Je̱mi̱s 3:1 - Tennet

¹ Gotonogga ki ngonogga tu̱we̱nta̱, iróng wo̱ye̱ ol cik meelek ngatinno̱ng e̱e̱ggi̱n de̱me̱zzo̱k, eci niga a̱gga̱yyu̱, naga ol wak ke̱de̱me̱zi̱na̱ ko̱, etted atin Ta̱mu̱ta̱dde̱n lo̱ki̱ko̱ cinna̱ng oroot.

Je̱mi̱s 3:1 Iomraidhean Croise

Ma̱te̱yo̱ 10:24

“Iróng nuyaiti ommog de̱me̱zo̱i̱t cinne oroot. Iróng bo̱do̱k du̱cca̱ha̱ ommog ddi̱ki̱ryo̱i̱t cinne̱ng.

Ma̱te̱yo̱ 23:13

“O̱lle̱ ciggo̱k ol wak een de̱me̱zzo̱k wak lo̱ti̱nno̱k wak Musesi ki olli Varacis ko̱, niga ol cik a̱ru̱kku̱ talaben! Unygtu niga ba̱a̱li̱ne̱t ci ta̱mu̱-kengo ngati acine ol cik diirik. Iróng atin niga bu̱k e̱le̱tti̱ne̱ cuggo̱k i̱zzo̱yu̱, icima anyikku ol ne̱k orong ki̱tto̱zo̱ ko̱.

Ma̱te̱yo̱ 9:11

Baling icinnet olli Varacisi zoz necu, i̱jji̱nne̱t zin nuyak cik Ye̱su̱, a̱nne̱k ne, “Inya ming adakce de̱me̱zo̱i̱ti̱ cinno̱ng ki ol wak aluta mucuru olle ki ol wak mu̱nye̱nu̱ bu̱k ko̱?”

Lu̱ka̱ 16:2

Utu zin i̱to̱i̱ti̱ ddi̱ki̱ryo̱i̱t kar ki̱jji̱n nonno, ‘Nya ci kazii anna zo̱ze̱ cunne ko̱? Teher zin kaal cik a̱li̱ngli̱nge̱ i̱nna̱ do̱o̱k, eci iróng atin i̱nna̱ e̱e̱ni̱ ddi̱ki̱ryo̱i̱t bo̱do̱k.’

Lu̱ka̱ 6:37

“Ma ettedekku ol lo̱ki̱ko̱, kar atin iróng Ta̱mu̱ta̱dde̱n ettedekkung lo̱ki̱ko̱ bu̱k. Ma a̱gga̱mnyu̱ zoz ci gerze ollu, abunna atin Ta̱mu̱ta̱dde̱n iróng a̱gga̱me̱kku̱ng zoz ci gerze. Alaltek ol kaale cik gerzek, kar atin Ta̱mu̱ta̱dde̱n kalaleung i̱ge̱t bu̱k.

Kaviyak wak Abunna Ta̱mu̱ta̱dde̱no̱ eher Joni 3:10

O̱bo̱de̱k zin Ye̱su̱ nonno, a̱nne̱k ne, “E̱e̱ni̱ i̱nna̱ de̱me̱zo̱i̱t ci olli Israilo, iróng zin i̱nna̱ a̱gga̱ zoz necu?

Buk wa To̱ni̱a̱u̱ 13:1

Anyak ba̱li̱ye̱ ke̱le̱ci̱a̱ ci aave o̱rge̱ ci Antiyoki a̱ri̱tto̱k ki de̱me̱zzo̱k ciko: Barnabas, Si̱mo̱ne̱ wa een zara uggak ne Niger, ki Lucius wa Cyrene, ki Manaen wa bali ingazi ki alaan He̱ro̱d Antipas nga̱to̱de̱ bali ngen e̱e̱ggi̱n dooli ke̱, kar zin Saul.

1 Ko̱ri̱nto̱ 12:28

Kar zin ke̱le̱ci̱a̱, atahala arrak Ta̱mu̱ta̱dde̱n to̱ni̱a̱k, ol wak a̱li̱ngli̱ng zoz cinne, kar bo̱do̱k katahala a̱ri̱tto̱k cik zoz cinne, kar bo̱do̱k katahala de̱me̱zzo̱k wak edemez zoz cinne, kar bo̱do̱k katahala ol wak ogon kaal cik a̱vu̱la̱, ki ol wak anyak arizet ci alaweke Ta̱mu̱ta̱dde̱n ol wak omori ki̱zzi̱ morizi to, ki ol wak i̱i̱rke̱ eela ol kaale, ki ol wak anyak arizet ci abale ol, ki ol wak anyak arizet ci a̱gga̱we̱ u̱tu̱ge̱tti̱ cik aavtte do̱ do̱.

