I̱bu̱ru̱ 7:1 - Tennet

¹ Een Melchizedeki alaan ci orog ci een Salem, een bo̱do̱k enne e̱e̱t ci wawaco ci apahek Ta̱mu̱ta̱dde̱n kaal. U̱ru̱mto̱ enne ki Aburaham baling oboda illawa, ommog enne alaat, kar zin ku̱mu̱yu̱k nonno.

I̱bu̱ru̱ 7:1 Iomraidhean Croise

Marko 5:7

Egereny zin enne muluwe ci a̱ppwe̱, “Orongi i̱nna̱ nya ngatinanni, Ye̱su̱, Ngerrti Ta̱mu̱ta̱dde̱n wa a̱ddi̱ki̱re̱? Du̱l da̱ keet zare cik Ta̱mu̱ta̱dde̱no̱ ize ne iróng atidic i̱nna̱ a̱gi̱dda̱n!”

Buk wa To̱ni̱a̱u̱ 16:17

Unu do̱le̱c necu Pa̱u̱lo̱ ki agita, egereny je̱e̱na̱, azi ne, “E̱e̱ggi̱n ol ciko du̱cca̱k cik Ta̱mu̱ta̱dde̱n wa Ommog Veelek, a̱du̱wa̱kku̱ng gool ci ti̱ri̱ze̱nto̱.”

I̱bu̱ru̱ 6:20

Aave Ye̱su̱ nginati, uk enne o̱o̱we̱ cinna, i̱i̱zo̱ Ngin neci A̱li̱le̱ Oroot ke̱ zo̱ze̱ cinna. Ize zin enne alaan ci a̱ddi̱ki̱re̱ wawaco udut, ki bali Melchizedek.

I̱bu̱ru̱ 7:2

Aanyik zin Aburahami Melchizedek taban ci alaatu gi̱i̱ co̱de̱ kaale cik e̱e̱ggi̱n omoto kaale ci anyak enne do̱o̱k. Een zara cik een Melchizedek “Alaan ci voori zinin per annu zoz ci Ta̱mu̱ta̱dde̱no̱.” Anyak bo̱do̱k zar u̱gge̱ cik een “Alaan ci Salemi.” Azi ungec cinne ne, “Alaan ci anyak gano.”

I̱bu̱ru̱ 7:3

Iróng e̱e̱ti̱ imma a̱gga̱ ming anyak enne yaatinne icima baatinne, i̱llo̱i̱ rok ji̱ji̱ti̱gi̱nne̱k, iróng ol a̱gga̱ i̱i̱te̱n ci a̱rri̱ta̱ne̱ enne, icima ci okko enne a̱da̱kne̱. Ogon enne ki Ngerrti Ta̱mu̱ta̱dde̱no̱, eci erahek atin enne een e̱e̱t ci wawaco ci aave udut.

I̱bu̱ru̱ 7:6

Imma e̱e̱ti̱ ci een Melchizedek ko̱, iróng a̱kku̱ boore co Le̱vi̱, abarik Aburahami aanyik nonno taban cinne gi̱i̱ co̱de̱ kaale cik e̱e̱ggi̱n omoto akana enne illawa, kar zin enne ka̱mu̱yu̱k Aburaham, nonno ba̱li̱ye̱ ci aanyik Ta̱mu̱ta̱dde̱n zoz ci u̱du̱wa̱ enne ke̱.