I̱bu̱ru̱ 9:14 - Tennet

¹⁴ Izikto zin ju̱rru̱m, ming anyak da̱ bi̱ye̱ta̱ cik kaal cik kapahek naga Ta̱mu̱ta̱dde̱n ko̱ doiz, imma ngati Vongiz ci A̱li̱le̱ udut, anyak bi̱ye̱ta̱ cik Ye̱su̱ komiz kommog bi̱ye̱ cik kaalu, aanyik enne ele cinne Ta̱mu̱ta̱dde̱n ngati a̱da̱kne̱ ki̱zze̱c rok mu̱nye̱n ngatinne. A̱vi̱la̱ atin bi̱ye̱ta̱ cik Ki̱ri̱sto̱ kaale cik kabaccit lo̱o̱ta̱ ngatu, kar atin kala icima ka̱li̱ngli̱ng zoz cinne ki̱zze̱c rok mu̱nye̱n cik okkoyyet daiza.

I̱bu̱ru̱ 9:14 Iomraidhean Croise

Lu̱ge̱z 12:5

Abunna ming ahala e̱e̱ti̱ eez ci abunna ele anyak e̱rki̱t co̱de̱, iróng ele cinne anyak nginti a̱u̱le̱, ahala wo̱ye̱ e̱e̱ti̱ eezai icima azzane.

Ma̱te̱yo̱ 12:28

Imma, ming kottoi anna kuulo cik lo̱rye̱nta̱k Vongize ci Ta̱mu̱ta̱dde̱no̱, i̱ki̱ya̱u̱ng zin ba̱a̱li̱ne̱t ci Ta̱mu̱ta̱dde̱no̱ i̱ge̱ta̱.

Ma̱te̱yo̱ 16:16

O̱bo̱de̱k zin Si̱mo̱ne̱ Peturu, “E̱e̱ni̱ i̱nna̱ Ki̱ri̱sto̱ Ngerrti Ta̱mu̱ta̱dde̱n wa aruge.”

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Ma̱te̱yo̱ 7:11

Ming wo̱ye̱ e̱e̱ggi̱nnu̱ ol cik gerzek nu̱nu̱n, a̱gga̱yyu̱ niga amuccu dooli cuggo̱k kaale cik abunna. Amuccu̱ng wo̱ye̱ Be̱e̱ti̱nno̱ng wa aave ta̱mu̱-kenga ko̱ ku̱ ming a̱jji̱nnu̱ nonno!

Lu̱ka̱ 1:74

keelawet agit azzine cik mo̱ddo̱ cigga̱c, kar kaanyyet ki̱li̱ngli̱ngte̱k nonno ci iróng ko̱ngo̱o̱le̱ gi̱i̱ imma

Lu̱ka̱ 12:24

Icinnet da̱ iballi: Iróng nege e̱e̱vi̱ye̱ icima etteda labi, iróng nege anyak de̱he̱r icima nginti arike nege kaal; ngen zin abarik Ta̱mu̱ta̱dde̱n adaiz nogo. Abarik niga e̱e̱ggi̱nnu̱ riile oroot ommogit iballi!

Lu̱ka̱ 12:28

Ming een necu gool ci aimze Ta̱mu̱ta̱dde̱n keen cik zarak, wak aavtte wazin necu, kar loza ku̱ju̱kto̱zi̱k gwo̱o̱, aimizung wo̱ye̱ enne i̱ge̱t oroot ol cik diirik ku̱, Eeh niga ol cik anyakku tu̱we̱ne̱t cidici ko̱!

Lu̱ka̱ 4:18

“Aave Vongizi ci Manyi ngatinanni, eci enne atahala annita kar kuwahek kaviyak cik abunna ol cik amati. I̱tto̱na̱na̱ enne kar kuwahek zoz ol wak e̱ce̱bje̱ lagama kar koogtai kar ol wak ru̱be̱ni̱k kicinte, kar kooga ol wak ommogek ol lo̱o̱c,

Kaviyak wak Abunna Ta̱mu̱ta̱dde̱no̱ eher Joni 3:34

Okko e̱e̱ti̱ wa i̱tto̱na̱ Ta̱mu̱ta̱dde̱n ko̱ ozoz zoz ci Ta̱mu̱ta̱dde̱no̱, eci enne aanyik Vongiz cinne do̱o̱k.

