Je̱mi̱s 3:14 - Tennet

¹⁴ Ma̱i̱je̱ ming alugunyi i̱nna̱ meder ki rezinet ele cunne do̱ zinine cunne, ma odongi ele cunne zo̱ze̱ neci icima amikzene zoz ci een de̱de̱.

Je̱mi̱s 3:14 Iomraidhean Croise

Kananet 37:11

Anyait zin gotonoggja meder ngatinne, ma̱i̱je̱ baatinne anyak zoz neci zinine cinne.

Kananet 38:9

Ma̱i̱je̱ Onani a̱gga̱ niko iróng dooli ne̱ke̱ atin een ciginnek; kar zin ming okko enne oogin ki ngaa ci gotononi, okko gon enne a̱ddu̱ta̱k zoolo wak ti̱rra̱k ke̱ tu̱.

Ma̱te̱yo̱ 27:18

Eci enne a̱gga̱ emederan ol ne̱ke̱ ba̱li̱ye̱ Ye̱su̱ kar kecebit kanyaktak nonno.

Kaviyak wak Abunna Ta̱mu̱ta̱dde̱no̱ eher Joni 16:2

Ovvo atin ol ottokung Ce̱e̱ze̱ wa Lawinto. I̱ki̱ya̱ i̱i̱ de̱de̱ ci okko gon e̱e̱ti̱ ci a̱ru̱kku̱ng a̱da̱i̱to̱ ngati i̱no̱ne̱ azi ne ka̱li̱ngli̱ngo̱ni̱k Ta̱mu̱ta̱dde̱n.

Buk wa To̱ni̱a̱u̱ 13:45

Baling ovvo Ya̱u̱di̱ acin koole, anyait meder kar zin kozozit gerzet zo̱ze̱ ci ozoz Pa̱u̱lo̱.

Buk wa To̱ni̱a̱u̱ 26:9

“Kelema bali anna bu̱k kar kadang ol balik a̱tu̱ Ye̱su̱ wa Nazereti.

Buk wa To̱ni̱a̱u̱ 5:17

Kar zin alaani ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ki ol wak orkor ki nonno do̱o̱k e̱e̱ggi̱n Saddocis ko̱, anyait meder zo̱ze̱ ci to̱ni̱a̱u̱.

Buk wa To̱ni̱a̱u̱ 7:9

“Eci ji̱ji̱ti̱ggo̱k emederan gotoni cinne̱ng wa een zara Yosevo, u̱tu̱yye̱k nege nonno Masir kuk kize du̱ca̱i̱t. Abarik zin Ta̱mu̱ta̱dde̱n ngen azunne Yosevo,

Roma 1:29

E̱e̱ggi̱n kaala ne̱k gerzek aavtte zi̱nze̱tti̱nne̱ cigge̱k ko̱, gerziten, ki meder, ki zi̱nze̱tti̱ cik a̱ppi̱nte̱k, ki munyenet ol, ki dangonet, ki gool ci alabane ol kaal, ki etteddo ki ol zo̱o̱, omomot ol,

Roma 13:13

Abunna kabak baiz ci abunna ki i̱yo̱ko̱ ol wak abak vooritene ci wazino ko̱. Ma ovvoyyu ngati alutene ol cik aud merten kar kibbakte. Ma owowonu ki a̱li̱ya̱k. Ma oyohonu ki ol. Ma anyikku zi̱nze̱tti̱ kizeto a̱ppi̱nte̱k kaale cik ollu.

Roma 2:17

Ming anyak ol u̱gge̱ ngatinno̱ng, niga Ya̱u̱di̱ cik a̱nnu̱ ne ka̱gga̱yya̱ Ta̱mu̱ta̱dde̱n, ming arikku zi̱nze̱tti̱ lo̱ti̱nno̱k kar ngatu odongnyu e̱le̱tti̱;

Roma 2:8

Imma ngati ol wak a̱ppi̱nte̱k zi̱nze̱tti̱, ogon kaal cik gerzek, i̱ye̱la̱ atin enne mozinet cinne ngati e̱e̱t ci abure zoz ci een de̱de̱.

1 Ko̱ri̱nto̱ 13:4

Ming anyak e̱e̱ti̱ rezinet zinina, rezinet ci aanyik zinin ci e̱e̱to̱ kalal, een rezinet bunnat. Iróng rezinet aanyik e̱e̱t kaarik zinin cinne kaal cik ollu, okko e̱e̱ti̱ ci anyak rezinet, iróng odong ele icima a̱ppi̱k ele.

1 Ko̱ri̱nto̱ 3:3

Ngen zin niga abakku baiz ci olli lo̱o̱tu̱, eci ngen anyakku meder, adangonu e̱le̱tti̱ne̱ cuggo̱k. Imma zin go̱o̱le̱ necu abakku ko̱, o̱do̱wi̱nu̱ niga ki olli lo̱o̱tu̱. Ogonnu kaal cik ogon olli lo̱o̱tu̱.

