I̱bu̱ru̱ 7:19 - Tennet

¹⁹ Iróng zin lo̱ti̱nno̱wa̱ ngen a̱ti̱ri̱z e̱e̱t ci diiri, abarik zin i̱yo̱ko̱, i̱ki̱ya̱ zin zoz ci abunna karike naga zi̱nze̱tti̱, anyahannet zoz neci kar kojongozzit Ta̱mu̱ta̱dde̱n.

I̱bu̱ru̱ 7:19 Iomraidhean Croise

Kaviyak wak Abunna Ta̱mu̱ta̱dde̱no̱ eher Joni 1:17

Anyaha ba̱li̱ye̱ Ta̱mu̱ta̱dde̱n lo̱ti̱nno̱k go̱o̱le̱ wa Musesi, kar zin kuwahek ol; okko Ye̱su̱ Ki̱ri̱sto̱ anyaha deten ki zoz wa een de̱de̱.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Buk wa To̱ni̱a̱u̱ 13:39

Imma zin ngati e̱e̱t ci a̱tu̱ nonno i̱zze̱c mu̱nye̱na̱, iróng lo̱ti̱nno̱wa̱ cik Musesi uule kar kalaleung.

Roma 5:2

I̱ye̱le̱i̱t zin Ye̱su̱ Ki̱ri̱sto̱ agit wak ka̱tu̱ nonno ko̱ gool ci kar Ta̱mu̱ta̱dde̱n kelemaita eci enne anyak deten, ka̱tu̱ bo̱do̱k naga nonno. Katalninna karikka zi̱nze̱tti̱ i̱i̱te̱n ci okko Manyi odongnyet okkoyyet ta̱dde̱na̱, kar ka̱vvu̱t ki nonno udut ngati a̱di̱ngdi̱nga̱ne̱ ol nonno.

Roma 7:7

I̱yo̱ko̱ zin kazi wo̱ye̱ naga ne? Een lo̱ti̱nno̱wa̱ mu̱nye̱n? Iróng een niko! Ming iróng lo̱ti̱nno̱wa̱ i̱ye̱le̱kke̱t mu̱nye̱n, iróng wo̱ye̱ da̱ anna ka̱gga̱ mu̱nye̱n de̱de̱. Iróng bo̱do̱k wo̱ye̱ anna ka̱gga̱ gi̱i̱ ci e̱e̱to̱ amanik zinin cinne gerze, eci azi lo̱ti̱nno̱wa̱ ne, “Ma anyai zinin ci a̱ppwe̱ ce̱e̱ze̱ ci e̱e̱t imma.”

Roma 8:3

Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.

Ga̱la̱ti̱a̱ 2:16

Abarik ka̱gga̱yya̱ aave e̱e̱ti̱ ju̱rru̱m ngu̱me̱ ci Ta̱mu̱ta̱dde̱no̱ go̱o̱le̱ ci a̱tu̱we̱ enne Ye̱su̱ Ki̱ri̱sto̱, iróng een go̱o̱le̱ ci kazunne keer. Ka̱tu̱yya̱ zin Ye̱su̱ Ki̱ri̱sto̱, abunna kaavtte ki Ta̱mu̱ta̱dde̱n ju̱rru̱m eci naga ka̱tu̱ Ki̱ri̱sto̱, iróng e̱e̱ti̱ imma aave ju̱rru̱m ki Manyi go̱o̱le̱ ci azunne lo̱ti̱nno̱k cik Musesi.

Ga̱la̱ti̱a̱ 3:21

Iróng lo̱ti̱nno̱wa̱ balik anyike Ta̱mu̱ta̱dde̱n Muses ke̱ ongorko ki zoz ci u̱du̱wa̱k enne ba̱li̱ye̱ Aburaham ke̱. Ming aanyyet lo̱ti̱nno̱wa̱ baiz ci aave udut, kamuda bunnat ngu̱me̱ ci Ta̱mu̱ta̱dde̱no̱ ngati kazunne lo̱ti̱nno̱k.

Ga̱la̱ti̱a̱ 3:24

Ebekket lo̱ti̱nno̱wa̱ zee ki̱ki̱ya̱ Ki̱ri̱sto̱; azunnet lo̱ti̱nno̱wa̱ zee ki̱ki̱ya̱ Ye̱su̱ kidimanet kubunnta ngu̱me̱ ci Ta̱mu̱ta̱dde̱no̱ tu̱we̱nta̱.

Evesos 3:12

Eci enne u̱tu̱gu̱ niko, aanyet Ki̱ri̱sto̱ agit kurumte ki nonno, kanime zin naga kotoz ngu̱me̱ ci Ta̱mu̱ta̱dde̱no̱ labak ci iróng ko̱ngo̱o̱le̱ gi̱i̱ imma.

Kolosiya 1:27

Ogon Ta̱mu̱ta̱dde̱n niko eci enne orong ki̱ye̱le̱k ol wak iróng een Ya̱u̱d zoz cinne a̱lu̱ngnye̱ ko̱, nonno ci een Ki̱ri̱sto̱ ci abak ngatinno̱ng, nonno ci karike naga zi̱nze̱tti̱ kar kurubta di̱ngdi̱ngo̱n ci Ta̱mu̱ta̱dde̱no̱.

1 Ti̱mo̱te̱yo̱ 1:1

Ki̱tto̱na̱ki̱ waraga cu anna Pa̱u̱lo̱ to̱ni̱a̱ti̱ ci Ye̱su̱ Ki̱ri̱sto̱, wa bali atahala Ta̱mu̱ta̱dde̱n wa een Ti̱ri̱zo̱i̱t cinna ki Ye̱su̱ Ki̱ri̱sto̱ ci karike naga zi̱nze̱tti̱ ko̱.

