Je̱mi̱s 3:17 - Tennet

¹⁷ Imma zin genyizi ci a̱kku̱ ta̱mu̱-kenga een caala paz; kar zin kirez gano, alali mului, a̱gga̱ zoz ju̱rru̱m, aziye zoz ju̱rru̱m, anyak deten ki zoz ci abunna, iróng enger ol kar kanyak zoz ci een de̱de̱.

Je̱mi̱s 3:17 Iomraidhean Croise

Ma̱te̱yo̱ 23:28

E̱e̱ggi̱nnu̱ niga ol cik abunnanu eci re̱e̱nu̱no̱ ming acinnung ol, ma̱i̱je̱ zi̱nze̱tti̱nne̱ ciggo̱k ecito a̱ru̱kku̱ talaben, ogonnu kaal cik gerzek.

Ma̱te̱yo̱ 5:8

U̱mu̱yu̱k Ta̱mu̱ta̱dde̱n ol wak caalek zi̱nze̱tti̱, acin atin nege Ta̱mu̱ta̱dde̱n.

Ma̱te̱yo̱ 5:9

U̱mu̱yu̱k Ta̱mu̱ta̱dde̱n ol wak aganiz ol, ovvo atin nege e̱e̱ggi̱n dooli cik Ta̱mu̱ta̱dde̱no̱.

Lu̱ka̱ 21:15

Eci ka̱a̱nyu̱ng atin anna i̱ge̱ta̱ zoz ki genyiz kar zin ol ne̱k amarinnung ko̱, iróng amuda gool ci aburne zoz cunno̱ng.

Lu̱ka̱ 6:36

Izet ol cik amanikku ol ki Be̱e̱ti̱nno̱ng wa aave ta̱mu̱-kenga.”

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 1:47

Baling icin Ye̱su̱ Nathanael ming a̱kku̱nna̱k nonno, izek nonno ne, “Cin e̱e̱t ci Israiloc de̱de̱, iróng anyak volong.”

Buk wa To̱ni̱a̱u̱ 11:24

Een bali enne e̱e̱t ci abunna, anyak Vongiz ci A̱li̱le̱ ki tu̱we̱ne̱t, i̱vi̱tta̱k ol cik meelek oroot Manyi Ye̱su̱.

Buk wa To̱ni̱a̱u̱ 9:36

Anyak nuyait imma ci nga̱a̱ye̱ een zara Tabita, azi keng cik zar ciginnek ne Dorkas, a̱kku̱ enne o̱rge̱ ci een zara Joppa, ogon da̱ gon kaal cik abunna kar bo̱do̱k keela ol wak amati.

Roma 12:18

Itimanit ju̱rru̱m gool ci abakku ki ol do̱o̱k yahe.

Roma 12:9

Abunna ming irezzu ol rezinet wa een de̱de̱ zi̱nze̱tti̱nne̱ cuggo̱k. Amartoi gi̱i̱ ci gerze; odokta gi̱i̱ye̱ ci abunna.

Roma 15:14

Gotonogga ki ngonogga tu̱we̱nta̱, ka̱gga̱yyu̱ng abunnanu niga go̱o̱lo̱we̱ do̱o̱k, eci a̱gga̱yyu̱ zoz ci Ta̱mu̱ta̱dde̱n wa een de̱de̱ ju̱rru̱m, anyakku arizet ci edemezu e̱le̱tti̱ cuggo̱k.

1 Ko̱ri̱nto̱ 12:8

Aanyik Vongizi ci A̱li̱le̱ e̱e̱t doiz ci kar enne kozoz arizet ci obod ki zoz ci genyizo. Okko bo̱do̱k ngati e̱e̱t imma aanyik doiz ci a̱gga̱we̱ zoz ci abunna a̱du̱wa̱k ol.

2 Ko̱ri̱nto̱ 10:1

I̱yo̱ko̱, kilalekkung anna Pa̱u̱lo̱ eliya i̱ge̱t go̱o̱le̱ ci kozoze muluwe ci alali abunna kiwagon Ki̱ri̱sto̱. Ming kaave anna ki i̱ge̱ta̱, kozozi “dalanzeta” ma̱i̱je̱ ming kaave reena ngatinno̱ng kozozi iróng “ko̱ngo̱o̱le̱” zoz!

