Je̱mi̱s 1:22 - Tennet

²² Ma aziknnu zoz ci Ta̱mu̱ta̱dde̱no̱ gaganiko, kar zin u̱lu̱te̱t e̱le̱tti̱ cuggo̱k. U̱tu̱gu̱z zoz ci a̱du̱wa̱ zoz neci.

Je̱mi̱s 1:22 Iomraidhean Croise

Ma̱te̱yo̱ 12:50

Ming ogon e̱e̱ti̱ imma li̱ngli̱ngo̱n ci Baba wa aave ta̱mu̱-kenga ko̱, een enne gotona ki ngoona ki yaatanni.”

Ma̱te̱yo̱ 28:20

Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”

Lu̱ka̱ 11:28

O̱bo̱de̱k zin Ye̱su̱ nonno, “U̱mu̱yu̱kte̱ zin abarik ol wak aziye zoz ci Ta̱mu̱ta̱dde̱no̱ kar ko̱to̱ngo̱o̱ltte̱ zoz neci.”

Kaviyak wak Abunna Ta̱mu̱ta̱dde̱no̱ eher Joni 13:17

I̱yo̱ko̱ a̱gga̱yyu̱ zoz necu ko̱, atalninnu atin niga oroot, a̱mu̱yu̱kku̱ng atin Ta̱mu̱ta̱dde̱n ming u̱tu̱gu̱zzu̱ zoz necu.”

Roma 2:13

Elemi Ta̱mu̱ta̱dde̱n ol wak o̱ngo̱o̱le̱ lo̱ti̱nno̱k ciginnek, iróng enne elemi ol wak aziye gaganiko.

1 Ko̱ri̱nto̱ 15:33

Ma anyikku ol u̱gge̱ kalabtaung i̱ge̱ta̱, “Ovvo atin gonoggu cik gerzek, egerzannung.”

1 Ko̱ri̱nto̱ 3:18

Ma a̱lu̱tu̱ e̱le̱tti̱ cuggo̱k. Ming i̱no̱n e̱e̱ti̱ imma ngatinno̱ng azi ne kegenyi kaale cik baiz cu, abunna zin abarik ming aanyik ele kize tarbal, kar enne kumuda genyiz.

1 Ko̱ri̱nto̱ 6:9

Iróng niga a̱gga̱yyu̱ iróng atin olli mu̱nye̱nu̱ aragiz ba̱a̱li̱ne̱t ci Ta̱mu̱ta̱dde̱no̱. Ma anyikku ol kalabtaung! Iróng atin ol cik e̱e̱ggi̱n a̱li̱ya̱k, icima ol cik a̱di̱ngdi̱nga̱n to̱do̱yyo̱k kizeto ta̱mu̱ta̱dde̱ne̱t cik lo̱o̱tu̱, icima ngaai wak een a̱li̱ya̱k ki ol cik macik ogon e̱le̱tti̱ kizeto ngaai, icima ol cik macik oonge gonoggi,

Ga̱la̱ti̱a̱ 6:3

Ming i̱no̱n e̱e̱ti̱ ele azi ne ke̱e̱ni̱ e̱e̱t ci riili ngati keelane ol, a̱lu̱t e̱e̱ti̱ neci ele cinne. Iróng e̱e̱ti̱ neci een riil.

Ga̱la̱ti̱a̱ 6:7

Ma anyike e̱e̱t imma ki̱ti̱kttu̱ng tu̱, i̱llo̱i̱ e̱e̱t imma ci alaba Ta̱mu̱ta̱dde̱n. Kazi niko, eci obodak e̱e̱t gi̱i̱ ci u̱tu̱gu̱ enne baize cinne.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

Kolosiya 3:17

Kar ming ogonnu gi̱i̱ imma, ming ozozu u̱tu̱ge̱tti̱ne̱ icima ogonnu azzine, u̱tu̱gu̱z kaal ne̱ke̱ do̱o̱k zare cik Manyi Ye̱su̱. Kar bo̱do̱k go̱o̱le̱ cinne, aanycik Ta̱mu̱ta̱dde̱n Baba zany kaale do̱o̱k.

