu̱nye̱n go̱o̱lo̱we̱ cik aavtte do̱ do̱. Ming ngen e̱e̱ti̱ imma kabac i̱i̱te̱n imma gi̱i̱ye̱ ci ozoz enne, een enne e̱e̱t ci caale paz, azunne ele cinne ju̱rru̱m.

Je̱mi̱s 3:2 Iomraidhean Croise

Ma̱te̱yo̱ 12:34

Niga ol cik ogonnu ki jooro cik uwanyau ko̱, a̱du̱wa̱nnu̱ wo̱ye̱ niga olli mu̱nye̱nu̱ zoz ci abunna? A̱du̱wa̱ utugi zoz ci a̱kku̱ zinina.

Ma̱te̱yo̱ 12:37

Eci zo̱ze̱ cunne okko Ta̱mu̱ta̱dde̱n a̱gga̱ ming ilemi i̱nna̱, kar bo̱do̱k zo̱ze̱ cunne okko enne ettedeki zoz ci gerze.”

Roma 3:10

Azi Waraga ci Ta̱mu̱ta̱dde̱no̱ ne, “I̱llo̱i̱ rok e̱e̱t co̱de̱ ṯok ci abunna ngu̱me̱ ci Ta̱mu̱ta̱dde̱no̱;

Roma 7:21

Ming orong zinin cinanne ku̱tu̱gu̱ gi̱i̱ ci abunna, abarik kamuda ele cinanni ku̱tu̱gu̱ gi̱i̱ ci gerze, lo̱ti̱nno̱k cik aanya annit ku̱tu̱gu̱ niko.

1 Ko̱ri̱nto̱ 9:27

Korongi anna kedemez ele cinanni ko̱ kokkom kak kar kuwahek ol kaviyak cik Ta̱mu̱ta̱dde̱no̱ ju̱rru̱m. Kar atin anna ki nogo bu̱k kurubta ma̱yu̱we̱ne̱t ngati Ta̱mu̱ta̱dde̱no̱.

Ga̱la̱ti̱a̱ 3:22

Imma zin Waraga ci Ta̱mu̱ta̱dde̱no̱ a̱nne̱kke̱t ne, kecebte naga do̱o̱k mu̱nye̱ne̱. Kamuda gool ci kiyowanne go̱o̱le̱ ci ka̱tu̱we̱ Ye̱su̱ Ki̱ri̱sto̱ do̱ niko.

Ga̱la̱ti̱a̱ 5:17

Ka̱du̱wa̱ zoz necu niko eci baizi ci kabahe Vongize ci Ta̱mu̱ta̱dde̱no̱ ongorko ki baiz ci gerze amin zi̱nze̱tti̱ cigga̱c. Iróng zin niga amudannu gool ci ogonnu kaal cik abunna orongnyu u̱tu̱gu̱zzo̱.

Kolosiya 1:28

Kuwaheka zin naga ol zoz ci Ki̱ri̱sto̱, ki̱lo̱tta̱ ol kar bo̱do̱k kedemezta nogo kaal cik aanyik nogo genyiz, kar atin ol cik meelek ka̱gga̱c Ta̱mu̱ta̱dde̱n ju̱rru̱m zo̱ze̱ ci Ki̱ri̱sto̱.

Kolosiya 4:12

I̱tto̱na̱kku̱ng zin bo̱do̱k e̱e̱ti̱ ci een zara Epaphras zawinet cinne i̱ge̱ta̱, een enne e̱e̱t ci orog cunno̱ng kar kize du̱ca̱i̱t ci a̱li̱ngli̱ng zoz ci Ye̱su̱ Ki̱ri̱sto̱. Alawekkung gon enne i̱ge̱t Ta̱mu̱ta̱dde̱n odohize kar ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱, ngati ogonnu zoz ci orong enne i̱ge̱t u̱tu̱gu̱z do̱o̱k.

I̱bu̱ru̱ 13:21

nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.

Je̱mi̱s 1:26

Ming azi e̱e̱ti̱ imma ne, ke̱e̱ni̱ enne e̱e̱t ci Ta̱mu̱ta̱dde̱no̱, imma ngatu iróng azunne a̱ha̱t cinne, a̱lu̱t enne ele cinne, izeto kaala wak u̱tu̱gu̱ enne tu̱we̱nte̱ cinne ko̱ do̱o̱k kaalakreng, iróng tu̱we̱ne̱t cinne ngen a̱li̱ngli̱ng Ta̱mu̱ta̱dde̱na̱.

Je̱mi̱s 1:4

Abunna nimenet no̱ngi̱tto̱n ming edeca li̱ngli̱ngo̱n cinne baize cunne kar atin i̱nna̱ a̱vvu̱ ju̱rru̱m, ize i̱nna̱ e̱e̱t ci anyai arizet baiza, i̱llo̱i̱ gi̱i̱ imma ci a̱zze̱ ngatunne to.

Je̱mi̱s 2:10

Imma ming azunne e̱e̱ti̱ lo̱ti̱nno̱k wak Ta̱mu̱ta̱dde̱no̱ ko̱ do̱o̱k, kar abac co̱de̱, ize enne gerza ngati a̱du̱le̱ lo̱ti̱nno̱k do̱o̱k.

1 Peturu 3:10

Ming “Orong e̱e̱ti̱ de̱de̱ kar kabak labak talninta, kar kicin baiz i̱i̱nya̱ do̱o̱k ma ozozi ol gerzet, anyik nonno kuzute utug cinne zo̱ze̱ ci volongo.

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.