2 Ko̱ri̱nto̱ 6:6

Ma̱i̱je̱ ngatu, ki̱ye̱la̱nna̱ gon naga gi̱i̱ ci kanyakka doize ci Vongiz ci A̱li̱le̱ Ta̱mu̱ta̱dde̱no̱ ki rezinet cinne wa een de̱de̱ go̱o̱le̱ ci kabaka baiz wa abunna, ki genyiz ki i̱rrke̱ne̱t, ki bo̱do̱k kanyakka zi̱nze̱tti̱ cik alali.

2 Ko̱ri̱nto̱ 7:11

Icinnet gi̱i̱ ci u̱tu̱gu̱ Ta̱mu̱ta̱dde̱n ngati a̱a̱nyu̱ng matiz! Orongnyu niga i̱ye̱lte̱k nonno iróng niga anyakku ba̱ci̱. Omozinnu abarik niga, a̱ma̱li̱ltte̱ o̱o̱tti̱ cuggo̱k, orongnyu niga lo̱ki̱ko̱ kettede ju̱rru̱m. I̱ye̱la̱nu̱ niga e̱le̱tti̱ cuggo̱k ilemnyyu niga zo̱ze̱ necu.

2 Ko̱ri̱nto̱ 9:10

Aanyik Ta̱mu̱ta̱dde̱n ol wak e̱e̱vye̱ i̱nyo̱mo̱ kar keevtto, kar bo̱do̱k kaanyik da̱i̱ne̱t, kar kotor bunnat ci anyakku niga kize a̱ppwa̱.

Evesos 5:9

Eci baizi vooritena anyaha bunnat ki baiz ci abunna ki zoz ci een de̱de̱.

Vilipia 1:11

a̱a̱nyu̱ng atin Ye̱su̱ Ki̱ri̱sto̱ i̱li̱ngli̱nge̱t u̱tu̱gu̱z kaal cik abunna cik aanyik ol ki̱di̱ngdi̱nga̱ni̱t kar bo̱do̱k kinnatit Ta̱mu̱ta̱dde̱n.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

1 Te̱se̱lo̱ni̱ka̱ 2:7

Abarik baling ki̱vi̱ta̱ kabaito bu̱k, kar bo̱do̱k ke̱e̱ggi̱nna̱ to̱ni̱a̱k cik Ki̱ri̱sto̱, e̱e̱t wa atahalai, kuzutung kiwagon e̱e̱ti̱ doolinnu ming azunne dooli ciginnek.

1 Ti̱mo̱te̱yo̱ 5:21

Ki̱lo̱ti̱n, Ti̱mo̱te̱yo̱, zare cik Ta̱mu̱ta̱dde̱no̱ ki cik Ye̱su̱ Ki̱ri̱sto̱ ki cik anjilonya wak Ta̱mu̱ta̱dde̱no̱, zuute lo̱ti̱nno̱k wak ka̱du̱wa̱ki̱ ke̱, ma ahali ol. Ti̱ri̱z ol do̱o̱k ju̱rru̱m.

2 Ti̱mo̱te̱yo̱ 2:24

Gerza ming adango du̱ca̱i̱ti̱ ci Manyi ki ol, abarik abunna ming i̱i̱rke̱ olle do̱o̱k, eheronik ol, kar bo̱do̱k kanyak zinin ci alali.

Ti̱to̱ 1:15

Caalette kaala do̱o̱k paz ngati ol wak anyak zi̱nze̱tti̱ cik voorik. Ma̱i̱je̱ ol wak gerzek baizi, iróng bo̱do̱k a̱tu̱we̱, a̱zze̱ gi̱i̱ imma ci caale to, eci zi̱nze̱tti̱ cigge̱k ki o̱o̱tti̱ do̱o̱k u̱la̱ltte̱.

Ti̱to̱ 3:2

Gerza ming ozoz e̱e̱ti̱ gerzet, abunna ming alit dango. Abarik, abunna ming e̱e̱ggi̱nnu̱ ol cik gununik, abunna ming i̱i̱rke̱nnu̱ olle do̱o̱k.

