Je̱mi̱s 2:5 - Tennet

⁵ Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

Je̱mi̱s 2:5 Iomraidhean Croise

Lu̱ge̱z 20:6

ma̱i̱je̱ ngatu ki̱ye̱le̱ke̱ rezinet bu̱u̱llo̱k i̱bbo̱nge̱t cik meelek giir ireza annit kar ku̱zu̱tte̱ lo̱ti̱nno̱k cigannik.

Ma̱te̱yo̱ 11:5

Icinte ol wak ru̱be̱ni̱k, otozo ol wak ngoolik, ubunntta ol wak anyak dhovo, izikto ol wak adite iina, itingazzo ol wak a̱da̱i̱to̱ daiza, kar zin kuwaktozik kaviyaha cik abunna Ta̱mu̱ta̱dde̱no̱ ol wak amati.

Ma̱te̱yo̱ 25:34

“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.

Ma̱te̱yo̱ 5:3

“U̱mu̱yu̱k Ta̱mu̱ta̱dde̱n ol wak amati vongiza, eci ba̱a̱li̱ne̱t ci ta̱mu̱-kengo okko een cinne̱ng.

Marko 7:14

Utu zin bo̱do̱k Ye̱su̱ koole ki̱vi̱ta̱k nonno kar kizek ne, “Izikttang, a̱gga̱c zoz ci kozozi anna ko̱ niga do̱o̱k.

Lu̱ka̱ 12:21

“Ogon atin niko ngati e̱e̱t imma ci adazek kaal ele cinne, ma̱i̱je̱ ngatu iróng enne een jaitot ngati Ta̱mu̱ta̱dde̱no̱.”

Lu̱ka̱ 12:32

“Ma o̱ngo̱o̱li̱nnu̱ gi̱i̱ imma, niga demezyaha cikidik ko̱, eci Be̱e̱ti̱nno̱ng wa aave ta̱mu̱-kenga atalne oroot ngati a̱a̱nyu̱ng ba̱a̱li̱ne̱t cinne.

Lu̱ka̱ 16:22

“I̱ki̱ya̱ zin i̱i̱te̱ni̱ imma, a̱da̱k zin e̱e̱ti̱ ci gon alaye ko̱ kar zin anjilonya cik Ta̱mu̱ta̱dde̱no̱ kodongit nonno koot kaarttek abanyit ci Aburahami ta̱mu̱-kenga. A̱da̱k zin bo̱do̱k e̱e̱ti̱ wa bali een i̱to̱i̱t ko̱, a̱da̱ye̱k zin ol nonno lo̱o̱k.

Lu̱ka̱ 16:25

“Ma̱i̱je̱ Aburahami abarizek nonno, ‘Ngeranni, i̱no̱n da̱ ba̱li̱ye̱ baize cunne uruba i̱nna̱ kaal cik abunna, imma Lazaru uruba kaal cik gerzek, ma̱i̱je̱ i̱yo̱ko̱ ubunna enne ngatu kar i̱nna̱ a̱vvu̱ ngati apirnane.

Lu̱ka̱ 22:29

Kar anna ka̱a̱nyu̱ng ba̱a̱li̱ne̱t ci Ta̱mu̱ta̱dde̱no̱, ki baling aanya Baba annit co̱de̱ ke̱,

Lu̱ka̱ 6:20

Egelem zin Ye̱su̱ nuyak ciginnek, ize ne: “U̱mu̱yu̱kte̱u̱ niga wak amanu, eci ba̱a̱li̱ne̱t ci Ta̱mu̱ta̱dde̱no̱ een cunno̱ng.

Kaviyak wak Abunna Ta̱mu̱ta̱dde̱no̱ eher Joni 7:48

“I̱llo̱i̱ lo̱ddi̱ki̱re̱ icima Varacis cik a̱tu̱ zoz ci Ye̱su̱.

