Je̱mi̱s 1:1 - Tennet

¹ Annita Je̱mi̱s wa ke̱e̱ni̱ du̱ca̱i̱t ci Ta̱mu̱ta̱dde̱no̱ ki Manyi Ye̱su̱ Ki̱ri̱sto̱ ko̱ ele nenen ci keheri waraga cu. Keherakkung anna waraga cu i̱ge̱t booryyok wak e̱e̱ggi̱n omoto ki rama, wak azzanonik lo̱o̱cco̱k do̱o̱k. Kizzayung i̱ge̱t veelek zare cik Manyi Ye̱su̱ Ki̱ri̱sto̱.

Je̱mi̱s 1:1 Iomraidhean Croise

Ma̱te̱yo̱ 10:3

ki Vilip, ki Bartolomeyo, ki Tomas, ki Ma̱te̱yo̱ wa aluta mucuru olle, ki Je̱mi̱s ngerrti Alipeyo ki Taudesio,

Ma̱te̱yo̱ 13:55

Iróng wo̱ye̱ necu een ngerrti e̱e̱t wagon anyak arizet ci odode lecerit ko̱? Iróng yaatinne een Ma̱ri̱ya̱, iróng gotonoggja een ciko, Je̱mi̱s, Yosevo, Si̱mo̱ne̱ ki Ju̱da̱?

Ma̱te̱yo̱ 19:28

O̱bo̱de̱k zin Ye̱su̱ nogo, “Ka̱du̱wa̱kku̱ng zoz ci een de̱de̱, ming kuwa anna Ngerrti E̱e̱to̱ ka̱vvu̱ lecere cinanni ba̱a̱li̱nte̱ ci Ta̱mu̱ta̱dde̱no̱ di̱ngdi̱ngo̱nta̱, ovvo niga ol balik e̱e̱ggi̱nnu̱ to̱ni̱a̱k wagannik ko̱ bu̱k kaavtte ki annit lecerete cik een omoto ki rama, ettedekku atin lo̱ki̱ko̱ booryyok wak Israilo e̱e̱ggi̱n omoto ki rama ko̱.

Marko 3:18

ki Andereya, ki Vilip, ki Bartolomeyo, ki Ma̱te̱yo̱, ki Tomas, ki Je̱mi̱s ngerrti Alipeyo, ki Taudesio, ki Si̱mo̱ne̱ wa amarine gaala wak Romi,

Lu̱ka̱ 22:30

kar atin niga wo̱ye̱ adakku da̱i̱ne̱t bak audenu ngati kaave anna ba̱a̱li̱nte̱ cinanni kar a̱vvu̱t lecerete, ettedu lo̱ki̱ko̱ ci booryyok cik Israilo e̱e̱ggi̱n omoto ki rama.

Lu̱ka̱ 6:15

Ma̱te̱yo̱, Tomas, Je̱mi̱s wa een ngerrti Alipeyo, Si̱mo̱ne̱ wa bali amarine gaala wak Romi,

Kaviyak wak Abunna Ta̱mu̱ta̱dde̱no̱ eher Joni 12:26

Ming een e̱e̱t ci a̱li̱ngli̱ngngo̱ni̱ka̱n, anyik kunuwan, ming een nginti kaave, aave atin enne bu̱k. Ming a̱li̱ngli̱ngngo̱ni̱ka̱ e̱e̱ti̱ annita, irez atin Baba nonno bu̱k.”

Kaviyak wak Abunna Ta̱mu̱ta̱dde̱no̱ eher Joni 7:35

Ozozzit zin ol cik een Ya̱u̱d nege do̱, anno ne, “I̱ni̱n ci orong e̱e̱ti̱ necu kar kuuwe ci iróng wo̱ye̱ naga karubane nonno ko̱? Okko atin enne lo̱o̱co̱we̱ cik abahe ol wagga̱c azanonnik ol cik een Gi̱ri̱k, kar kuk kedemez nogo?

Buk wa To̱ni̱a̱u̱ 1:13

Baling uzucca nege Jerusalem, oot ce̱e̱z ta̱dde̱na̱ ngin bali aavtte nege ke̱. E̱e̱ggi̱n ol ne̱ke̱ ciko Peturu, Jon, Je̱mi̱s, Andereya, Vilip, Tomas, Bartolomeyo, Ma̱te̱yo̱, Je̱mi̱s ngerrti Alipeyo, Si̱mo̱ne̱ wa amarine gaala wak Romi, ki Judas ngerrti Je̱mi̱si̱.

