I̱bu̱ru̱ 9:15 - Tennet

¹⁵ Ye̱su̱ Ki̱ri̱sto̱ ci een zoc ci Ta̱mu̱ta̱dde̱no̱, anyaha olom ci een jor, kar ol cik awu Ta̱mu̱ta̱dde̱n kar elemtta olom ci een oo, aruba baiz ci aave udut kar kanyait kaal do̱o̱k, eci Ye̱su̱ a̱da̱i̱ kar kaara ol mu̱nye̱ne̱ balik ogon nege lo̱ti̱nno̱we̱ balik Musesi reentik ke̱.

I̱bu̱ru̱ 9:15 Iomraidhean Croise

Ma̱te̱yo̱ 19:29

Imma e̱e̱ti̱ ci ungnek ce̱e̱zi̱ icima gotonoggi icima ngonoggi icima baatinne icima yaatinne icima dooli icima kaal ciginnek zo̱ze̱ cinanni, amuda atin o̱bo̱n co̱de̱ (100) kaale ne̱k ungnek enne lo̱o̱c ke̱, kar atin karagiz baiz wa aave udut.

Ma̱te̱yo̱ 22:3

I̱tto̱n alaani du̱cca̱k ciginnek abunna ovvo awa ol balik u̱du̱wa̱k enne nogo ke̱, ubunntta da̱i̱ne̱t. Utuburet zin ol ne̱ke̱, iróng ngen a̱vvu̱.

Ma̱te̱yo̱ 25:34

“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.

Ma̱te̱yo̱ 25:36

I̱llo̱i̱ annit ba̱li̱ye̱ ru̱u̱ma̱ni̱, aanycang zin niga annit ru̱u̱ma̱ni̱. Komori ba̱li̱ye̱, i̱ti̱ri̱za̱ng zin niga annita. Kaave ba̱li̱ye̱ lagama, kar zin niga a̱vvu̱nnu̱ ovvo i̱vo̱nna̱ng.’

Marko 10:17

Baling akate Ye̱su̱ we̱t, i̱vi̱ra̱k e̱e̱ti̱ imma nonno kar kakatek u̱zu̱ngti̱nne̱, kar zin ki̱jji̱no̱, ize ne, “De̱me̱zo̱i̱t ci abunna, ku̱tu̱gu̱ nya kar kumuda baiz ci aave udut?”

Lu̱ka̱ 18:18

I̱jji̱n zin alaani imma nonno, “De̱me̱zo̱i̱t ci abunna ko̱, ku̱tu̱gu̱ anna nya kar kumuda baiz wa aave udut?”

Lu̱ka̱ 22:20

Kar go̱o̱le̱ necu, baling uduttet da̱i̱nte̱ idima enne uduc ci vi̱no̱, ize ne, “Een uduci necu olom wa een jor bi̱ye̱te̱ cigannik cik a̱ddu̱ta̱i̱ zo̱ze̱ cunno̱ng.

Kaviyak wak Abunna Ta̱mu̱ta̱dde̱no̱ eher Joni 10:28

Kanyike anna nogo ruget wa aave udut, iróng bo̱do̱k nege ngen a̱da̱i̱. A̱zze̱ e̱e̱ti̱ imma ci aama nogo a̱tte̱ cinanni to.

Buk wa To̱ni̱a̱u̱ 20:32

“I̱yo̱ko̱ zin karikku̱ng a̱zzi̱t ci Ta̱mu̱ta̱dde̱no̱ ki zoz ci deten cinne, eci eelanung atin kar aragizet niga bu̱k bunnat ki ol cik a̱li̱le̱ Ta̱mu̱ta̱dde̱no̱.

Roma 5:10

Baling ngen ke̱e̱ggi̱n mo̱ddo̱ cik Ta̱mu̱ta̱dde̱no̱ nu̱nu̱n, aganizet zin enne, eci a̱da̱k Ngerinne zo̱ze̱ cinna. I̱yo̱ko̱ zin, baling kaganto ki nonno, ka̱gga̱ naga kamuda atin baiz ci aave udut eci i̱ti̱ri̱zze̱t bi̱ye̱ta̱ cik Ngerinne Ye̱su̱.

Roma 5:6

Ma baling i̱zzi̱ gool ci kar naga keelttai e̱le̱tti̱ cigga̱c, i̱ki̱ya̱ zin Ki̱ri̱sto̱ ti̱ri̱zo̱i̱ti̱ i̱i̱te̱ne̱ ci odola Ta̱mu̱ta̱dde̱n kar ka̱da̱k mu̱nye̱ne̱ cigga̱c.

Roma 5:8

Ma̱i̱je̱ ba̱li̱ye̱, u̱tu̱gu̱ Ta̱mu̱ta̱dde̱n zoz necu, i̱ye̱la̱ bunnat cinne, baling ngen ke̱e̱ggi̱n naga ol cik mu̱nye̱nu̱, a̱da̱k zin Ki̱ri̱sto̱ zo̱ze̱ cinna.