Buk wa To̱ni̱a̱u̱ 7:2

O̱bo̱de̱k zin Stepheni izek nogo ne, “Gotonogga ki be̱e̱ti̱ga̱ni̱k, izikttang annit ju̱rru̱m! I̱ye̱le̱k Ta̱mu̱ta̱dde̱n bunnat cinne ji̱ji̱ti̱nna̱ Aburaham bali ngen enne aave lo̱o̱ce̱ ci Mesopotamia, ngati ngen kuk o̱rge̱ ci een Haran.

Roma 8:17

A̱du̱wa̱kke̱t Vongizi cinne zoz bak ka̱gga̱ naga ki Ye̱su̱ Ki̱ri̱sto̱, aanyyet atin Ta̱mu̱ta̱dde̱n zoz ci u̱du̱wa̱ enne, kozol atin naga di̱ngdi̱ngo̱n ci Ye̱su̱, ming kipirta naga ki nonno.

1 Ko̱ri̱nto̱ 2:9

Ki i̱yo̱ko̱ ming e̱he̱rye̱ warage wa Ta̱mu̱ta̱dde̱no̱ azi ne: “Ngen e̱be̱re̱ci̱ imma kicin, ngen itati imma kizik, ngen e̱e̱ti̱ imma ki̱no̱na̱, kaal cik idimanek Ta̱mu̱ta̱dde̱n ol wak irez nonno”

2 Ko̱ri̱nto̱ 4:15

Imma pirnante ci kamudanna ko̱ do̱o̱k, a̱kku̱ abunna keelannung. Kapirnanna abunna ol cik meelek ovvo a̱gga̱ bunnat ci Ta̱mu̱ta̱dde̱no̱, kar enne kalalek mu̱nye̱n cigge̱k, kar kinnatit nonno bak kanyike zany. Kar ko̱to̱ngo̱o̱ltte̱ nonno kar bo̱do̱k kalac nonno.

2 Ko̱ri̱nto̱ 6:10

Ming kapirna naga nu̱nu̱n, kaavtte naga talninta. Ming kamati niko, izeto ol bo̱to̱ro̱ ngati kuwaheka kaviyak cik Ye̱su̱. Ming nu̱nu̱n, iróng kanyak kaal, e̱e̱ggi̱n kaala ne̱ko̱ do̱o̱k cigga̱c.

2 Ko̱ri̱nto̱ 8:9

A̱gga̱yyu̱ een ba̱li̱ye̱ Manyitinna Ye̱su̱ Ki̱ri̱sto̱ bunnatait oroot, utungek baiz ci abunna ta̱mu̱-kenga kar ki̱ki̱ya̱ katamat lo̱o̱ta̱ ngatu, abunna ming amuda e̱e̱ti̱ ci diiri baiz ci abunna Vongize ci A̱li̱le̱.

Evesos 1:18

Kalaye anna abunna zi̱nze̱tti̱ cuggo̱k ming o̱o̱ye̱ kar a̱gga̱c zoz ci arikku niga zi̱nze̱tti̱ bali atahalaung enne i̱ge̱t ko̱, eezet ki di̱ngdi̱ngo̱n ci okko Ta̱mu̱ta̱dde̱n aragiz ngati ol wak a̱tu̱ nonno,

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

1 Te̱se̱lo̱ni̱ka̱ 2:12

Ki̱lo̱tu̱ng, kadihizung kar kilalekkung abunna ming abakku baiz ci irez Ta̱mu̱ta̱dde̱n, kar atin ka̱a̱nyu̱ng izet ol cik ovvo abakku bu̱k ba̱a̱li̱nte̱ ci okko atin enne abale lo̱o̱c.

2 Te̱se̱lo̱ni̱ka̱ 1:5

A̱kku̱ atin i̱i̱te̱ni̱ ci okko Ta̱mu̱ta̱dde̱n ettede lo̱ki̱ko̱ ci ollu ju̱rru̱m, kar kidiman ol balik a̱gi̱d ol zo̱ze̱ ci ba̱a̱li̱ne̱t ci okko Ta̱mu̱ta̱dde̱n abale lo̱o̱c.