Buk wa To̱ni̱a̱u̱ 12:17

A̱nne̱k Peturu nogo ne, ijaktte li̱i̱m, kar zin koobek nogo gool ci aarane Manyi nonno lagama. Kar kizek nogo ne, “U̱du̱kta̱k Je̱mi̱s ki gotonogget zoz cu.” Kar zin enne kuk ngamani.

Buk wa To̱ni̱a̱u̱ 15:13

Baling e̱de̱cca̱ Pa̱u̱lo̱ ki Barnabas zoz, itinga Je̱mi̱si̱ je̱e̱na̱ ozoza: “Gotonogget, izikttang.

Buk wa To̱ni̱a̱u̱ 15:21

Eci lo̱ti̱nno̱wa̱ cik Musesi uwakte ba̱li̱ye̱ e̱rki̱nya̱ cik meelek o̱ro̱gjo̱we̱ do̱o̱k, ngen zin ol rok i̱yo̱ko̱ ikeb Ce̱e̱zi̱nne̱ wak Lawinto, I̱i̱te̱ne̱ wa Yu̱bze̱nto̱ odohize dee.”

Buk wa To̱ni̱a̱u̱ 15:23

Anyak nege ki waraga ci e̱he̱rye̱ azi ne: To̱ni̱a̱k ki lo̱ddi̱ki̱re̱, gotonoggu, Keherakkung i̱ge̱t ol wak iróng een Ya̱u̱d a̱tu̱we̱ o̱rge̱ ci Antiyok, ki lo̱o̱c ci Syria ki Cilicia: Kizzayung do̱o̱k!

Buk wa To̱ni̱a̱u̱ 2:5

Aavtte da̱ Ya̱u̱di̱ cik o̱ngo̱o̱le̱ Ta̱mu̱ta̱dde̱n lo̱o̱co̱we̱ do̱o̱k Jerusalema.

Buk wa To̱ni̱a̱u̱ 21:18

Kar i̱i̱te̱n ci reng, ko̱o̱tta̱ naga uggak ki Pa̱u̱lo̱ kovvo kacinna Je̱mi̱s ki lo̱ddi̱ki̱re̱ do̱o̱k.

Buk wa To̱ni̱a̱u̱ 23:26

Eher Claudius Lysias, Keherik ddi̱ki̱ryo̱i̱t, Ve̱li̱ce̱ ddi̱ki̱ryo̱i̱t ci gaalau: Zawinet.

Buk wa To̱ni̱a̱u̱ 26:7

Een necu zoz ci u̱du̱ya̱i̱ ere booryowa cik e̱e̱ggi̱n omoto ki rama, arike zi̱nze̱tti̱ cigge̱k abunna kaala ne̱ko̱ ming ogone ming a̱li̱ngli̱nge̱k nege Ta̱mu̱ta̱dde̱n wazin ki ba̱a̱li̱n. Oh alaan, eci zo̱ze̱ ci karikka naga zi̱nze̱tti̱ ko̱, adawana zin olli Ya̱u̱do̱ annita.

Buk wa To̱ni̱a̱u̱ 8:1

Aave bali Sauli nginati, kar kelema zoz ci a̱ru̱we̱ ol Stephen ka̱da̱k. Imma i̱i̱te̱ne̱ neci ize gi̱de̱ne̱t a̱ppwa̱ ke̱le̱ci̱e̱ ci aave Jerusalema, azzante zin ol do̱o̱k lo̱o̱ce̱ ci Ju̱de̱ya̱ ki Samariya, kize to̱ni̱a̱k do̱ cik ngen aavtte.

Roma 1:1

Annita Pa̱u̱lo̱ wa ke̱e̱ni̱ du̱ca̱i̱t ci Ye̱su̱ Ki̱ri̱sto̱ ci keheri waraga cu, atahala Ta̱mu̱ta̱dde̱n annit kize to̱ni̱a̱t kar kuwahek ol kaviyak cik abunna.

Ga̱la̱ti̱a̱ 1:19

Ngen zin kurumtowa ki to̱ni̱a̱k do̱o̱k, ka̱vvu̱tta̱ ki Je̱mi̱s do̱ niko wa een gotoni Manyitinna Ye̱su̱.

Ga̱la̱ti̱a̱ 2:12

Icu gi̱i̱ ci ogon enne, baling arawa enne arrak ke̱, adakce labak ki ol wak iróng een Ya̱u̱d wak a̱tu̱ zoz ci Ta̱mu̱ta̱dde̱no̱. Ma̱i̱je̱ baling ovvo gonoggi Je̱mi̱s wak een Ya̱u̱d a̱vvu̱ vu̱rrta̱, utubur Peturu iróng ngen adakce ki ol wak iróng een Ya̱u̱d, o̱ngo̱o̱le̱ zoz ci olli Ya̱u̱do̱ wa azi ne, anyik ol do̱o̱k kettedit vi̱ca̱vi̱cce̱t arrak oowa, kar ku̱tu̱we̱t Ta̱mu̱ta̱dde̱n.