2 Ti̱mo̱te̱yo̱ 3:13

Ma̱i̱je̱ ol wak gerzek ki ol wak een volongnyok, gerza atin zoz cinne̱ng oroot, ovolongek ol kar bo̱do̱k ol kovolongttek nogo.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

Je̱mi̱s 1:26

Ming azi e̱e̱ti̱ imma ne, ke̱e̱ni̱ enne e̱e̱t ci Ta̱mu̱ta̱dde̱no̱, imma ngatu iróng azunne a̱ha̱t cinne, a̱lu̱t enne ele cinne, izeto kaala wak u̱tu̱gu̱ enne tu̱we̱nte̱ cinne ko̱ do̱o̱k kaalakreng, iróng tu̱we̱ne̱t cinne ngen a̱li̱ngli̱ng Ta̱mu̱ta̱dde̱na̱.

Je̱mi̱s 4:11

Gotonogga ki ngonogga tu̱we̱nta̱, ma ozozu gonoggu gerzet. Ming ozoz e̱e̱ti̱ imma gooni gerzet icima apahek nonno lo̱ki̱ko̱, abarik ozoz enne gerzet zo̱ze̱ ci lo̱ti̱nno̱k kar kapahek lo̱ki̱ko̱. Ming apahek i̱nna̱ lo̱ki̱ko̱ lo̱ti̱nno̱k, iróng i̱nna̱ azunne nogo, abarik i̱nna̱ odongi ele ngati lo̱ti̱nno̱k ne̱ke̱.

Je̱mi̱s 4:17

Niga zin ol do̱o̱k, wak a̱gga̱yyu̱ gi̱i̱ ci abunna kar ming orong e̱e̱ti̱ ku̱tu̱gu̱, iróng zin ngen ogoni, abarik zin u̱tu̱gu̱ enne mu̱nye̱n.

2 Peturu 2:13

A̱ru̱k atin Ta̱mu̱ta̱dde̱n nga̱bo̱lo̱, edez nogo mu̱nye̱ne̱ cik u̱tu̱gu̱zzo̱ nege. Abarik nege i̱no̱n azi ne, kadak kwo̱o̱r kar ku̱tu̱gu̱z kaal cik gerzek een gi̱i̱ ci abunna ngatinne̱ng.

1 Jon 1:8

Ming kazi naga ne i̱llo̱i̱ agit mu̱nye̱n, ka̱lu̱t naga e̱le̱tti̱ cigga̱c, i̱llo̱i̱ zoz ci een de̱de̱ ngatinna.

1 Jon 2:3

Ming kazunne naga lo̱ti̱nno̱k ciginnek, i̱ye̱la̱ zoz necu azi ne, ka̱gga̱ naga nonno de̱de̱.

1 Jon 3:7

Niga dooli wagannik tu̱we̱nta̱, ma anyikku e̱e̱t imma kalabaung ki̱ti̱ku̱ng tu̱. Okko e̱e̱ti̱ ci ogon kaal cik abunna, een enne e̱e̱t ci abunna ki i̱yo̱ko̱ Ki̱ri̱sto̱ ming abunna ko̱.

3 Jon 1:11

Goona wa zinino, ma uhu zoz ci mu̱nye̱nu̱ kize zoz ci abunna. Imma e̱e̱ti̱ ci ogon zoz ci abunna een enne e̱e̱t ci Ta̱mu̱ta̱dde̱no̱, imma e̱e̱ti̱ ci ogon mu̱nye̱n iróng enne a̱gga̱ Ta̱mu̱ta̱dde̱n.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 22:7

Azi Ye̱su̱ ne, “Aarta iin! Kokko anna ka̱kku̱ni̱ ataman! A̱ma̱yu̱we̱ e̱e̱ti̱ ci azunne zo̱zzo̱k cik i̱ye̱ltta̱i̱ buwe cu.”