Buk wa To̱ni̱a̱u̱ 1:2

rok i̱i̱te̱n bali odonge Ta̱mu̱ta̱dde̱n nonno okkoye ta̱mu̱-kenga ke̱. Aanyik zin enne ti̱lo̱wi̱ne̱t go̱o̱le̱ ci Vongiz ci A̱li̱le̱to̱ni̱a̱k balik atahala enne ke̱.

Buk wa To̱ni̱a̱u̱ 10:38

Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k, eci Ta̱mu̱ta̱dde̱n aave ngatinne.

Buk wa To̱ni̱a̱u̱ 14:15

“Gotonogget! Ma ogonnu kaal ne̱ko̱. Ke̱e̱ggi̱nna̱ naga ol cik diirik ki i̱yo̱ko̱ niga ko̱. Kanyahakung kaviyak cik abunna, kar utungtek kaal cik gerzek ko̱ lo̱o̱c, u̱tu̱gu̱z kaal cik abunna Ta̱mu̱ta̱dde̱no̱, wa bali eenyca ta̱mu̱-keng ki lo̱o̱c, eenyca nyatapar ci a̱ddi̱ki̱re̱ ki kaal cik aavtte ecito do̱o̱k.

Buk wa To̱ni̱a̱u̱ 15:9

Katubo naga do̱o̱k ngu̱me̱ cinne, eci enne adiman zi̱nze̱tti̱ cigge̱k kizeto caale tu̱we̱nte̱ ci anyak nege.

Roma 1:20

Akane kanante ci lo̱o̱tu̱, a̱gga̱ ol komiz ci Ta̱mu̱ta̱dde̱no̱ ngati idimane enne kaal cik aavtte udut, ki doiz cinne. Ming nu̱nu̱n iróng naga kacin komiz cinne zinino eberene, iróng e̱e̱ti̱ imma anyak gool ci amikzene komiz cinne wa aave udut, kacin naga kaale cik eenyca enne ko̱.

Roma 1:4

I̱ye̱la̱ Vongizi ci Ta̱mu̱ta̱dde̱no̱ een Ye̱su̱ Ki̱ri̱sto̱, Manyitinna Ngerrti Ta̱mu̱ta̱dde̱no̱ bali itingawe enne nonno daiza.

Roma 11:12

Abarik ming ize mu̱nye̱n cik olli Ya̱u̱do̱ cik anyahak olli lo̱o̱tu̱ eezet, okko atin gool ci aanyik nege bo̱i̱c Ta̱mu̱ta̱dde̱n ko̱, een eezet ngati ol wak iróng een Ya̱u̱d. Ommog atin eezet cinne̱ng veelek ming o̱bo̱dda̱k nege Ta̱mu̱ta̱dde̱n.

Roma 11:24

Ka̱gga̱ zin naga u̱tu̱gu̱ Ta̱mu̱ta̱dde̱n gi̱i̱ ci abunna, anyahaung enne i̱ge̱t ol wak iróng a̱tu̱we̱ kar izet ol cik a̱tu̱we̱, obowe atin ngati Ta̱mu̱ta̱dde̱no̱ kar kobodai olli Israilo ki̱vi̱ta̱ ku̱tu̱we̱t nonno keete ci i̱ngi̱ro̱u̱.

Roma 6:13

Ma anyikku o̱o̱tti̱ ciggo̱k koottung go̱o̱le̱ ci gerze kar anyait mu̱nye̱n, abarik aanycik zi̱nze̱tti̱ ciggo̱k do̱o̱k Ta̱mu̱ta̱dde̱n ki i̱yo̱ko̱ ol wak balik ingane Ta̱mu̱ta̱dde̱n daiza ke̱. I̱yo̱ko̱ zin, u̱tu̱gu̱z kaal cik abunna.

