I̱bu̱ru̱ 9:19 - Tennet

¹⁹ Baling ikebek Musesi ol ti̱lo̱wi̱ne̱t ci Ta̱mu̱ta̱dde̱no̱, kar zin kidima varany ki ru̱u̱ce̱ni̱t ci a̱zze̱to̱ u̱zu̱we̱k bi̱ye̱ cik tiinu ki eeza, ki maam kar zin kazacek buk ci Ta̱mu̱ta̱dde̱no̱ ki ol.

I̱bu̱ru̱ 9:19 Iomraidhean Croise

Lu̱ge̱z 12:22

Aartik bi̱ye̱ uduc ci a̱ddi̱ki̱re̱ kar idimtta varany cik ke̱e̱tu̱ kar uzuktek bi̱ye̱ ne̱ke̱, kar ubultek tatuget ta̱dde̱na̱ kar bo̱do̱k abanyoi. Iróng e̱e̱ti̱ imma ngatinno̱ng iyowa ce̱e̱za̱ re̱e̱nu̱n zee kiyowa i̱i̱.

Ma̱te̱yo̱ 27:28

Aarta ru̱u̱ma̱ni̱ ciginnek kar kuburucek nonno ru̱u̱m ci ma̱ri̱.

Marko 15:17

I̱vi̱ta̱ zin uburucehe Ye̱su̱ ru̱u̱m ci een lo̱ddi̱ng, kar bo̱do̱k ku̱lu̱cca̱ i̱ta̱a̱ ci een biila kar zin kartiye nonno oo.

Marko 15:20

Baling adaccit nege nonno, aarta ru̱u̱m wanai een lo̱ddi̱ng aburceke nege nonno ke̱ kar kuburucek ru̱u̱ma̱ni̱ waginnek. O̱o̱tte̱ zin nonno ovvo ododek keet wa een ta̱la̱ke̱c.

Kaviyak wak Abunna Ta̱mu̱ta̱dde̱no̱ eher Joni 19:2

U̱lu̱cce̱t aciiri biila ku̱tu̱gu̱ ki i̱ta̱a̱ kar zin kuburucek Ye̱su̱ oo. Uburucehe ru̱u̱m ci een lo̱ddi̱ng,

Kaviyak wak Abunna Ta̱mu̱ta̱dde̱no̱ eher Joni 19:5

Ma baling iyowa Ye̱su̱ re̱e̱nu̱n ngati aburce biila balik a̱lu̱ce̱ ke̱, kar bo̱do̱k ki̱ti̱m ru̱u̱m bali een lo̱ddi̱ng ke̱, izek Pilato nogo ne, “E̱e̱t neci nenen icu!”

I̱bu̱ru̱ 1:1

Imma da̱ bali reena, go̱o̱lo̱we̱ cik meelek, ozozik Ta̱mu̱ta̱dde̱n ji̱ji̱ti̱gga̱c balik reentik ke̱, zoz wainne go̱o̱le̱ ci i̱tto̱na̱ne̱ a̱ri̱tto̱k cik zoz ci Ta̱mu̱ta̱dde̱no̱ ki̱vi̱ta̱ ku̱du̱kta̱k ol zoz ci a̱du̱wa̱ enne.

I̱bu̱ru̱ 10:22

abunna zin naga ka̱vvu̱nna̱k Ta̱mu̱ta̱dde̱n zi̱nze̱tti̱nne̱ cik abunna kar kartik nonno zi̱nze̱tti̱ ki tu̱we̱ne̱t ci okkomi kak. Utunyca bi̱ye̱ta̱ cik Ye̱su̱ ngati a̱da̱kne̱ keete ci een ta̱la̱ke̱c ko̱ mu̱nye̱n, iróng ngen ko̱ngo̱o̱le̱ gi̱i̱ imma. Utunyyce e̱le̱tti̱ cigga̱c ko̱ maame cik caalek ne paz ngati ka̱gga̱me̱ ba̱ti̱ti̱mo̱.

I̱bu̱ru̱ 10:4

eci bi̱ye̱ta̱ cik tiinu ki cik eezau iróng aara ol mu̱nye̱n.

I̱bu̱ru̱ 12:24

I̱vi̱ta̱u̱ niga Ye̱su̱ ta̱mu̱-kenga, wa een zoc ci olom ci een jor, ki bali aanyik Ye̱su̱ ele cinne kize wawac, kar bi̱ye̱ta̱ ciginnek kanyakta zoz ci kalalek naga ol, een necu olom ci een jor, ommog necu bi̱ye̱ cik Abeli orong caac.

I̱bu̱ru̱ 9:12

Iróng zin enne i̱i̱zo̱ Ngin wa A̱li̱le̱ Oroot ko̱ gi̱i̱ye̱ ci apahek eeza ki maala ngati aparanek Ta̱mu̱ta̱dde̱n bi̱ye̱. I̱tto̱ Ye̱su̱ ngin neci lak co̱de̱ ngati a̱da̱kne̱, uddutai bi̱ye̱ta̱ ciginnek keete wa een ta̱la̱ke̱c, kar kaara mu̱nye̱n cigga̱c udut.

I̱bu̱ru̱ 9:13

Imma zo̱ze̱ bali reeni ke̱, apahek tuwayowa cik Ce̱e̱z wa Ta̱mu̱ta̱dde̱no̱ bi̱ye̱ cik eezau ki cik tiinu, kar kazacek ol cik mu̱nye̱nu̱ bbu̱u̱r ci ivade nege mo̱o̱le̱t, ki bi̱ye̱, kar kaara nogo mu̱nye̱n, ka̱vvu̱to̱ labak, kar e̱le̱tti̱ cigge̱k kubunnta eci re̱e̱nu̱no̱.

I̱bu̱ru̱ 9:18

Ogon zin niko bu̱k, akane ol wak wawaco li̱ngli̱ngo̱n ci olom bali reeni ngati apahek nege Ta̱mu̱ta̱dde̱n bi̱ye̱ cik kaal ki bali ming u̱du̱wa̱ Manyi ke̱.

1 Peturu 1:2

E̱e̱ggi̱n ne̱ko̱ ol balik atahaltai ngati odola Ta̱mu̱ta̱dde̱n Be̱e̱ti̱nna̱, ahalai li̱ngli̱ngo̱ne̱ ci Vongiz ci A̱li̱le̱, ngati o̱ngo̱o̱li̱nne̱ nege Ye̱su̱ Ki̱ri̱sto̱ ki bi̱ye̱ balik azaconik ol ke̱. Anyik deten ki gano ka̱vvu̱ ngatinno̱ng oroot.