I̱bu̱ru̱ 10:1

Een lo̱ti̱nno̱wa̱ cik Musesi ri̱ri̱to̱n ci zoz ci abunna een jor, u̱du̱wa̱ Manyi a̱kku̱ atin. Obodonik olli wawaco apahek Ta̱mu̱ta̱dde̱n kaal odohize odohize. Iróng kaala ne̱k apahek olli wawaco Manyi ko̱ a̱vi̱la̱ mu̱nye̱n wak ol wak ala nonno.

I̱bu̱ru̱ 11:40

Anyak Ta̱mu̱ta̱dde̱n gi̱i̱ ci abunna oroot zinine cinne ci orong kaanyyet agit do̱o̱k, abunna kazuca nginti A̱li̱le̱ ta̱mu̱-kenga ki ol ne̱ke̱ do̱o̱k nga̱to̱de̱.

I̱bu̱ru̱ 11:6

Iróng wo̱ye̱ Ta̱mu̱ta̱dde̱n irez e̱e̱t ci diiri ming iróng elemi zoz cinne. Ming orong e̱e̱ti̱ a̱kku̱nna̱k Ta̱mu̱ta̱dde̱n, abunna ming elemi kar ka̱gga̱ aave Manyi to, kar zin Ta̱mu̱ta̱dde̱n kumuc e̱e̱t eci oronge nonno de̱de̱.

I̱bu̱ru̱ 3:6

Ma̱i̱je̱ Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ odohize a̱li̱ngli̱nge̱k ol cik Ta̱mu̱ta̱dde̱no̱. Ke̱e̱ggi̱n naga Ce̱e̱z wa Ta̱mu̱ta̱dde̱no̱, ming karike naga zi̱nze̱tti̱ zoz Ta̱mu̱ta̱dde̱no̱ kere naga ko̱.

I̱bu̱ru̱ 4:16

Koot zin naga do̱o̱k rok Manyi Ta̱mu̱ta̱dde̱n ngati iróng ko̱ngo̱o̱li̱ne̱ gi̱i̱ imma kar kaanyyet deten, kar kurubta bunnat kar keelawet agit do̱o̱k i̱i̱te̱ne̱ ci koronge naga kaal.

I̱bu̱ru̱ 6:18

U̱tu̱gu̱ Ta̱mu̱ta̱dde̱n niko kar zin kaale cik e̱e̱ggi̱n rama, iróng enne uhu eci iróng Ta̱mu̱ta̱dde̱n ovolongi zo̱ze̱ wa u̱du̱wa̱ enne, imma naga ol cik ki̱vi̱re̱t ko̱, kar kurubta zoz ci karike naga zi̱nze̱tti̱ ko̱, anyazoita kar izoccet wo̱ye̱ agit oroot.

I̱bu̱ru̱ 7:11

Ming wo̱ye̱ anyahak boor co Le̱vi̱ ol cik diirik gi̱i̱ ci a̱vi̱la̱ ol mu̱nye̱n go̱o̱le̱ ci e̱e̱ggi̱nne̱ nege ol wak wawaco, eci Ta̱mu̱ta̱dde̱n aanyik ol lo̱ti̱nno̱k go̱o̱le̱ ci ol wak wawaco cik bu̱u̱l neci. Ming anyaha nege gi̱i̱ ci aara ol mu̱nye̱n, inya zin ming i̱tto̱na̱ Ta̱mu̱ta̱dde̱n e̱e̱t imma ci wawaco ci ogon ki Melchizedek, iróng enne ogon ki e̱e̱ti̱ ci wawaco wa een Aaron?

I̱bu̱ru̱ 7:20

Imma zin niko, atahala Ta̱mu̱ta̱dde̱n Ye̱su̱ kize e̱e̱t ci wawaco ngati azi ne i̱tto̱ni̱k ele cinanni. Imma ol wak wawaco do̱o̱k i̱i̱zo̱ kizeto ol wak wawaco gaganiko, iróng e̱e̱ti̱ imma i̱tto̱ni̱k ele cinne,

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

I̱bu̱ru̱ 8:6

Imma i̱yo̱ko̱, aanyik Ta̱mu̱ta̱dde̱n Ye̱su̱ di̱ngdi̱ngo̱n ki li̱ngli̱ngo̱n ci ommog veelek, ommog li̱ngli̱ngo̱n ci ol wak wawaco balik lo̱o̱tu̱ ke̱, een necu olom ci elema Manyi ko̱ ci ommog veelek, anyaha gano ngati Ta̱mu̱ta̱dde̱no̱ kar kanyik e̱e̱t ci diiri, een Ye̱su̱ zoc ci ommog bali reeni ke̱.

I̱bu̱ru̱ 9:9

Een necu ri̱ri̱to̱n ci zoz ci kacin ngatu ko̱. Iróng muci ki kaal ne̱k apahek olli wawaco Ta̱mu̱ta̱dde̱n cik a̱vi̱la̱ ol mu̱nye̱n.

Je̱mi̱s 4:8

Ojongozit Ta̱mu̱ta̱dde̱n, kar enne kojongozung i̱ge̱t bu̱k. Utuunyet azzin cuggo̱k, niga olli mu̱nye̱nu̱, kar aanycik zi̱nze̱tti̱ kizeto caale, niga ol cik anyakku zi̱nze̱tti̱ rama ko̱.