Roma 6:22

I̱yo̱ko̱ zin, aara Ta̱mu̱ta̱dde̱n mu̱nye̱n ciggo̱k, abaktu labak, izetu niga du̱cca̱k cik Ta̱mu̱ta̱dde̱no̱. A̱a̱nyu̱ng zin zoz necu izet ol cik a̱li̱le̱ kar bo̱do̱k kuyung baize ci aave udut.

1 Ko̱ri̱nto̱ 15:45

E̱he̱rye̱ Warage ci Ta̱mu̱ta̱dde̱no̱ azi ne, “Arrak bali oowa ke̱ eenyca Ta̱mu̱ta̱dde̱n e̱e̱t wa azi zara Adam, kar kanyik nonno ruget.” Imma Adami wa a̱kku̱ vu̱rrta̱, een enne Vongiz wa a̱kku̱ kar ki̱ki̱ya̱ kaanyik ol ruget.

2 Ko̱ri̱nto̱ 5:21

Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

2 Ko̱ri̱nto̱ 6:16

Iróng to̱do̱yo̱wa̱ ne̱k ala ol ko̱ e̱e̱ggi̱n cik Ce̱e̱z wa Ta̱mu̱ta̱dde̱no̱. Ke̱e̱ggi̱n naga e̱le̱tti̱ne̱ Ce̱e̱z wa Ta̱mu̱ta̱dde̱no̱, ki ming a̱du̱wa̱ Ta̱mu̱ta̱dde̱n eliya, “Kabaka atin anna ki ol ne̱ko̱ kar koto orgene cinne̱ng. Ke̱e̱ni̱ atin Ta̱mu̱ta̱dde̱n cinne̱ng, ovvo nege een ol cigannik.”

Ga̱la̱ti̱a̱ 2:19

Eci ming korongi kuzute keer neci, egerzan baiz cinanni. Imma i̱yo̱ko̱, kutunga lo̱ti̱nno̱k cik Musesi, koronga baiz ci Ta̱mu̱ta̱dde̱no̱ de̱de̱.

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

1 Te̱se̱lo̱ni̱ka̱ 1:9

U̱du̱ktta̱i̱t ol do̱o̱k gool bali a̱gga̱mnyu̱ niga nogo baling i̱tto̱zzo̱ nege orog cunno̱ng, kar zin bo̱do̱k utuburtu gool ci a̱tu̱yyu̱ to̱do̱yyo̱k kar alac Ta̱mu̱ta̱dde̱n wa aruge een de̱de̱,

1 Ti̱mo̱te̱yo̱ 1:17

Kala alaan kar bo̱do̱k ki̱di̱ngdi̱nga̱n nonno wa abak udut, wa iróng a̱da̱i̱, wa iróng kacin eberene, nonno Ta̱mu̱ta̱dde̱n o̱de̱ ṯok! Ko̱to̱ngo̱o̱ltte̱ nonno udut. I̱i̱ny.

1 Ti̱mo̱te̱yo̱ 3:15

Ming iróng anna ngen kayiha ataman, a̱gga̱yyu̱ atin niga gool ci abahe ol wak a̱tu̱ zoz ci Ta̱mu̱ta̱dde̱no̱. E̱e̱ggi̱n ol wak a̱tu̱ zoz ci Ta̱mu̱ta̱dde̱no̱ ko̱ boor ci Ta̱mu̱ta̱dde̱no̱, nogo cik a̱gga̱m zoz ci Ta̱mu̱ta̱dde̱no̱ kiwagon lolaci ci abilne zoz de̱de̱.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

I̱bu̱ru̱ 10:10

U̱tu̱gu̱ zin enne gi̱i̱ ci orong Manyi nonno ku̱tu̱gu̱, aanyik zin Ye̱su̱ Ki̱ri̱sto̱ ele cinne kize wawac ci aara ol mu̱nye̱n ne lai, lak co̱de̱, kizeto caale paz.

