I̱bu̱ru̱ 8:13 - Tennet

¹³ Imma zin go̱o̱le̱ ci a̱du̱wa̱ne̱ enne olom necu, aanyik enne olom necu kize jor. Utung enne olom wa bali reeni iróng ngen bo̱do̱k a̱li̱ngli̱nge̱ eci kaala wak unuweto iróng ol ngen a̱li̱ngli̱nge̱.

I̱bu̱ru̱ 8:13 Iomraidhean Croise

Ma̱te̱yo̱ 24:35

Adittai atin ta̱mu̱-kengi ki lo̱o̱c, imma zoz cinanni abak atin udut.”

Lu̱ka̱ 22:20

Kar go̱o̱le̱ necu, baling uduttet da̱i̱nte̱ idima enne uduc ci vi̱no̱, ize ne, “Een uduci necu olom wa een jor bi̱ye̱te̱ cigannik cik a̱ddu̱ta̱i̱ zo̱ze̱ cunno̱ng.

1 Ko̱ri̱nto̱ 13:8

Iróng rezinet aanyik ol cik anyak rezinet zi̱nze̱tti̱nne̱ ku̱yu̱kte̱. Abarik okko atin zoz ci ozoz ol arizete ci zoz ci Ta̱mu̱ta̱dde̱no̱ ko̱ okko atin aṯurneke, ki u̱tu̱ge̱tti̱ cik aavtte do̱ do̱, iróng atin ngen ozoze. Imma kaala cik ka̱gga̱ naga do̱o̱k, erehek atin ol.

2 Ko̱ri̱nto̱ 3:6

Aanyyet enne kizet ol cik ka̱li̱ngli̱ng olom ci een jor Ta̱mu̱ta̱dde̱no̱, iróng een lo̱ti̱nno̱k balik e̱he̱rye̱ ke̱. Imma kaale do̱o̱k, aanyyet lo̱ti̱nno̱wa̱ ne̱ke̱ daiz, okko Vongizi ci a̱li̱le̱ aanyyet ruget.

2 Ko̱ri̱nto̱ 5:17

Uhu de̱de̱ Ta̱mu̱ta̱dde̱n baiz ci ol wak a̱tu̱ Ki̱ri̱sto̱ ka̱vvu̱to̱ do̱. Utungtek baiz ci reeni ogone kaal cik lo̱o̱tu̱ gerzek ke̱ lo̱o̱c, u̱tu̱gu̱zzo̱ kaal cik een jor baize cinne̱ng.

I̱bu̱ru̱ 1:11

Ovvo atin looci ki ta̱mu̱-keng a̱zze̱ dakdak ku̱tu̱gu̱ ki ru̱u̱m ci erece ku̱mu̱. Imma i̱nna̱ abai udut.

I̱bu̱ru̱ 12:24

I̱vi̱ta̱u̱ niga Ye̱su̱ ta̱mu̱-kenga, wa een zoc ci olom ci een jor, ki bali aanyik Ye̱su̱ ele cinne kize wawac, kar bi̱ye̱ta̱ ciginnek kanyakta zoz ci kalalek naga ol, een necu olom ci een jor, ommog necu bi̱ye̱ cik Abeli orong caac.

I̱bu̱ru̱ 7:22

Eci Ta̱mu̱ta̱dde̱n atahala Ye̱su̱ zo̱ze̱ ci u̱du̱wa̱ enne, i̱ye̱la̱ necu olom ci ommog veelek elema Ta̱mu̱ta̱dde̱n ki Ye̱su̱ wowonet ci owowone ki e̱e̱t ci diiri.

I̱bu̱ru̱ 8:6

Imma i̱yo̱ko̱, aanyik Ta̱mu̱ta̱dde̱n Ye̱su̱ di̱ngdi̱ngo̱n ki li̱ngli̱ngo̱n ci ommog veelek, ommog li̱ngli̱ngo̱n ci ol wak wawaco balik lo̱o̱tu̱ ke̱, een necu olom ci elema Manyi ko̱ ci ommog veelek, anyaha gano ngati Ta̱mu̱ta̱dde̱no̱ kar kanyik e̱e̱t ci diiri, een Ye̱su̱ zoc ci ommog bali reeni ke̱.

I̱bu̱ru̱ 8:8

Ma̱i̱je̱ ngatu, umuda Ta̱mu̱ta̱dde̱n ba̱ci̱ ci ol cik diirik kar kize ne, “A̱kku̱ atin i̱i̱te̱ni̱ ming a̱du̱wa̱ Manyi, ci kokko atin anna ka̱du̱wa̱k olli Israilo ki Ju̱da̱ do̱o̱k olom ci een jor.

I̱bu̱ru̱ 9:15

Ye̱su̱ Ki̱ri̱sto̱ ci een zoc ci Ta̱mu̱ta̱dde̱no̱, anyaha olom ci een jor, kar ol cik awu Ta̱mu̱ta̱dde̱n kar elemtta olom ci een oo, aruba baiz ci aave udut kar kanyait kaal do̱o̱k, eci Ye̱su̱ a̱da̱i̱ kar kaara ol mu̱nye̱ne̱ balik ogon nege lo̱ti̱nno̱we̱ balik Musesi reentik ke̱.