Je̱mi̱s 2:18 - Tennet

¹⁸ Ma̱i̱je̱ atin e̱e̱ti̱ imma azi ne, “Anyai i̱nna̱ tu̱we̱ne̱t; kabunna anna ki̱i̱rke̱.” Ye̱le̱ka̱ da̱ tu̱we̱ne̱t cunne ci i̱llo̱i̱ rok bunnat ki i̱rrke̱ne̱t, kar anna ki̱ye̱le̱i̱ tu̱we̱ne̱t cinanni go̱o̱le̱ ci kogonne anna kaal.

Je̱mi̱s 2:18 Iomraidhean Croise

Roma 14:23

Imma e̱e̱ti̱ ci a̱ti̱ko̱ ki zinin kaale cik adak enne, edez atin Ta̱mu̱ta̱dde̱n nonno, eci enne adakce ci iróng a̱tu̱ Ta̱mu̱ta̱dde̱n, eci kaala cik ogon e̱e̱ti̱ ongorko ki tu̱we̱ne̱t cinne, anyaha mu̱nye̱n.

Roma 3:28

Ka̱gga̱c naga elemi Ta̱mu̱ta̱dde̱n ol eci nege anyak tu̱we̱ne̱t, iróng een go̱o̱le̱ ci o̱ngo̱o̱li̱nne̱ nege lo̱ti̱nno̱k.

Roma 4:6

E̱he̱rye̱ Warage ci Ta̱mu̱ta̱dde̱no̱ ozoz Da̱vi̱de̱ ma̱yu̱we̱ne̱t ci e̱e̱t wa elema Ta̱mu̱ta̱dde̱n nonno kize bunnat, iróng een go̱o̱le̱ ci li̱ngli̱ngo̱n cinne. Azi Da̱vi̱de̱ ne,

Roma 8:1

I̱yo̱ko̱ zin, ming arume e̱e̱ti̱ ki Ye̱su̱ Ki̱ri̱sto̱, iróng atin Ta̱mu̱ta̱dde̱n ngen edez e̱e̱t neci, i̱i̱te̱ne̱ ci okko enne ettede lo̱ki̱ko̱.

Roma 9:19

Okko e̱e̱ti̱ co̱de̱ ngatinno̱ng a̱nne̱ka̱ ne, “Ming odola Ta̱mu̱ta̱dde̱n gi̱i̱ye̱ ci ogonik enne e̱e̱t ci diiri, nya bo̱do̱k Ta̱mu̱ta̱dde̱n ming anganyet agit ko̱? Eci ngene ci wo̱ye̱ abure zoz wa orong Ta̱mu̱ta̱dde̱n e̱e̱t ci diiri kar ku̱tu̱gu̱?”

1 Ko̱ri̱nto̱ 13:2

Ming kanyai anna arizet ci ka̱du̱wa̱ne̱ zoz ci i̱ye̱le̱ka̱ Ta̱mu̱ta̱dde̱n annit, icima kanyai doiz ci ka̱gga̱we̱ kaal do̱o̱k, kedeca kaal wak a̱lu̱gu̱ny Ta̱mu̱ta̱dde̱n iróng i̱ye̱le̱k ol bu̱k, icima kanyai tu̱we̱ne̱t ci kanyike bee ki̱pi̱ya̱ ele kuk ngamani, ma̱i̱je̱ ngatu i̱llo̱i̱ rezinet ngatinanni ci kireze ol, kaave anna gaganiko. Maya ming kirezi ol.

2 Ko̱ri̱nto̱ 5:17

Uhu de̱de̱ Ta̱mu̱ta̱dde̱n baiz ci ol wak a̱tu̱ Ki̱ri̱sto̱ ka̱vvu̱to̱ do̱. Utungtek baiz ci reeni ogone kaal cik lo̱o̱tu̱ gerzek ke̱ lo̱o̱c, u̱tu̱gu̱zzo̱ kaal cik een jor baize cinne̱ng.

2 Ko̱ri̱nto̱ 7:1

Gotonogga ki ngonogga wak kirezi anna ko̱, eci Ta̱mu̱ta̱dde̱n u̱du̱wa̱ zoz cinne kar kaanyyet kizet dooli ciginnek, abunna naga do̱o̱k kabiliz ba̱ci̱nno̱k vongize cinna. Gerza ming kogon kaal cik gerzek, gerza ming ki̱no̱n i̱no̱ni̱ ci gerze. Abunna ko̱ngo̱o̱le̱ Ta̱mu̱ta̱dde̱n, kabak baiz ci caale. Ming ku̱tu̱gu̱zzo̱ naga niko, irezet atin Manyi oroot.

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

1 Ti̱mo̱te̱yo̱ 1:5

Keheraki zin waraga cu kar ti̱lo̱ ol wak a̱tu̱ Ye̱su̱ kirezto zi̱nze̱tti̱nne̱ cik voorik per, kar nege ki̱no̱ni̱t kaal cik abunna go̱o̱le̱ ci ki̱no̱ne̱ ol wak a̱tu̱ Ta̱mu̱ta̱dde̱n de̱de̱.

Ti̱to̱ 2:7

Abunna i̱nna̱ bu̱k ming ogoni kaal cik abunna kar ol kicinnet gool ci abunna ngatunne. Abunna kaala ne̱k ogoni ko̱ ming i̱ye̱la̱ de̱mzi̱ne̱t cunno̱ng.

I̱bu̱ru̱ 11:31

Okko tu̱we̱nte̱ ci ngaa ci een a̱li̱ya̱i̱t een zara Rihab ko̱, iróng Ta̱mu̱ta̱dde̱n ngen a̱ru̱k nonno ki ol balik abure Manyi ke̱, eci enne i̱ti̱ri̱z ro̱tto̱k balik ovvo oroot lo̱o̱c ke̱.

I̱bu̱ru̱ 11:33

Tu̱we̱nte̱ ci ol ne̱ko̱, ommogit nege alaat cik lo̱o̱cco̱k u̱gge̱, abal ol de̱de̱, kar ku̱mu̱dda̱ zoz bali u̱du̱wa̱ Manyi, okko Danieli anyug u̱tu̱ge̱tti̱ cik maatetu.

I̱bu̱ru̱ 11:6

Iróng wo̱ye̱ Ta̱mu̱ta̱dde̱n irez e̱e̱t ci diiri ming iróng elemi zoz cinne. Ming orong e̱e̱ti̱ a̱kku̱nna̱k Ta̱mu̱ta̱dde̱n, abunna ming elemi kar ka̱gga̱ aave Manyi to, kar zin Ta̱mu̱ta̱dde̱n kumuc e̱e̱t eci oronge nonno de̱de̱.

Je̱mi̱s 2:14

Gotonogga ki ngonogga tu̱we̱nta̱, nya ci abunna ming azi e̱e̱ti̱ ne kanyai enne tu̱we̱ne̱t imma ngatu iróng ogonik ol li̱ngli̱ngo̱n? A̱ti̱ri̱z wo̱ye̱ tu̱we̱ne̱t ci ogon niko ko̱ nonno?

Je̱mi̱s 3:13

Ming anyak e̱e̱ti̱ imma genyiz kar ka̱gga̱ zoz orgene cunno̱ng, anyik nonno ki̱ye̱la̱ baize cinne abunna ko̱, go̱o̱le̱ ci ogone enne kaal zinine ci alali a̱kku̱ genyiza.