I̱bu̱ru̱ 8:5 - Tennet

⁵ Imma zin kaala cik ogon olli wawaco Ce̱e̱ze̱ wa Ta̱mu̱ta̱dde̱no̱ lo̱o̱ta̱ ngatu ko̱, kaal wak i̱ya̱kza̱ Ce̱e̱z wa Ta̱mu̱ta̱dde̱no̱ ta̱mu̱-kenga. Zoz zin ci bali a̱du̱wa̱k Ta̱mu̱ta̱dde̱n Muses baling eenyet enne Ce̱e̱z wa Ta̱mu̱ta̱dde̱no̱ een ti̱ti̱ ko̱ balala, izek nonno ne, “Ziyo ju̱rru̱m, tu̱gu̱ kaal ne̱ko̱ do̱o̱k go̱o̱le̱ bali ka̱du̱wa̱ki̱ baling kurumto biye wa een zara Sinai ke̱.”

I̱bu̱ru̱ 8:5 Iomraidhean Croise

Ma̱te̱yo̱ 2:12

Imma vu̱rrta̱, u̱du̱wa̱k Ta̱mu̱ta̱dde̱n nogo o̱no̱zo̱we̱ a̱nne̱k ne, ma ngen ovvoyyu rok alaan ci een He̱ro̱d. Idimtta zoz necu aartik iin, i̱mi̱rtte̱ oot lo̱o̱ce̱ cinne̱ng go̱o̱le̱ immane.

Buk wa To̱ni̱a̱u̱ 7:44

“Anyak bali ji̱ji̱ti̱gga̱c Ce̱e̱z wa Ta̱mu̱ta̱dde̱no̱ een ti̱ti̱ balala bu̱k. Adimanai ki bali ming a̱du̱wa̱k Ta̱mu̱ta̱dde̱n Muses ke̱, go̱o̱le̱ bali icinne enne ke̱.

Kolosiya 2:17

E̱e̱ggi̱n kaala ne̱ko̱ do̱o̱k ri̱ri̱to̱n ci kaal wak ovvo a̱vvu̱, abarik zoz ci een de̱de̱ amudai ngati Ki̱ri̱sto̱.

I̱bu̱ru̱ 10:1

Een lo̱ti̱nno̱wa̱ cik Musesi ri̱ri̱to̱n ci zoz ci abunna een jor, u̱du̱wa̱ Manyi a̱kku̱ atin. Obodonik olli wawaco apahek Ta̱mu̱ta̱dde̱n kaal odohize odohize. Iróng kaala ne̱k apahek olli wawaco Manyi ko̱ a̱vi̱la̱ mu̱nye̱n wak ol wak ala nonno.

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

I̱bu̱ru̱ 12:25

U̱zu̱tte̱ zin, abunna ming aziknnu zoz ci Ta̱mu̱ta̱dde̱n ci ozozikkung ko̱. Iróng olli Ya̱u̱do̱ a̱vi̱r ba̱li̱ye̱ balala baling abure zoz ci Musesi, iróng zin naga ka̱vi̱r zoz ci Ta̱mu̱ta̱dde̱no̱ ci ozozikket ta̱mu̱-kenga ko̱, ming kaburnna zoz cinne.

I̱bu̱ru̱ 13:10

Kanyak naga do̱o̱k i̱te̱le̱ ci aave Ce̱e̱ze̱ wa Ta̱mu̱ta̱dde̱no̱ ta̱mu̱-kenga, ngati azzaconik bi̱ye̱ta̱ cik Ye̱su̱ do̱ niko, iróng zin ol cik wawaco Ce̱e̱ze̱ wa Ta̱mu̱ta̱dde̱no̱ lo̱o̱ta̱ a̱vvu̱na̱k i̱te̱le̱ neci.

I̱bu̱ru̱ 9:9

Een necu ri̱ri̱to̱n ci zoz ci kacin ngatu ko̱. Iróng muci ki kaal ne̱k apahek olli wawaco Ta̱mu̱ta̱dde̱n cik a̱vi̱la̱ ol mu̱nye̱n.

O̱no̱zzo̱k 15:5

Imma vu̱rrte̱ ci zoz cu, kicina Ce̱e̱ze̱ wa Ta̱mu̱ta̱dde̱no̱ ta̱mu̱-kenga, Nginti A̱li̱le̱ Oroot ming o̱o̱ye̱.