Roma 6:23

Aanyyet mu̱nye̱na̱ daiz, okko zoz ci Ta̱mu̱ta̱dde̱no̱ aanyyet baiz ci aave udut ngati Manyitinna Ye̱su̱ Ki̱ri̱sto̱.

Roma 8:28

Ka̱gga̱ bo̱do̱k naga ogon Ta̱mu̱ta̱dde̱n zoz ci abunna kaale cik i̱i̱na̱k ol wak irez nonno. E̱e̱ggi̱n ne̱ko̱ ol wak engera enne kizeto ol cik orong enne,

Roma 8:30

Utu zin Ta̱mu̱ta̱dde̱n ol balik odola atahala enne, imma ol ne̱k awu enne ko̱, elema enne kize ol wak abunna, kar kaanyik nogo kozolit komiz cinne.

Roma 9:24

I̱yo̱ko̱ ke̱e̱ggi̱n naga ol balik atahala Ta̱mu̱ta̱dde̱n kar ki̱ye̱le̱t deten cinne, iróng een olli Ya̱u̱do̱ do̱ abarik ki ol wak iróng een Ya̱u̱d bu̱k.

2 Ko̱ri̱nto̱ 3:6

Aanyyet enne kizet ol cik ka̱li̱ngli̱ng olom ci een jor Ta̱mu̱ta̱dde̱no̱, iróng een lo̱ti̱nno̱k balik e̱he̱rye̱ ke̱. Imma kaale do̱o̱k, aanyyet lo̱ti̱nno̱wa̱ ne̱ke̱ daiz, okko Vongizi ci a̱li̱le̱ aanyyet ruget.

Ga̱la̱ti̱a̱ 3:20

Kanyak naga Ta̱mu̱ta̱dde̱n co̱de̱, iróng enne eliye cinne orong e̱e̱t ci een zoc.

Evesos 1:7

Imma zo̱ze̱ ci Ki̱ri̱sto̱, ku̱mu̱dda̱ naga eelannet bi̱ye̱te̱ ciginnek, alalneket mu̱nye̱n, go̱o̱le̱ ci anyahe Ta̱mu̱ta̱dde̱n deten oroot.

2 Te̱se̱lo̱ni̱ka̱ 2:14

A̱a̱nyu̱ng zin Ta̱mu̱ta̱dde̱n elemtta zoz cinne baling kuwahekkung naga kaviyak cik abunna ciginnek kar urubta ba̱a̱li̱ne̱t ci okko atin Manyitinna Ye̱su̱ Ki̱ri̱sto̱ abale lo̱o̱c.

1 Ti̱mo̱te̱yo̱ 2:5

Eci anyak Ta̱mu̱ta̱dde̱n co̱de̱ ṯok ki e̱e̱t ci een zoc co̱de̱ ṯok ci aave orgene ci Ta̱mu̱ta̱dde̱no̱ ki ol cik diirik, een enne Ki̱ri̱sto̱ Ye̱su̱,

2 Ti̱mo̱te̱yo̱ 2:10

I̱yo̱ko̱ zin, kinima no̱ngi̱tto̱n do̱o̱k zo̱ze̱ ci ol wak atahala Ta̱mu̱ta̱dde̱n, kar nege bu̱k kurubta ti̱ri̱ze̱ne̱t ngati Ye̱su̱ Ki̱ri̱sto̱, ki baiz wa a̱zi̱ze̱ aave udut.

Ti̱to̱ 1:2

Aave tu̱we̱ne̱t ki gga̱we̱ne̱t zoz ngati zoz ci karike naga zi̱nze̱tti̱ ko̱, a̱kku̱ zo̱ze̱ ci baiz ci aave udut, nonno ci een Ta̱mu̱ta̱dde̱n, iróng enne ovolongi, u̱du̱wa̱ zoz neci ming ngen enne kidiman ta̱mu̱-keng ki lo̱o̱c,

Ti̱to̱ 3:7

I̱ti̱ri̱zze̱t Ye̱su̱ agit kubunnta ju̱rru̱m detene cinne kommog kaal do̱o̱k. Aanyet gool ci elemannet Ta̱mu̱ta̱dde̱n kar zoz ci karike naga zi̱nze̱tti̱ ko̱ kamuda atin baize ci aave udut.

I̱bu̱ru̱ 10:34

Ippirttau niga ki ol wak e̱ce̱bje̱ lagama, kar bo̱do̱k kaamttaung i̱jjo̱ cuggo̱k, abunna ming anyakku zi̱nze̱tti̱nne̱ cik alali. A̱gga̱yyu̱ niga a̱a̱nyu̱ng atin Ta̱mu̱ta̱dde̱n i̱jjo̱ cik abunna aavtte udut.

I̱bu̱ru̱ 10:36

Abunna ming Animnyu no̱ngi̱tto̱n, kar u̱tu̱gu̱z kaal cik orong Ta̱mu̱ta̱dde̱n. Kar atin urubta kaal balik u̱du̱wa̱ enne ke̱.

