Je̱mi̱s 1:25 - Tennet

²⁵ Imma e̱e̱ti̱ ci aziye lo̱ti̱nno̱k wak Ta̱mu̱ta̱dde̱no̱ aanyet ku̱tu̱gu̱z kaal labak ci iróng ko̱ngo̱o̱li̱ne̱ gi̱i̱ imma, kar kuzute lo̱ti̱nno̱k ne̱ke̱, iróng erehek lo̱ti̱nno̱wa̱ balik izik enne ke̱, a̱mu̱yu̱k atin Ta̱mu̱ta̱dde̱n nonno kaale cik ogon enne do̱o̱k.

Je̱mi̱s 1:25 Iomraidhean Croise

Lu̱ka̱ 11:28

O̱bo̱de̱k zin Ye̱su̱ nonno, “U̱mu̱yu̱kte̱ zin abarik ol wak aziye zoz ci Ta̱mu̱ta̱dde̱no̱ kar ko̱to̱ngo̱o̱ltte̱ zoz neci.”

Kaviyak wak Abunna Ta̱mu̱ta̱dde̱no̱ eher Joni 13:17

I̱yo̱ko̱ a̱gga̱yyu̱ zoz necu ko̱, atalninnu atin niga oroot, a̱mu̱yu̱kku̱ng atin Ta̱mu̱ta̱dde̱n ming u̱tu̱gu̱zzu̱ zoz necu.”

Kaviyak wak Abunna Ta̱mu̱ta̱dde̱no̱ eher Joni 8:36

Ming aara Ngerinne mu̱nye̱n cigunnek, abau i̱nna̱ labak ki̱zze̱c mu̱nye̱na̱ to.

Buk wa To̱ni̱a̱u̱ 13:43

Baling ovvo ol azanne, unuwet ol cik meelek e̱e̱ggi̱n Ya̱u̱d ki i̱do̱ngi̱ wak utuhuye kizeto Ya̱u̱d ko̱ nogo, kar zin Pa̱u̱lo̱ ki Barnabas izektek nogo ne, “A̱vvu̱t labak detente ci Ta̱mu̱ta̱dde̱no̱.”

Buk wa To̱ni̱a̱u̱ 2:42

Aanycik nege e̱le̱tti̱ cigge̱k de̱mzi̱ne̱t ci to̱ni̱a̱u̱ ki wowonet cinne̱ng, ki du̱le̱ne̱t umune nga̱to̱de̱ ki lawinet.

Buk wa To̱ni̱a̱u̱ 26:22

Eelanna Ta̱mu̱ta̱dde̱n i̱i̱nya̱ ne̱ko̱ do̱o̱k. I̱yo̱ko̱ kabili ngatu, ka̱du̱wa̱i̱ zoz cinanni ol veelek cikidik ki ol cik a̱ddi̱ki̱re̱ nga̱to̱de̱. Een zoz ci ka̱du̱wa̱ ko̱ bali u̱du̱kta̱ a̱ri̱tto̱wa̱ wak zoz ci Ta̱mu̱ta̱dde̱no̱ ki Muses azi ne, akati atin zoz necu mo̱o̱le̱t,

Roma 11:22

Ka̱gga̱ zin naga anyak Ta̱mu̱ta̱dde̱n zinin ci alali, kar bo̱do̱k gon kutubur nong. Abure nong oroot ngati olli Ya̱u̱do̱ wak iróng a̱tu̱we̱, okko alalnek ol wak iróng een Ya̱u̱d wak a̱tu̱we̱. Ming iróng niga odolnannu tu̱we̱nta̱, aburnnung atin enne i̱ge̱t bu̱k.

Roma 2:13

Elemi Ta̱mu̱ta̱dde̱n ol wak o̱ngo̱o̱le̱ lo̱ti̱nno̱k ciginnek, iróng enne elemi ol wak aziye gaganiko.

Roma 7:12

I̱yo̱ko̱ zin, i̱li̱le̱c lo̱ti̱nno̱wa̱ ki zoz ci a̱du̱wa̱ do̱o̱k abunna.

Roma 8:15

Iróng Vongizi ci Ta̱mu̱ta̱dde̱no̱ aanyyet kizet du̱cca̱k kar ko̱to̱ngo̱o̱ltte̱ lo̱ki̱ko̱ ci Ta̱mu̱ta̱dde̱no̱. Abarik Vongizi aanyyet kizet dooli ciginnek bak kawu Ta̱mu̱ta̱dde̱n kize Be̱e̱ti̱nna̱.

Roma 8:2

Eci Vongizi ci Ta̱mu̱ta̱dde̱no̱ arawa annit lo̱ti̱nno̱we̱ wak mu̱nye̱nu̱ ki wak daizak, kar kanyaha ruget ci een jor ngati Ye̱su̱ Ki̱ri̱sto̱.

