I̱bu̱ru̱ 9:23 - Tennet

²³ Imma zin Ce̱e̱z wa Ta̱mu̱ta̱dde̱no̱ aave lo̱o̱ta̱ ko̱ i̱ya̱kzo̱ni̱k Ce̱e̱z ci aave ta̱mu̱-kenga, abunna zin oroot ming apahek ol kaal cik kazace ngin neci bi̱ye̱te̱ cik e̱le̱gje̱nnu̱ kar ki̱ti̱vi̱la̱ mu̱nye̱n cik ollu. Imma Ce̱e̱z wa Ta̱mu̱ta̱dde̱no̱ wa een de̱de̱, aave ta̱mu̱-kenga ko̱, anyak gi̱i̱ ci kapahek kazace ol, ommog bi̱ye̱ cik e̱le̱gje̱nnu̱.

I̱bu̱ru̱ 9:23 Iomraidhean Croise

Lu̱ka̱ 24:26

Iróng een Ki̱ri̱sto̱ ci apirna zo̱ze̱ ci kaal ne̱ko̱ kar ki̱tto̱ di̱ngdi̱ngo̱n cinne?”

Lu̱ka̱ 24:46

U̱du̱wa̱k enne nogo, “Icu zoz ci e̱he̱rye̱: Okko atin Ki̱ri̱sto̱ apirna kar kitinga daiza i̱i̱te̱ne̱ ci een i̱i̱yo̱,

Kaviyak wak Abunna Ta̱mu̱ta̱dde̱no̱ eher Joni 14:3

Ming kuwa kidimanneung lo̱o̱c, koboda atin abunna ming kokko kokkoyyung bu̱k, kar niga bu̱k abait ngati kabahe anna.

Buk wa To̱ni̱a̱u̱ 23:15

I̱yo̱ko̱ zin, niga ki olli lo̱ki̱ko̱, alabta ddi̱ki̱ryo̱i̱t wa a̱ddi̱ki̱re̱ kar kanyaha Pa̱u̱lo̱, izektek nonno ne, korongnya naga ki̱jji̱nta̱ zoz cinne ju̱rru̱m. Kereya naga nonno goola kar ku̱ru̱kta̱ ka̱da̱k ming ngen ku̱zu̱cca̱ ngintu.”

Kolosiya 2:17

E̱e̱ggi̱n kaala ne̱ko̱ do̱o̱k ri̱ri̱to̱n ci kaal wak ovvo a̱vvu̱, abarik zoz ci een de̱de̱ amudai ngati Ki̱ri̱sto̱.

I̱bu̱ru̱ 10:1

Een lo̱ti̱nno̱wa̱ cik Musesi ri̱ri̱to̱n ci zoz ci abunna een jor, u̱du̱wa̱ Manyi a̱kku̱ atin. Obodonik olli wawaco apahek Ta̱mu̱ta̱dde̱n kaal odohize odohize. Iróng kaala ne̱k apahek olli wawaco Manyi ko̱ a̱vi̱la̱ mu̱nye̱n wak ol wak ala nonno.

I̱bu̱ru̱ 10:4

eci bi̱ye̱ta̱ cik tiinu ki cik eezau iróng aara ol mu̱nye̱n.

I̱bu̱ru̱ 8:5

Imma zin kaala cik ogon olli wawaco Ce̱e̱ze̱ wa Ta̱mu̱ta̱dde̱no̱ lo̱o̱ta̱ ngatu ko̱, kaal wak i̱ya̱kza̱ Ce̱e̱z wa Ta̱mu̱ta̱dde̱no̱ ta̱mu̱-kenga. Zoz zin ci bali a̱du̱wa̱k Ta̱mu̱ta̱dde̱n Muses baling eenyet enne Ce̱e̱z wa Ta̱mu̱ta̱dde̱no̱ een ti̱ti̱ ko̱ balala, izek nonno ne, “Ziyo ju̱rru̱m, tu̱gu̱ kaal ne̱ko̱ do̱o̱k go̱o̱le̱ bali ka̱du̱wa̱ki̱ baling kurumto biye wa een zara Sinai ke̱.”

I̱bu̱ru̱ 9:14

Izikto zin ju̱rru̱m, ming anyak da̱ bi̱ye̱ta̱ cik kaal cik kapahek naga Ta̱mu̱ta̱dde̱n ko̱ doiz, imma ngati Vongiz ci A̱li̱le̱ udut, anyak bi̱ye̱ta̱ cik Ye̱su̱ komiz kommog bi̱ye̱ cik kaalu, aanyik enne ele cinne Ta̱mu̱ta̱dde̱n ngati a̱da̱kne̱ ki̱zze̱c rok mu̱nye̱n ngatinne. A̱vi̱la̱ atin bi̱ye̱ta̱ cik Ki̱ri̱sto̱ kaale cik kabaccit lo̱o̱ta̱ ngatu, kar atin kala icima ka̱li̱ngli̱ng zoz cinne ki̱zze̱c rok mu̱nye̱n cik okkoyyet daiza.

I̱bu̱ru̱ 9:24

Ngen Ki̱ri̱sto̱ ki̱tto̱ nginti A̱li̱le̱ Oroot adiman e̱e̱ti̱ ci diiri, i̱ya̱kzo̱ni̱k ngin neci nginti aave ta̱mu̱-kenga, i̱tto̱ zin enne ta̱mu̱-keng okko ngati Ta̱mu̱ta̱dde̱no̱ zo̱ze̱ cinna.

O̱no̱zzo̱k 5:9

Kar zin ke̱be̱ni̱t lo̱ng ci een jor, azi ne, “Aganonu i̱nna̱ ming adima waraga kar du̱l mutula ne̱ke̱, eci i̱nna̱ u̱ru̱we̱ ba̱li̱ye̱, kar bi̱ye̱te̱ cigunnek, atalau i̱nna̱ ol Ta̱mu̱ta̱dde̱n olle cik lo̱o̱tu̱ ki u̱tu̱ge̱tti̱ cik ozoz ol do̱o̱k lo̱o̱ta̱ ngatu do̱ do̱.