Je̱mi̱s 1:10 - Tennet

¹⁰ Imma e̱e̱ti̱ ci a̱tu̱we̱ een i̱to̱i̱t ko̱, anyik katalo ming ovvo kaala ne̱ke̱ a̱zze̱. Eci a̱zze̱ atin kaala ne̱ke̱ dakdak kiwagon vu̱rre̱na̱ cik keenu ming ovoc koor zee ku̱tu̱ru̱ta̱i̱ ki̱ta̱za̱k lo̱o̱c.

Je̱mi̱s 1:10 Iomraidhean Croise

Ma̱te̱yo̱ 5:3

“U̱mu̱yu̱k Ta̱mu̱ta̱dde̱n ol wak amati vongiza, eci ba̱a̱li̱ne̱t ci ta̱mu̱-kengo okko een cinne̱ng.

Ma̱te̱yo̱ 6:30

Ming een gool ci aimze Ta̱mu̱ta̱dde̱n arte cik zarak, wak alize wazin cu kar loza ku̱ju̱kto̱zi̱k gwo̱o̱, iróng wo̱ye̱ aimizzung i̱ge̱ta̱? Eeh ol wak anyakku tu̱we̱ne̱t cidici ko̱.

1 Ko̱ri̱nto̱ 7:31

Ovvo ol wak anyak kaal cik meelek kaale cik lo̱o̱tu̱ ko̱, abunna ming abak nege ki i̱yo̱ko̱ iróng nege anyak kaal ne̱ko̱, eci looci ize ojon ngati okko aṯurneke.

Vilipia 3:8

I̱llo̱i̱ gi̱i̱ imma ci riili ngati a̱gga̱we̱ e̱e̱ti̱ Ye̱su̱ Ki̱ri̱sto̱ Manyi. Kodotiya anna kaal do̱o̱k lo̱o̱c, kanyike kizeto darace. Ki̱ri̱sto̱ do̱ ci korongi anna lo̱o̱ce̱ cu,

1 Ti̱mo̱te̱yo̱ 6:17

Ti̱lo̱ ol wak e̱e̱ggi̱n bo̱to̱ro̱ lo̱o̱ta̱ ko̱, gerza ming aarik zi̱nze̱tti̱ kaal ne̱k anyak nege ke̱. Abarik du̱wa̱k nogo kartik zi̱nze̱tti̱ Ta̱mu̱ta̱dde̱n wa een bo̱to̱ro̱c aanyyet kaal do̱o̱k kar naga katalte baiz.

Je̱mi̱s 4:14

Nya, ming iróng niga bu̱k a̱gga̱yyu̱ gi̱i̱ ci a̱kku̱ loza. Nya ci een ruget cunno̱ng? Ogonnu niga kiwagon i̱do̱ye̱ ci a̱kku̱ do̱yo̱i̱t kar ki̱zzi̱ dakdak.

1 Peturu 1:24

Azi Waraga ci Ta̱mu̱ta̱dde̱no̱ ne, “Ogon ol cik diirik do̱o̱k ki arte, kar di̱ngdi̱ngo̱ni̱ cinne̱ng do̱o̱k ogon ki vu̱rre̱na̱ zara; odoi artenti kar vu̱rre̱na̱ ki̱ta̱zzo̱.

1 Jon 2:17

Okko looci ki baiz ci ogon niko ko̱ a̱zze̱ ne dakdak, ma̱i̱je̱ e̱e̱ti̱ ci a̱li̱ngli̱ng zoz ci Ta̱mu̱ta̱dde̱no̱ abak udut.