2 Ko̱ri̱nto̱ 5:10

Korong zin naga do̱o̱k ol cik a̱tu̱we̱ abunna kogon kaal cik abunna, eci anyak i̱i̱te̱n imma ci kovvo kabile lo̱ki̱ko̱ ci okko Ki̱ri̱sto̱ ettedekket ba̱ci̱nno̱k cik kabaci naga baling ngen karuge lo̱o̱ta̱ ngatu, icima abunna icima gerza.

Evesos 4:11

Ki̱ri̱sto̱ zin nenen ci aanyik ol u̱gge̱ kizeto to̱ni̱a̱k, ovvo uggak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱, ovvo uggak e̱e̱ggi̱n ol wak eron ovvo uwahek ol kaviyak cik Ta̱mu̱ta̱dde̱no̱ i̱do̱ngi̱ne̱, ovvo uggak e̱e̱ggi̱n tuwayok cik zoz ci Ta̱mu̱ta̱dde̱no̱ ki de̱me̱zzo̱k,

1 Ti̱mo̱te̱yo̱ 1:7

Orong kizeto de̱me̱zzo̱k cik lo̱ti̱nno̱k cik Musesi, iróng zin nege e̱le̱tti̱ne̱ a̱gga̱ zo̱zzo̱k cik a̱du̱wa̱ ko̱, iróng bo̱do̱k a̱gga̱ u̱nge̱tti̱ cik de̱mzi̱ne̱t neci.

1 Ti̱mo̱te̱yo̱ 2:7

Atahala Ta̱mu̱ta̱dde̱n annit kize zoc ki to̱ni̱a̱t ci kedemezek ol cik iróng een Ya̱u̱d tu̱we̱ne̱t ci een de̱de̱. Iróng kovolongi, ka̱du̱wa̱ zoz ci een de̱de̱.

2 Ti̱mo̱te̱yo̱ 1:11

Atahala Ta̱mu̱ta̱dde̱n kize to̱ni̱a̱t ci Ye̱su̱ kar kuwahek ol kaviyak cik abunna, kar bo̱do̱k kize de̱me̱zo̱i̱t ci zoz neci.

I̱bu̱ru̱ 13:17

O̱to̱ngo̱o̱ltte̱ lo̱ddi̱ki̱re̱ cuggo̱k, u̱tu̱gu̱z zoz ci a̱du̱wa̱ nege. Een li̱ngli̱ngo̱ni̱ cinne̱ng ci ebekkung nege i̱ge̱ta̱ ju̱rru̱m, ming iróng ebekkung ju̱rru̱m, okko atin Ta̱mu̱ta̱dde̱n a̱jji̱n nogo kaale cik ogon nege do̱o̱k. Ma anyike nogo komozte ming ogon li̱ngli̱ngo̱n cinne̱ng. Anyik nogo katalto. U̱zzu̱tte̱, abunna atin nege eelannung.

Je̱mi̱s 1:16

Gotonogga ki ngonogga tu̱we̱nta̱, ma anyikku gi̱i̱ imma kalabaung baiza.

Je̱mi̱s 1:19

Gotonogga ki ngonogga tu̱we̱nta̱, iziyyet zoz cu ju̱rru̱m: Abunna gon e̱e̱ti̱ ming aziye zoz ataman, ma a̱li̱bo̱ni̱k zoz, ma adunya zinin ataman,

Je̱mi̱s 3:10

Iyowa zoz ci ka̱di̱ngdi̱nga̱ne̱ Ta̱mu̱ta̱dde̱n ki to̱ri̱ne̱t utuge co̱de̱ ko̱ niko. Gotonogga ki ngonogga tu̱we̱nta̱, gerza zoz necu ming ogone niko.

1 Peturu 5:3

Ma ogonnu ki alaata wak odong e̱le̱tti̱ olle ngati a̱gga̱me̱ ol. Abarik aanycik ol kicinnta li̱ngli̱ngo̱n cunno̱ng ngati a̱li̱ngli̱ngnyu̱ ju̱rru̱m.