I̱bu̱ru̱ 12:11

Iróng e̱e̱ti̱ irez ti̱lo̱wi̱ne̱t i̱i̱te̱n neci ele, abarik a̱u̱ce̱, imma vu̱rrta̱, aanyik ti̱lo̱wi̱ne̱t neci e̱e̱t kubunna ngu̱me̱ ci Ta̱mu̱ta̱dde̱no̱ kar kabak labak baiza eci enne umuda mediz ci ti̱lo̱wi̱ne̱t neci.

I̱bu̱ru̱ 12:14

Abait baiz ci abakku ki ol yahe ki baiz ci a̱li̱le̱, eci ol wak abak baiz ci caale do̱ niko cik atin acin Manyi.

Je̱mi̱s 1:17

A̱kku̱ muci ci abunna ta̱mu̱-kenga, ngati Baba bali eenyca kaal cik e̱e̱ggi̱n vooriten do̱o̱k ta̱mu̱-kenga. Iróng Ta̱mu̱ta̱dde̱n ukce kiwagon mu̱hu̱ri̱te̱ni̱ ming i̱ki̱ya̱ vooriteni.

Je̱mi̱s 1:5

Ming anyak e̱e̱t imma ngatinno̱ng ci iróng anyak genyiz, anyik nonno ki̱jji̱n Ta̱mu̱ta̱dde̱n wa i̱i̱rke̱, aanyik enne ol do̱o̱k genyiz ci iróng enne bu̱k a̱jji̱nni̱ i̱nne̱t ming a̱jji̱nni̱ i̱nna̱ nonno.

Je̱mi̱s 2:13

eci te̱di̱ne̱t lo̱ki̱ko̱ ci gerze okko ngati e̱e̱t ci iróng anyak deten. Ommog zin deteni lo̱ki̱ko̱.

Je̱mi̱s 2:4

Ma ogonnu niko, anyahaku niga ngero e̱le̱tti̱ cuggo̱k, etteddu niga lo̱ki̱ko̱ zi̱nze̱tti̱nne̱ cik gerzek.

Je̱mi̱s 3:15

Iróng zin genyizi ci ogon niko a̱kku̱ ta̱mu̱-kenga, een genyiz ci lo̱o̱tu̱, iróng anyak zoz ci vongizo, anyak zoz ci lo̱rye̱nto̱.

Je̱mi̱s 4:8

Ojongozit Ta̱mu̱ta̱dde̱n, kar enne kojongozung i̱ge̱t bu̱k. Utuunyet azzin cuggo̱k, niga olli mu̱nye̱nu̱, kar aanycik zi̱nze̱tti̱ kizeto caale, niga ol cik anyakku zi̱nze̱tti̱ rama ko̱.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 2:1

Niga gotonogga ki ngonogga tu̱we̱nta̱, ki i̱yo̱ko̱ ming izetu ol cik a̱tu̱yyu̱ Ye̱su̱ Ki̱ri̱sto̱ ko̱, ma amarnonu, ma adaccu gonoggu, ma anyakku meder, ma ozozu ol gerzet, ma e̱e̱ggi̱nnu̱ ol cik a̱ru̱kku̱ talaben.

1 Peturu 2:18

Du̱cca̱k, abunna ming elemnyyu zoz wa a̱du̱wa̱ alaata cuggo̱k kar bo̱do̱k irezit nogo. Ma ogonikku kaal ne̱ko̱ ol wak i̱i̱rke̱ do̱, abarik u̱tu̱gu̱zze̱k ol wak ogon kaal cik gerzek bu̱k.

1 Jon 3:18

Niga dooli wagannik tu̱we̱nta̱, abunna kirez ol rezinet ci een de̱de̱ ngati kogonne kaal cik abunna baize cinna, iróng een zoza utuga.

1 Jon 3:3

Imma e̱e̱ti̱ ci arike zinin zoz ci Ki̱ri̱sto̱, adiman ele cinne ki̱li̱li̱, ki i̱yo̱ko̱ Ki̱ri̱sto̱ ming a̱li̱le̱ ko̱.