I̱bu̱ru̱ 10:12

Imma e̱e̱ti̱ ci wawaco wa aanyik ele cinne Ta̱mu̱ta̱dde̱n kize wawac ci aara ol mu̱nye̱n do̱o̱k. Kar Ta̱mu̱ta̱dde̱n kaanyik nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 10:2

Ming a̱vi̱la̱ weda kaala ne̱ko̱ mu̱nye̱n cik ollu, ibiltte weda nege zoz ci apahek Ta̱mu̱ta̱dde̱n kaal. Aarttai weda mu̱nye̱na̱ cik ol wak ala Manyi ko̱ do̱o̱k lak co̱de̱, iróng zin nege ngen o̱ngo̱o̱le̱ gi̱i̱ imma.

I̱bu̱ru̱ 10:22

abunna zin naga ka̱vvu̱nna̱k Ta̱mu̱ta̱dde̱n zi̱nze̱tti̱nne̱ cik abunna kar kartik nonno zi̱nze̱tti̱ ki tu̱we̱ne̱t ci okkomi kak. Utunyca bi̱ye̱ta̱ cik Ye̱su̱ ngati a̱da̱kne̱ keete ci een ta̱la̱ke̱c ko̱ mu̱nye̱n, iróng ngen ko̱ngo̱o̱le̱ gi̱i̱ imma. Utunyyce e̱le̱tti̱ cigga̱c ko̱ maame cik caalek ne paz ngati ka̱gga̱me̱ ba̱ti̱ti̱mo̱.

I̱bu̱ru̱ 11:21

Imma bo̱do̱k tu̱we̱nte̱ ci Ya̱ko̱bo̱, u̱mu̱yu̱k enne dooli cik Yosevo baling ize enne ma̱ti̱yo̱c, kar ki̱di̱ngdi̱nga̱n Ta̱mu̱ta̱dde̱n ngati i̱ti̱re̱ne̱ ki̱ri̱ cinne.

I̱bu̱ru̱ 13:12

Ogon bo̱do̱k niko ngati Ye̱su̱, apirna kar ka̱da̱k orog utuga kar bi̱ye̱ta̱ ciginnek ki̱ti̱vi̱la̱ mu̱nye̱n kar kaanyik ol kizeto caale ne paz.

I̱bu̱ru̱ 3:12

Artta iin, gotonogga ki ngonogga, ma i̱zzo̱yu̱ mu̱nye̱n cik iróng a̱a̱nyu̱ng u̱tu̱we̱t Ta̱mu̱ta̱dde̱n bak a̱ti̱kku̱ tu̱.

I̱bu̱ru̱ 6:1

Abunna zin naga kovvo ki ta̱dde̱n tu̱we̱nte̱ cinna, iróng bo̱do̱k kedemez de̱mzi̱ne̱t bali o̱o̱wu̱ Ki̱ri̱sto̱ ke̱. E̱e̱ggi̱n ne̱ko̱ de̱mzi̱ne̱t cik Ye̱su̱ balik o̱o̱tti̱nu̱ ke̱: Abunna ming kungnek mu̱nye̱n lo̱o̱c cik anyaha daiz ko̱, kar ku̱tu̱we̱t Ta̱mu̱ta̱dde̱n,

I̱bu̱ru̱ 7:16

Een e̱e̱ti̱ ci wawaco ko̱, ci a̱li̱ngli̱ng Ce̱e̱ze̱ wa Ta̱mu̱ta̱dde̱no̱, ahala Manyi zo̱ze̱ ci een jor, iróng een zo̱ze̱ ci boor cinne, abarik eci bo̱do̱k anyak enne doiz ci abahe udut, i̱llo̱i̱ gi̱i̱ imma ci a̱ru̱k nonno.

