Je̱mi̱s 1:16 - Tennet

¹⁶ Gotonogga ki ngonogga tu̱we̱nta̱, ma anyikku gi̱i̱ imma kalabaung baiza.

Je̱mi̱s 1:16 Iomraidhean Croise

Ma̱te̱yo̱ 22:29

O̱bo̱de̱k zin Ye̱su̱ nogo, “Abaccu niga oroot eci iróng niga a̱gga̱yyu̱ Waraga ci Ta̱mu̱ta̱dde̱no̱, icima komiz cinne.

Marko 12:24

O̱bo̱de̱k zin Ye̱su̱ nogo izek ne, “Abaccu niga eci iróng niga a̱gga̱yyu̱ Waraga ci Ta̱mu̱ta̱dde̱no̱ icima komiz cinne.

Marko 12:27

Iróng enne een Ta̱mu̱ta̱dde̱n ci ol wak a̱da̱i̱to̱, abarik een Ta̱mu̱ta̱dde̱n ci ol wak aruge. Abaccu niga zo̱ze̱ necu oroot.”

Buk wa To̱ni̱a̱u̱ 1:15

Imma bali i̱i̱nya̱we̱ ne̱ke̱, itinga Peturu je̱e̱na̱ orgene ci ol cik a̱tu̱we̱ ko̱. E̱e̱ggi̱n nege o̱bo̱n co̱de̱ ki moten rama (120).

1 Ko̱ri̱nto̱ 6:9

Iróng niga a̱gga̱yyu̱ iróng atin olli mu̱nye̱nu̱ aragiz ba̱a̱li̱ne̱t ci Ta̱mu̱ta̱dde̱no̱. Ma anyikku ol kalabtaung! Iróng atin ol cik e̱e̱ggi̱n a̱li̱ya̱k, icima ol cik a̱di̱ngdi̱nga̱n to̱do̱yyo̱k kizeto ta̱mu̱ta̱dde̱ne̱t cik lo̱o̱tu̱, icima ngaai wak een a̱li̱ya̱k ki ol cik macik ogon e̱le̱tti̱ kizeto ngaai, icima ol cik macik oonge gonoggi,

Ga̱la̱ti̱a̱ 6:7

Ma anyike e̱e̱t imma ki̱ti̱kttu̱ng tu̱, i̱llo̱i̱ e̱e̱t imma ci alaba Ta̱mu̱ta̱dde̱n. Kazi niko, eci obodak e̱e̱t gi̱i̱ ci u̱tu̱gu̱ enne baize cinne.

Vilipia 2:12

Gonogga wak zinino, gon ba̱li̱ye̱ ming kaavtte ki i̱ge̱t ojonun, o̱ngo̱o̱li̱nnu̱ niga Ta̱mu̱ta̱dde̱n odohize. I̱yo̱ko̱ zin kaave anna reena, abunna zin ming o̱ngo̱o̱li̱nnu̱ oroot. Abait zin go̱o̱le̱ ci amudannu niga ti̱ri̱ze̱ne̱t ko̱ ngo̱li̱nta̱ ki baritona,

Vilipia 4:1

Gotonogga ki ngonogga wak zinino, korongi gon anna kar kurumte ki i̱ge̱ta̱, eci gon aanyang niga annita talninet kar bo̱do̱k anna kodong ele ngatinno̱ng. Ibilet zin ju̱rru̱m ngati Manyi.

Kolosiya 2:4

Ka̱du̱wa̱kku̱ng zoz neci abunna iróng e̱e̱ti̱ imma alabanung zo̱ze̱ ci a̱lu̱te̱ nege ol dangonte ci okkomi.

Kolosiya 2:8

Ka̱du̱wa̱kku̱ng, ebeit e̱le̱tti̱ ju̱rru̱m, kar i̱llo̱i̱ e̱e̱t imma ci alabanung genyize ci anyak volong a̱kku̱ ngati ol cik diirik, de̱mzi̱ne̱t ci olli lo̱o̱tu̱, iróng ozoz zoz ci obod ki Ki̱ri̱sto̱.