Ga̱la̱ti̱a̱ 2:9

Elemit ciko Je̱mi̱s ki Peturu ki Jon wak abile ke̱le̱ci̱a̱ kizeto lolanya cik ke̱le̱ci̱a̱k, elemtta arizet ci kuwaheke anna ol kaviyak wak aanya Ta̱mu̱ta̱dde̱n. Kar zin nege kelemtait annit ki Barnabas kizetta ol cik ka̱li̱ngli̱ngnya̱ bu̱k. A̱nne̱kke̱t ne, “Uwakttek ol wak iróng een Ya̱u̱d kaviyak cik Ye̱su̱, ovvo nege uwahek olli Ya̱u̱do̱ kaviyak ne̱ke̱ bu̱k.”

Vilipia 1:1

Annita Pa̱u̱lo̱ ki Ti̱mo̱te̱yo̱ wak ke̱e̱ggi̱nna̱ du̱cca̱k cik Ye̱su̱ Ki̱ri̱sto̱ ko̱ cik keherya waraga cu. Keherika waraga cu ol wak a̱tu̱ zoz ci Ye̱su̱ Ki̱ri̱sto̱ o̱rge̱ ci een Vilip, keherika bu̱k lo̱ddi̱ki̱re̱ cik ke̱le̱ci̱o̱ veelek.

2 Ti̱mo̱te̱yo̱ 4:21

Abunna la̱du̱n ming a̱kku̱nni̱ ataman, ming ngen ki̱ki̱ya̱ tagiz. Izayi ciko Ebulosi ki Pudenis ki Linus ki Kaludia ki gotonogget wak a̱tu̱we̱ do̱o̱k.

Ti̱to̱ 1:1

Annit Pa̱u̱lo̱ wa atahala Ta̱mu̱ta̱dde̱n kize du̱ca̱i̱t cinne kar zin bo̱do̱k kize to̱ni̱a̱t wa Ye̱su̱ Ki̱ri̱sto̱ bali atahalai ke̱. Ki̱tto̱nna̱i̱ kar ki̱ki̱ya̱ kanyahak tu̱we̱ne̱t ol wak engera Ta̱mu̱ta̱dde̱n, kar kedemez nogo ka̱gga̱c zoz wa een de̱de̱, kar ki̱ye̱le̱k nogo gool ci abahe nege ngati o̱ngo̱o̱li̱nne̱ Ta̱mu̱ta̱dde̱n.

1 Peturu 1:1

Ke̱e̱ni̱ anna Peturu wa een to̱ni̱a̱t ci Ye̱su̱ Ki̱ri̱sto̱, keherakkung waraga cu ol wak atahala Ta̱mu̱ta̱dde̱n azanonnik lo̱o̱cco̱k u̱tu̱gu̱zzo̱ kiwagon ol cik een i̱do̱ngi̱, aavtte nege Pontacakte, Ga̱la̱ti̱a̱, Cappadociakte, Asia ki Bithynia.

2 Peturu 1:1

Annita Si̱mo̱ne̱ Peturu wa ke̱e̱ni̱ du̱ca̱i̱t ki to̱ni̱a̱t ci Ye̱su̱ Ki̱ri̱sto̱. Keherakkung waraga necu i̱ge̱t ol wak anyakku tu̱we̱ne̱t ci okkomi ki i̱yo̱ko̱ naga ko̱ ngati Ta̱mu̱ta̱dde̱n cinna ki Ti̱ri̱zo̱i̱t Ye̱su̱ Ki̱ri̱sto̱, ogon atin enne kaal cik abunna.

Ju̱da̱ 1:1

Annita Ju̱da̱ wa ke̱e̱ni̱ gotoni Je̱mi̱s, wa een du̱ca̱i̱t ci Ye̱su̱ Ki̱ri̱sto̱ ko̱ ci keheri waraga cu. Keherakkung i̱ge̱t ol wak atahaltai ki bo̱do̱k wak irez Ta̱mu̱ta̱dde̱n wa een Be̱e̱ti̱nna̱ kar bo̱do̱k Ye̱su̱ Ki̱ri̱sto̱ kuzute nogo.

O̱no̱zzo̱k 7:4

Kar zin anna kizik nimira ci du̱cca̱k wak u̱ru̱kto̱zi̱k nogo a̱bi̱ce̱c o̱o̱tti̱, e̱e̱ggi̱n nege i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) booryowe cik olli Israilo do̱o̱k.