1 Ti̱mo̱te̱yo̱ 6:18

Du̱wa̱k nogo ku̱tu̱gu̱zzo̱ kaal cik abunna, kar kizeto itok zo̱ze̱ ci abunna kar kizeto ol cik i̱i̱rke̱ orong kar kozolit kaal ki ol.

2 Ti̱mo̱te̱yo̱ 4:18

Ka̱gga̱ niko ming eelanna atin Manyi kaale wak gerzek do̱o̱k, kar kuwuya ngati ba̱a̱li̱ne̱t ci ta̱mu̱-kengo. Abunna abarik ming ka̱di̱ngdi̱nga̱n nonno niko udut. Nonno nenen.

2 Ti̱mo̱te̱yo̱ 4:8

I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

I̱bu̱ru̱ 11:26

Abunna ming apirna Musesi zo̱ze̱ ci Ki̱ri̱sto̱, ngati go̱o̱le̱ ci a̱gga̱me̱ eezet ci Masiro do̱o̱k, eci enne ere ma̱yu̱we̱ne̱t ci atin a̱kku̱ ke̱.

Je̱mi̱s 1:12

A̱mu̱yu̱k Ta̱mu̱ta̱dde̱n e̱e̱t ci abak baiz ci anime no̱ngi̱tto̱n wak atimane ol nonno, eci ming inim enne kaal ne̱ko̱ do̱o̱k labak, aanyik atin Ta̱mu̱ta̱dde̱n nonno baiz ci aave udut ki bali u̱du̱wa̱k enne ol wak irez nonno ke̱.

Je̱mi̱s 1:16

Gotonogga ki ngonogga tu̱we̱nta̱, ma anyikku gi̱i̱ imma kalabaung baiza.

Je̱mi̱s 1:19

Gotonogga ki ngonogga tu̱we̱nta̱, iziyyet zoz cu ju̱rru̱m: Abunna gon e̱e̱ti̱ ming aziye zoz ataman, ma a̱li̱bo̱ni̱k zoz, ma adunya zinin ataman,

Je̱mi̱s 1:9

Imma gotonet ki ngonogget wak a̱tu̱we̱ apirna kaale, anyik katalto kodongit e̱le̱tti̱ ming okko Ta̱mu̱ta̱dde̱n eela nogo.

1 Peturu 1:4

Aanyyet kaal cik karagiz naga abak aavtte udut, aavtte ta̱mu̱-kenga kize cuggo̱k,

2 Peturu 1:11

Kar zin go̱o̱le̱ necu, a̱gga̱ma̱nu̱ng atin Manyitinna Ti̱ri̱zo̱i̱t Ye̱su̱ Ki̱ri̱sto̱ talinte ci a̱ppwe̱ oroot ba̱a̱li̱nte̱ cinne aave udut.

O̱no̱zzo̱k 2:9

Ka̱gga̱ anna pirnanet ki matiz cunno̱ng, imma ngatu e̱e̱ggi̱nnu̱ niga jain! Ka̱gga̱ dominet ci azi ol uggak ne e̱e̱ggi̱n nege Ya̱u̱d, imma ngatu iróng e̱e̱ggi̱n Ya̱u̱d, abarik nege ogon ki nginti lawinto Sitano.

O̱no̱zzo̱k 21:7

Imma e̱e̱ti̱ ci anime no̱ngi̱tto̱n do̱o̱k, aragiz atin enne baiz cu, kokko anna atin ke̱e̱ni̱ Ta̱mu̱ta̱dde̱n cinne, okko atin enne een do̱le̱c cinanni.

O̱no̱zzo̱k 3:18

Ki̱lo̱tu̱ng abunna ming uutanu dhahab ngatinanni ci aahe gwo̱o̱ya̱ ju̱rru̱m kize caala, kar atin niga izet jain; kar anyait ru̱u̱ma̱ni̱ cik voorik kar u̱bu̱nge̱t a̱li̱ya̱n cik aavtiyyu niga nga̱dhi̱ri̱r ko̱; kar aartik ya̱ni̱ ebere cuggo̱k kar icinto ju̱rru̱m.