2 Ti̱mo̱te̱yo̱ 2:18

cik utunget abarik zoz wa Ta̱mu̱ta̱dde̱no̱ een de̱de̱, i̱ti̱ktte̱ ol tu̱, kar kegerezanit tu̱we̱ne̱t cinne̱ng ngati edemzeke ol zoz ci azi ne, itingazzo abarik ol wak a̱da̱i̱to̱ daiza.

I̱bu̱ru̱ 13:1

Gotonogga ki ngonogga tu̱we̱nta̱, e̱me̱dda̱ irezto niga do̱o̱k.

Je̱mi̱s 1:19

Gotonogga ki ngonogga tu̱we̱nta̱, iziyyet zoz cu ju̱rru̱m: Abunna gon e̱e̱ti̱ ming aziye zoz ataman, ma a̱li̱bo̱ni̱k zoz, ma adunya zinin ataman,

Je̱mi̱s 1:2

Gotonogga ki ngonogga tu̱we̱nta̱, abunna zin kaavtte talninta, ming nu̱nu̱n atimanet no̱ngi̱tto̱na̱ go̱o̱lo̱we̱ cik aavtte do̱ do̱ baiza.

Je̱mi̱s 2:1

Gotonogga ki Ngonogga tu̱we̱nta̱, ki i̱yo̱ko̱ ming ke̱e̱ggi̱n naga ol wak ka̱tu̱ Manyitinna Ye̱su̱ Ki̱ri̱sto̱, ma ahali ol.

Je̱mi̱s 2:14

Gotonogga ki ngonogga tu̱we̱nta̱, nya ci abunna ming azi e̱e̱ti̱ ne kanyai enne tu̱we̱ne̱t imma ngatu iróng ogonik ol li̱ngli̱ngo̱n? A̱ti̱ri̱z wo̱ye̱ tu̱we̱ne̱t ci ogon niko ko̱ nonno?

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

Je̱mi̱s 3:1

Gotonogga ki ngonogga tu̱we̱nta̱, iróng wo̱ye̱ ol cik meelek ngatinno̱ng e̱e̱ggi̱n de̱me̱zzo̱k, eci niga a̱gga̱yyu̱, naga ol wak ke̱de̱me̱zi̱na̱ ko̱, etted atin Ta̱mu̱ta̱dde̱n lo̱ki̱ko̱ cinna̱ng oroot.

Je̱mi̱s 3:10

Iyowa zoz ci ka̱di̱ngdi̱nga̱ne̱ Ta̱mu̱ta̱dde̱n ki to̱ri̱ne̱t utuge co̱de̱ ko̱ niko. Gotonogga ki ngonogga tu̱we̱nta̱, gerza zoz necu ming ogone niko.

Je̱mi̱s 4:11

Gotonogga ki ngonogga tu̱we̱nta̱, ma ozozu gonoggu gerzet. Ming ozoz e̱e̱ti̱ imma gooni gerzet icima apahek nonno lo̱ki̱ko̱, abarik ozoz enne gerzet zo̱ze̱ ci lo̱ti̱nno̱k kar kapahek lo̱ki̱ko̱. Ming apahek i̱nna̱ lo̱ki̱ko̱ lo̱ti̱nno̱k, iróng i̱nna̱ azunne nogo, abarik i̱nna̱ odongi ele ngati lo̱ti̱nno̱k ne̱ke̱.

Je̱mi̱s 5:12

Gotonogga ki ngonogga tu̱we̱nta̱, ma i̱tto̱ni̱ku̱ zoz zare cik ta̱mu̱-kengo icima zare cik lo̱o̱tu̱ icima gi̱i̱ imma ci aave do̱. Ming een zoz ci elema i̱nna̱, lema, ming een zoz ci aburi i̱nna̱, tuburo, icima ettedekkung atin lo̱ki̱ko̱ i̱ge̱ta̱.

Je̱mi̱s 5:19

Gotonogga ki ngonogga tu̱we̱nta̱, ming anyak e̱e̱t ci i̱ti̱k tu̱ zo̱ze̱ ci een de̱de̱, anyik e̱e̱t imma kobodai nonno,