1 Ko̱ri̱nto̱ 5:2

Kar abarik odongnyu e̱le̱tti̱ zo̱ze̱ necu. Omozinnu weete abarik, kar iróng ngen owowonu ki e̱e̱t ci ogon kaal cik gerzek ko̱.

1 Ko̱ri̱nto̱ 5:6

Gerza zin zoz ci odongnyu niga e̱le̱tti̱. A̱gga̱yyu̱ niga nyigit cik meertak cikidik ming adak lata do̱o̱k?

2 Ko̱ri̱nto̱ 12:20

Abile zinin je̱e̱na̱, ming kokko anna keronakkung, kamudannung iróng ol uggak abak baiz ci korongi anna. Ko̱ngo̱o̱le̱ anyak ol u̱gge̱ ngatinno̱ng cik adang e̱le̱tti̱, icima een mederyok, icima adunye zi̱nze̱tti̱, icima irez e̱le̱tti̱ cigge̱k do̱, icima ozoz ol, icima odom ol u̱gge̱. Odong uggak e̱le̱tti̱, ovvo uggak ogon kaal cabak.

Ga̱la̱ti̱a̱ 5:15

Ma̱i̱je̱ ming oronnu niga e̱le̱tti̱ne̱ adawanu gonoggu, u̱zu̱tte̱ e̱le̱tti̱, ma egerzannu gonoggu.

Ga̱la̱ti̱a̱ 5:20

ala e̱e̱ti̱ to̱do̱yyo̱k, owo e̱e̱ti̱ ngarrete, anyak e̱e̱ti̱ mootiz, amarine e̱e̱ti̱ dango, a̱ppwa̱ e̱e̱t zinin kaale cik ollu, adunye zinin ci e̱e̱to̱ ataman, anyak e̱e̱ti̱ meder, irez e̱e̱ti̱ ele cinne do̱, enger e̱e̱ti̱ lo̱o̱c, abak ki ol wak elemi zoz cinne,

Ga̱la̱ti̱a̱ 5:21

e̱e̱t ci aarik zinin kaal cik ollu, e̱e̱t ci ibbakce, e̱e̱t ci i̱i̱zo̱ rugumon ci anyak a̱li̱ya̱kze̱t kar ku̱tu̱gu̱zzo̱ kaal cik gerzek. Kobodekku̱ng ki ba̱li̱ye̱ ming ka̱du̱wa̱kku̱ng oowa ke̱, imma ol wak ogon kaal ne̱ko̱ ko̱, iróng atin i̱i̱zo̱ ba̱a̱li̱ne̱t ci Ta̱mu̱ta̱dde̱no̱.

Ga̱la̱ti̱a̱ 5:26

Gerza ming kodong e̱le̱tti̱, icima kanyike e̱e̱t imma kutubur nong. Gerza ming kanyak meder kaale cik ollu.

Ga̱la̱ti̱a̱ 6:13

Imma ol wak Ya̱u̱do̱ orong kettedit ol vi̱ca̱vi̱cce̱t ko̱, iróng azunne lo̱ti̱nno̱k wak Musesi do̱o̱k; abarik orong ol kettedit vi̱ca̱vi̱cce̱t, kar zin kodongit e̱le̱tti̱ kizeto ne annu ol ne̱ko̱ zoz cinne̱ng.

Vilipia 1:15

Een de̱de̱ anyak ol cik uwak zoz ci Ki̱ri̱sto̱ go̱o̱le̱ ci anyahe nege meder ki jooret, ma̱i̱je̱ ol uggak uwak zi̱nze̱tti̱nne̱ cik voorik.

Vilipia 2:3

Ma anyakku meder icima zoz ci odongnyu e̱le̱tti̱, abarik izet ol cik gununik kar aanycik ol u̱gge̱ kizeto riile kommogit e̱le̱tti̱ cuggo̱k.

1 Ti̱mo̱te̱yo̱ 2:4

Orong Ta̱mu̱ta̱dde̱n ol do̱o̱k kurubta ruget, kar ka̱gga̱c zoz wa een de̱de̱.

1 Ti̱mo̱te̱yo̱ 6:4

een enne e̱e̱t ci odong ele. Iróng enne a̱gga̱ gi̱i̱ imma. Abarik orong kadang ol gaganiko kar zin kanyaha jo̱o̱re̱. Anyaha zin dangonet neci meder, ki zoz ci irawone ol, ki to̱ri̱ne̱t, ki i̱no̱ni̱ ci gerze,

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

Je̱mi̱s 1:18

Atahalaet enne agit zo̱ze̱ cinne wa een de̱de̱, kar kaanyyet ruget, kar naga kizet muci ciginnek wak oowu kaale wak eteehenya enne do̱o̱k.

Je̱mi̱s 3:16

Eci ming anyai i̱nna̱ meder ki rezinet ele cunne do̱, okko baizi ngoronya ki kaal cik gerzek a̱ti̱ki̱ tu̱.

Je̱mi̱s 5:19

Gotonogga ki ngonogga tu̱we̱nta̱, ming anyak e̱e̱t ci i̱ti̱k tu̱ zo̱ze̱ ci een de̱de̱, anyik e̱e̱t imma kobodai nonno,