I̱bu̱ru̱ 7:27

Ommog enne alaat wak a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ do̱o̱k. Iróng enne apahek Ta̱mu̱ta̱dde̱n wawa kiwagon alaata cik a̱ddi̱ki̱re̱ wawaco odohize, apahek arrak mu̱nye̱n cigge̱k kar vu̱rrta̱ kapaktek mu̱nye̱n cik ollu. I̱ti̱ri̱z zin Ye̱su̱ ol do̱o̱k mu̱nye̱ne̱ lak co̱de̱ ngati a̱da̱kne̱ keete ci een ta̱la̱ke̱c.

I̱bu̱ru̱ 9:12

Iróng zin enne i̱i̱zo̱ Ngin wa A̱li̱le̱ Oroot ko̱ gi̱i̱ye̱ ci apahek eeza ki maala ngati aparanek Ta̱mu̱ta̱dde̱n bi̱ye̱. I̱tto̱ Ye̱su̱ ngin neci lak co̱de̱ ngati a̱da̱kne̱, uddutai bi̱ye̱ta̱ ciginnek keete wa een ta̱la̱ke̱c, kar kaara mu̱nye̱n cigga̱c udut.

I̱bu̱ru̱ 9:26

Ming riil zoz ci apahek tuwayowa Ta̱mu̱ta̱dde̱n kaal odohize, aanyik weda Ye̱su̱ Ki̱ri̱sto̱ ele cinne Ta̱mu̱ta̱dde̱n kize wawac odohize odohize kanante ci lo̱o̱tu̱. Abarik aanyik enne ele cinne kize wawac lak co̱de̱, kar kaara mu̱nye̱n bu̱u̱llo̱k ki bu̱u̱llo̱k.

I̱bu̱ru̱ 9:7

I̱i̱zo̱ alaani ci a̱ddi̱ki̱re̱ wawaco do̱ Nginti A̱li̱le̱ Oroot lak co̱de̱ e̱rki̱ta̱, kar kanyaha bi̱ye̱ kaparanek Ta̱mu̱ta̱dde̱n kize gi̱i̱ ci aara mu̱nye̱n ciginnek ki cik ollu do̱o̱k, ogon nege ngati iróng a̱gga̱we̱.

I̱bu̱ru̱ 9:9

Een necu ri̱ri̱to̱n ci zoz ci kacin ngatu ko̱. Iróng muci ki kaal ne̱k apahek olli wawaco Ta̱mu̱ta̱dde̱n cik a̱vi̱la̱ ol mu̱nye̱n.

1 Peturu 1:19

abarik a̱ti̱ri̱zu̱ng bi̱ye̱te̱ cik Ki̱ri̱sto̱, ogon enne ki nyoon ci iróng anyak gi̱i̱ ci gerze eliya.

1 Peturu 2:22

“Ngen enne ku̱tu̱gu̱ mu̱nye̱n icima kamuda zoz ci een volong utuge cinne.”

1 Peturu 2:24

Atala Ye̱su̱ mu̱nye̱n cigga̱c. Odode ba̱li̱ye̱ enne keete wa een ta̱la̱ke̱c kar naga abunna ming kunnek mu̱nye̱n lo̱o̱c kar ka̱vvu̱t baize ci abunna. I̱di̱lle̱t enne agit ngodocete wak balik a̱ru̱we̱ ol nonno ke̱.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Peturu 4:2

I̱ye̱le̱kke̱t zin zoz necu zoz ci azi ne, utungteu niga kaal cik mu̱nye̱nu̱ amin zi̱nze̱tti̱ ciggo̱k ko̱ do̱o̱k lo̱o̱c, orongnyu u̱tu̱gu̱z zoz ci Ta̱mu̱ta̱dde̱no̱ baize cunno̱ng.

1 Jon 1:7

Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.

1 Jon 3:5

A̱gga̱yyu̱ niga a̱kku̱ Ki̱ri̱sto̱ kar ki̱ki̱ya̱ kaara mu̱nye̱n cigga̱c, iróng enne eliya anyak mu̱nye̱n udut.

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,