I̱bu̱ru̱ 7:7 - Tennet

⁷ Ka̱gga̱ zin naga do̱o̱k a̱mu̱yu̱k e̱e̱ti̱ ci a̱ddi̱ki̱re̱ e̱e̱t cidici.

I̱bu̱ru̱ 7:7 Iomraidhean Croise

Kananet 49:28

E̱e̱ggi̱n ne̱ko̱ do̱o̱k booryyok cik Israilo omoto ki rama, kar zin ne̱ko̱ een zoz ci u̱du̱wa̱k be̱e̱ti̱nne̱ng nogo baling a̱mu̱yu̱k enne nogo co̱de̱ co̱de̱. Aanyik ngenngene ma̱yu̱we̱ne̱t ci eleno nonno.

2 Ko̱ri̱nto̱ 13:14

Anyik de̱ti̱ne̱t wa Manyi Ye̱su̱ Ki̱ri̱sto̱ ki rezinet wa Ta̱mu̱ta̱dde̱no̱ ki wowonet ci Vongiz ci A̱li̱le̱ ka̱vvu̱to̱ ngatinno̱ng do̱o̱k.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

I̱bu̱ru̱ 7:6

Imma e̱e̱ti̱ ci een Melchizedek ko̱, iróng a̱kku̱ boore co Le̱vi̱, abarik Aburahami aanyik nonno taban cinne gi̱i̱ co̱de̱ kaale cik e̱e̱ggi̱n omoto akana enne illawa, kar zin enne ka̱mu̱yu̱k Aburaham, nonno ba̱li̱ye̱ ci aanyik Ta̱mu̱ta̱dde̱n zoz ci u̱du̱wa̱ enne ke̱.

I̱bu̱ru̱ 7:8

Kar gon ba̱li̱ye̱, aluta gon ol wak wawaco balik a̱da̱i̱to̱ ke̱ taban cinne̱ng gi̱i̱ co̱de̱ kaale cik e̱e̱ggi̱n omoto kaale do̱o̱k; ma̱i̱je̱ bali go̱o̱le̱ emani, aluta e̱e̱ti̱ ci u̱du̱ya̱i̱ aruge udut ko̱.