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

2 Ko̱ri̱nto̱ 13:5

Timan ele cunne kar ruba ming anyai i̱nna̱ tu̱we̱ne̱t de̱de̱. Ming anyai i̱nna̱ tu̱we̱ne̱t neci, okko a̱gga̱ aave Ki̱ri̱sto̱ ngatinne. Ming iróng Ye̱su̱ Ki̱ri̱sto̱ abak ngatunne, u̱yu̱we̱ i̱nna̱ timaninet neci.

Ga̱la̱ti̱a̱ 2:4

Ize gerza zoz neci eci ol wak a̱ti̱yye̱ ol tu̱ i̱tto̱zzo̱ orgen cinna, a̱vvu̱ kize ro̱tto̱k, a̱ru̱k talaben, kar kicinnet baiz ci abunna kanyaka ngati ka̱tu̱yya̱ Ye̱su̱ Ki̱ri̱sto̱, abarik orong nege kutuhuyyet kizet du̱cca̱k.

Ga̱la̱ti̱a̱ 5:1

I̱yo̱ko̱ zin iróng naga ngen kecebje, eci oogawet Ki̱ri̱sto̱ kotozzo labak. Ibilet okkomit kak baize ci a̱tu̱yyu̱ Ye̱su̱, ma ngen a̱mi̱ro̱ni̱kku̱ lo̱ti̱nno̱k wak Musesi, kar izet du̱cca̱k bo̱do̱k ki ba̱li̱ye̱.

Ga̱la̱ti̱a̱ 6:2

Eelta ol cik anyak no̱ngi̱tto̱n orgene cunno̱ng, ming u̱tu̱gu̱zzu̱ niko, u̱zu̱ttu̱ zin niga lo̱ti̱nno̱k cik Ki̱ri̱sto̱.

Kolosiya 1:23

Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.

1 Ti̱mo̱te̱yo̱ 2:15

A̱ti̱ri̱z atin Ta̱mu̱ta̱dde̱n ngaai go̱o̱le̱ ci a̱rri̱ta̱ne̱ dooli, ming emena nege tu̱we̱nta̱ ki rezinet Ta̱mu̱ta̱dde̱n kar kabaito baiz ci a̱li̱le̱.

1 Ti̱mo̱te̱yo̱ 4:16

Zuute ele cunne ki kaal cik edemezi ko̱. Tu̱gu̱ kaal balik ki̱lo̱ti̱ki̱ ke̱. Ming u̱tu̱gu̱ niko, a̱ti̱ri̱zi̱ ele cunne ki ol cik aziknin bu̱k.

I̱bu̱ru̱ 12:15

Abunna ming eelannu kar urubta deten ci Ta̱mu̱ta̱dde̱no̱ niga do̱o̱k. Icinnet ju̱rru̱m, gerza ming oboda e̱e̱ti̱ ki vu̱rru̱t tu̱we̱nta̱ kar kize gerza bak a̱li̱b tu̱we̱ne̱t cunno̱ng, kar ol cik meelek kutungttek tu̱we̱ne̱t lo̱o̱c.

Je̱mi̱s 2:12

Ozozit kar u̱tu̱gu̱z kaal ki ol cik ovvo ettedonik lo̱ki̱ko̱ lo̱ti̱nno̱we̱ cik a̱a̱nyu̱ng abait labak,

1 Peturu 2:16

Abaito zin labak, ma anyikku baiz ci abakku ko̱ kize baiz ci ogonnu kaal cik gerzek. Abarik zin a̱vvu̱t izet du̱cca̱k wak Ta̱mu̱ta̱dde̱no̱ wak een de̱de̱.

1 Jon 2:24

Imma niga, anyik zoz bali iziktu niga oowa ke̱ ka̱vvu̱ ngatinno̱ng. Ming a̱vvu̱ zoz bali iziktu niga arrak oowa ke̱ ngatinno̱ng, aavtiyyu zin niga bu̱k ngati Ngerinne ki Baatinne.

O̱no̱zzo̱k 14:13

Kiziya zin anna muluk ci a̱kku̱ ta̱mu̱-kenga azi ne, “Teher zoz necu: A̱ma̱yu̱kte̱ ol balik a̱da̱i̱to̱ zo̱ze̱ ci anuwe nege Manyi, akane i̱yo̱ko̱ kuk.” Azi Vongizi ci Ta̱mu̱ta̱dde̱no̱ ne, “I̱i̱ny, i̱ye̱be̱z atin nege li̱ngli̱ngo̱ne̱ bali abunna u̱tu̱gu̱zzo̱ nege ke̱, annu atin nogo kaala cik u̱tu̱gu̱zzo̱ nege baize cinne̱ng.”

O̱no̱zzo̱k 22:14

“A̱ma̱yu̱kte̱ ol wak uuny ru̱u̱ma̱ni̱ cigge̱k, agano atin nege ki keet ci rugeto kar ki̱tto̱zzo̱ arana koot o̱rge̱ ci a̱ddi̱ki̱re̱ ecito.