I̱bu̱ru̱ 9:13 - Tennet

¹³ Imma zo̱ze̱ bali reeni ke̱, apahek tuwayowa cik Ce̱e̱z wa Ta̱mu̱ta̱dde̱no̱ bi̱ye̱ cik eezau ki cik tiinu, kar kazacek ol cik mu̱nye̱nu̱ bbu̱u̱r ci ivade nege mo̱o̱le̱t, ki bi̱ye̱, kar kaara nogo mu̱nye̱n, ka̱vvu̱to̱ labak, kar e̱le̱tti̱ cigge̱k kubunnta eci re̱e̱nu̱no̱.

I̱bu̱ru̱ 9:13 Iomraidhean Croise

Buk wa To̱ni̱a̱u̱ 15:9

Katubo naga do̱o̱k ngu̱me̱ cinne, eci enne adiman zi̱nze̱tti̱ cigge̱k kizeto caale tu̱we̱nte̱ ci anyak nege.

I̱bu̱ru̱ 10:29

I̱no̱ni̱t lo̱ki̱ko̱ ci okkomi okko Ta̱mu̱ta̱dde̱n etteddek ol wak ibbez zoz ci Ngerrti Ta̱mu̱ta̱dde̱no̱, adima bo̱do̱k bi̱ye̱ cik Ye̱su̱ anyaha olomi ci een jor, wa eela nonno mu̱nye̱ne̱ ko̱ kize gi̱i̱ ci labak, kar bo̱do̱k kodom Vongiz ci A̱li̱le̱ Ta̱mu̱ta̱dde̱no̱ ci aanyik nonno de̱ti̱ne̱t ko̱.

I̱bu̱ru̱ 10:4

eci bi̱ye̱ta̱ cik tiinu ki cik eezau iróng aara ol mu̱nye̱n.

I̱bu̱ru̱ 9:19

Baling ikebek Musesi ol ti̱lo̱wi̱ne̱t ci Ta̱mu̱ta̱dde̱no̱, kar zin kidima varany ki ru̱u̱ce̱ni̱t ci a̱zze̱to̱ u̱zu̱we̱k bi̱ye̱ cik tiinu ki eeza, ki maam kar zin kazacek buk ci Ta̱mu̱ta̱dde̱no̱ ki ol.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.