Je̱mi̱s 2:12 - Tennet

¹² Ozozit kar u̱tu̱gu̱z kaal ki ol cik ovvo ettedonik lo̱ki̱ko̱ lo̱ti̱nno̱we̱ cik a̱a̱nyu̱ng abait labak,

Je̱mi̱s 2:12 Iomraidhean Croise

Lu̱ka̱ 4:18

“Aave Vongizi ci Manyi ngatinanni, eci enne atahala annita kar kuwahek kaviyak cik abunna ol cik amati. I̱tto̱na̱na̱ enne kar kuwahek zoz ol wak e̱ce̱bje̱ lagama kar koogtai kar ol wak ru̱be̱ni̱k kicinte, kar kooga ol wak ommogek ol lo̱o̱c,

Kaviyak wak Abunna Ta̱mu̱ta̱dde̱no̱ eher Joni 8:32

Kar atin a̱gga̱c zoz ci een de̱de̱, arannu̱ng atin zoz neci mu̱nye̱ne̱.”

Ga̱la̱ti̱a̱ 6:2

Eelta ol cik anyak no̱ngi̱tto̱n orgene cunno̱ng, ming u̱tu̱gu̱zzu̱ niko, u̱zu̱ttu̱ zin niga lo̱ti̱nno̱k cik Ki̱ri̱sto̱.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

Kolosiya 3:17

Kar ming ogonnu gi̱i̱ imma, ming ozozu u̱tu̱ge̱tti̱ne̱ icima ogonnu azzine, u̱tu̱gu̱z kaal ne̱ke̱ do̱o̱k zare cik Manyi Ye̱su̱. Kar bo̱do̱k go̱o̱le̱ cinne, aanycik Ta̱mu̱ta̱dde̱n Baba zany kaale do̱o̱k.

Je̱mi̱s 1:25

Imma e̱e̱ti̱ ci aziye lo̱ti̱nno̱k wak Ta̱mu̱ta̱dde̱no̱ aanyet ku̱tu̱gu̱z kaal labak ci iróng ko̱ngo̱o̱li̱ne̱ gi̱i̱ imma, kar kuzute lo̱ti̱nno̱k ne̱ke̱, iróng erehek lo̱ti̱nno̱wa̱ balik izik enne ke̱, a̱mu̱yu̱k atin Ta̱mu̱ta̱dde̱n nonno kaale cik ogon enne do̱o̱k.

Je̱mi̱s 2:8

Ming azunnu niga lo̱ti̱nno̱k wak riilik Warage ci Ta̱mu̱ta̱dde̱no̱ e̱he̱rye̱ azi ne, “Irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱,” ogonnu niga zoz ci een de̱de̱.