Je̱mi̱s 1:26 - Tennet

²⁶ Ming azi e̱e̱ti̱ imma ne, ke̱e̱ni̱ enne e̱e̱t ci Ta̱mu̱ta̱dde̱no̱, imma ngatu iróng azunne a̱ha̱t cinne, a̱lu̱t enne ele cinne, izeto kaala wak u̱tu̱gu̱ enne tu̱we̱nte̱ cinne ko̱ do̱o̱k kaalakreng, iróng tu̱we̱ne̱t cinne ngen a̱li̱ngli̱ng Ta̱mu̱ta̱dde̱na̱.

Je̱mi̱s 1:26 Iomraidhean Croise

Ma̱te̱yo̱ 15:9

Iróng nege alaya annit de̱de̱; Een de̱mzi̱ne̱t cinne̱ng, ti̱lo̱wi̱ne̱t ci a̱kku̱ ngati ol cik diirik.’”

Marko 7:7

Iróng nege alaya annit de̱de̱; Een de̱mzi̱ne̱t cinne̱ng, ti̱lo̱wi̱ne̱t ci a̱kku̱ ngati ol cik diirik.’

Lu̱ka̱ 8:18

I̱yo̱ko̱ zin, a̱gga̱c zin ju̱rru̱m gool ci aziknenu niga zoz ci Ta̱mu̱ta̱dde̱no̱ ku̱. Ming anyak e̱e̱ti̱ imma, anyonik atin nonno cik meelek; ming iróng e̱e̱ti̱ imma anyak, a̱gga̱mnya̱i̱ atin rok ne̱k i̱no̱n enne azi ne anyai cidici ko̱.”

1 Ko̱ri̱nto̱ 15:15

Ming iróng ol balik a̱da̱i̱to̱ ke̱ ingazi daiza kuruget, kuwakteya naga ol zoz ci een volong obod ki Ta̱mu̱ta̱dde̱n, ku̱du̱kta̱ ol zoz ci ingane Ta̱mu̱ta̱dde̱n Ki̱ri̱sto̱ daiza, iróng enne ingane nonno de̱de̱ daiza, ming iróng ol ingazi daiza.

1 Ko̱ri̱nto̱ 15:2

Amudannu atin niga ti̱ri̱ze̱ne̱t zo̱ze̱ ci kaviyak ne̱ko̱, ming a̱gga̱mnyu̱ niga kaviyak balik ku̱du̱wa̱u̱ng anna i̱ge̱t ke̱. Ming ngen elemtta kaviyak ne̱ke̱ de̱de̱, i̱llo̱i̱ gi̱i̱ imma ci amudannu.

1 Ko̱ri̱nto̱ 3:18

Ma a̱lu̱tu̱ e̱le̱tti̱ cuggo̱k. Ming i̱no̱n e̱e̱ti̱ imma ngatinno̱ng azi ne kegenyi kaale cik baiz cu, abunna zin abarik ming aanyik ele kize tarbal, kar enne kumuda genyiz.

Ga̱la̱ti̱a̱ 2:6

Imma Jerusalema, anyak alaat wak riilik Ce̱e̱ze̱ wa Ta̱mu̱ta̱dde̱no̱, i̱llo̱i̱ wo̱ye̱ gi̱i̱ imma ci otornik nege de̱mzi̱ne̱t cinanni ko̱, eci ol do̱o̱k atubo ngu̱me̱ ci Ta̱mu̱ta̱dde̱no̱.

Ga̱la̱ti̱a̱ 2:9

Elemit ciko Je̱mi̱s ki Peturu ki Jon wak abile ke̱le̱ci̱a̱ kizeto lolanya cik ke̱le̱ci̱a̱k, elemtta arizet ci kuwaheke anna ol kaviyak wak aanya Ta̱mu̱ta̱dde̱n. Kar zin nege kelemtait annit ki Barnabas kizetta ol cik ka̱li̱ngli̱ngnya̱ bu̱k. A̱nne̱kke̱t ne, “Uwakttek ol wak iróng een Ya̱u̱d kaviyak cik Ye̱su̱, ovvo nege uwahek olli Ya̱u̱do̱ kaviyak ne̱ke̱ bu̱k.”

Ga̱la̱ti̱a̱ 3:4

Ipirrtau ba̱li̱ye̱ niga oroot zo̱ze̱ ci a̱tu̱yyu̱ Ye̱su̱, gerza ming amurya pirnanet cunno̱ng.

Ga̱la̱ti̱a̱ 6:3

Ming i̱no̱n e̱e̱ti̱ ele azi ne ke̱e̱ni̱ e̱e̱t ci riili ngati keelane ol, a̱lu̱t e̱e̱ti̱ neci ele cinne. Iróng e̱e̱ti̱ neci een riil.

Evesos 4:29

Ma anyikku zoz ci gerze kiyowa u̱tu̱ge̱tti̱ne̱ cuggo̱k. U̱du̱kta̱ zoz ci een de̱de̱ go̱o̱le̱ ci abunna ngati ol cik azikne, kar eelta nogo zo̱ze̱ ci a̱du̱wa̱nnu̱ niga ko̱.

Evesos 5:4

Ma ngen a̱du̱wa̱nnu̱ zoz ci gerze ki zoz ci tarbali, zoz ci iróng agano ming kozozi, abarik ozozit zoz ci abunna ci anyikku Ta̱mu̱ta̱dde̱n zany.

Kolosiya 4:6

Ming ozozonnu ki ol, aanycik zo̱zzo̱k cuggo̱k kizeto zo̱zzo̱k cik abunna atalne ol, kar wo̱ye̱ niga a̱gga̱c gool ci abarizekku ol do̱o̱k.

Je̱mi̱s 1:19

Gotonogga ki ngonogga tu̱we̱nta̱, iziyyet zoz cu ju̱rru̱m: Abunna gon e̱e̱ti̱ ming aziye zoz ataman, ma a̱li̱bo̱ni̱k zoz, ma adunya zinin ataman,

Je̱mi̱s 1:22

Ma aziknnu zoz ci Ta̱mu̱ta̱dde̱no̱ gaganiko, kar zin u̱lu̱te̱t e̱le̱tti̱ cuggo̱k. U̱tu̱gu̱z zoz ci a̱du̱wa̱ zoz neci.

Je̱mi̱s 2:20

Imma i̱nna̱ e̱e̱ti̱ ci tarbali ko̱, orongi i̱nna̱ cin ming een tu̱we̱ne̱t ci i̱llo̱i̱ bunnat ki i̱rrke̱ne̱t, een gi̱i̱tareng?

1 Peturu 3:10

Ming “Orong e̱e̱ti̱ de̱de̱ kar kabak labak talninta, kar kicin baiz i̱i̱nya̱ do̱o̱k ma ozozi ol gerzet, anyik nonno kuzute utug cinne zo̱ze̱ ci volongo.