I̱bu̱ru̱ 11:13

Abaito zin ol ne̱k anyak tu̱we̱ne̱t ke̱ do̱o̱k, ngen zin nege a̱tu̱we̱ zo̱ze̱ ci okko Ta̱mu̱ta̱dde̱n ogoni. Ngen kurubta zoz bali u̱du̱wa̱ Manyi ke̱, icinnet nege kaal ne̱ke̱ meer reena many bak orongi. A̱gga̱ ming e̱e̱ggi̱n nege e̱re̱nno̱k ki i̱do̱ngi̱ lo̱o̱ta̱ ngatu.

I̱bu̱ru̱ 12:24

I̱vi̱ta̱u̱ niga Ye̱su̱ ta̱mu̱-kenga, wa een zoc ci olom ci een jor, ki bali aanyik Ye̱su̱ ele cinne kize wawac, kar bi̱ye̱ta̱ ciginnek kanyakta zoz ci kalalek naga ol, een necu olom ci een jor, ommog necu bi̱ye̱ cik Abeli orong caac.

I̱bu̱ru̱ 13:20

Anyik bai Ta̱mu̱ta̱dde̱n ci gon a̱a̱nyu̱ng gano, go̱o̱le̱ ci bi̱ye̱ cik Ye̱su̱ ci een olom ci aave udut ko̱, bali obodai Manyi Ye̱su̱ daiza, Tuwayoit ci a̱ddi̱ki̱re̱ ommog veelek,

I̱bu̱ru̱ 2:14

Ke̱e̱ggi̱n naga ol cik diirik, een Ye̱su̱ bu̱k e̱e̱t ci diiri. Gool zin ci a̱kku̱na̱ke̱t Ye̱su̱ agit ko̱ necu, kar ki̱ki̱ya̱ ka̱da̱k kommog lo̱rye̱ni̱t ci anyak komiz ci daizo.

I̱bu̱ru̱ 3:1

Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.

I̱bu̱ru̱ 6:13

Baling a̱mu̱yu̱k Ta̱mu̱ta̱dde̱n Aburaham zo̱ze̱ wa bali u̱du̱wa̱ enne ke̱, i̱llo̱i̱ e̱e̱t imma ci ommog Ta̱mu̱ta̱dde̱n, a̱nne̱k zin enne Aburaham ne, i̱tto̱ni̱k ele cinanni,

I̱bu̱ru̱ 6:15

Erewo zin Aburahami zee kakat zoz bali u̱du̱wa̱ Ta̱mu̱ta̱dde̱n ke̱ mo̱o̱le̱t.

I̱bu̱ru̱ 7:22

Eci Ta̱mu̱ta̱dde̱n atahala Ye̱su̱ zo̱ze̱ ci u̱du̱wa̱ enne, i̱ye̱la̱ necu olom ci ommog veelek elema Ta̱mu̱ta̱dde̱n ki Ye̱su̱ wowonet ci owowone ki e̱e̱t ci diiri.

I̱bu̱ru̱ 8:13

Imma zin go̱o̱le̱ ci a̱du̱wa̱ne̱ enne olom necu, aanyik enne olom necu kize jor. Utung enne olom wa bali reeni iróng ngen bo̱do̱k a̱li̱ngli̱nge̱ eci kaala wak unuweto iróng ol ngen a̱li̱ngli̱nge̱.

I̱bu̱ru̱ 9:12

Iróng zin enne i̱i̱zo̱ Ngin wa A̱li̱le̱ Oroot ko̱ gi̱i̱ye̱ ci apahek eeza ki maala ngati aparanek Ta̱mu̱ta̱dde̱n bi̱ye̱. I̱tto̱ Ye̱su̱ ngin neci lak co̱de̱ ngati a̱da̱kne̱, uddutai bi̱ye̱ta̱ ciginnek keete wa een ta̱la̱ke̱c, kar kaara mu̱nye̱n cigga̱c udut.

I̱bu̱ru̱ 9:16

Gon ming okko e̱e̱ti̱ a̱da̱i̱, i̱lo̱te̱k ol zoz cinne kar vu̱rrta̱ ka̱da̱k.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

Je̱mi̱s 1:12

A̱mu̱yu̱k Ta̱mu̱ta̱dde̱n e̱e̱t ci abak baiz ci anime no̱ngi̱tto̱n wak atimane ol nonno, eci ming inim enne kaal ne̱ko̱ do̱o̱k labak, aanyik atin Ta̱mu̱ta̱dde̱n nonno baiz ci aave udut ki bali u̱du̱wa̱k enne ol wak irez nonno ke̱.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.

1 Jon 2:25

Een necu zoz ci u̱du̱wa̱e̱t enne agita: ruget ci aave udut.

O̱no̱zzo̱k 5:9

Kar zin ke̱be̱ni̱t lo̱ng ci een jor, azi ne, “Aganonu i̱nna̱ ming adima waraga kar du̱l mutula ne̱ke̱, eci i̱nna̱ u̱ru̱we̱ ba̱li̱ye̱, kar bi̱ye̱te̱ cigunnek, atalau i̱nna̱ ol Ta̱mu̱ta̱dde̱n olle cik lo̱o̱tu̱ ki u̱tu̱ge̱tti̱ cik ozoz ol do̱o̱k lo̱o̱ta̱ ngatu do̱ do̱.