I̱bu̱ru̱ 6:4 - Tennet

^4-6 Anyak ol cik elemtta zoz ci Ta̱mu̱ta̱dde̱no̱ arrak de̱de̱, kar kurubta zoz neci, kar ki̱mi̱rte̱ ki vu̱rru̱t, i̱llo̱i̱ bo̱do̱k gool ci kar ko̱bo̱dda̱i̱ nege kar ki̱mi̱rto̱zi̱k zoz wa een de̱de̱ udut, eci bali arrak aavtte nege vooritene ci Ta̱mu̱ta̱dde̱no̱, atarit nege ma̱yu̱we̱ne̱t cinne abunna, kar Vongizi ci A̱li̱le̱ kabak ngatinne̱ng. Iziyyet nege kaviyak cik abunna Ta̱mu̱ta̱dde̱no̱ a̱du̱wa̱k nogo ko̱ do̱o̱k, eci a̱li̱ngli̱ng zi̱nze̱tti̱nne̱ cigge̱k. A̱gga̱ nege zoz ci a̱ddi̱ki̱re̱ atin a̱kku̱ ke̱. Ming a̱gga̱c nege kaal ne̱ko̱ do̱o̱k, kar ki̱mi̱rte̱ ki vu̱rru̱t, iróng ngen obodak Ta̱mu̱ta̱dde̱n, eci nege a̱ru̱we̱k Ngerrti Ta̱mu̱ta̱dde̱no̱ keet ci een ta̱la̱ke̱c, abarik anyakttak nonno a̱li̱ya̱n orgene ci ollu.

I̱bu̱ru̱ 6:4 Iomraidhean Croise

Ma̱te̱yo̱ 12:45

Imma zin ming uk i̱mi̱re̱, anyaha ki kuulo gonoggi cik een turgerem cik gerzek ommog nonno kar kanyahak e̱e̱t bali ninne ke̱, kar zin ki̱tto̱zo̱ nege do̱o̱k e̱e̱t kar kabaito nga̱to̱de̱. Imma e̱e̱ti̱ neci odoyai zin abarik oroot, kaal cik atin ogone ngati ol cik mu̱nye̱nu̱ bu̱u̱le̱ cu ko̱ ne̱ko̱.”

Ma̱te̱yo̱ 5:13

“Ogonnu niga ki mile ci lo̱o̱tu̱, ma̱i̱je̱ ming amaktali mile, iróng ngen emede. Kogon bo̱do̱k wo̱ye̱ kize mile ku̱, kar kemed? Iróng bo̱do̱k ngen abunna gi̱i̱ye̱ emani, agano ming a̱ju̱ko̱ni̱k tu̱ kar kimice ol.

Kaviyak wak Abunna Ta̱mu̱ta̱dde̱no̱ eher Joni 15:6

Ming iróng e̱e̱ti̱ imma arumonika annit, ogon enne ki alawoci ci u̱ju̱ko̱zi̱k tu̱ kar zin kodok. Idimttai alawo ne̱ko̱, u̱lu̱to̱zi̱k kar zin kutuzze gwo̱o̱ya̱.

Kaviyak wak Abunna Ta̱mu̱ta̱dde̱no̱ eher Joni 3:27

O̱bo̱de̱k zin Joni nogo, a̱nne̱k ne, “Iróng e̱e̱ti̱ ci diiri anyak gi̱i̱ imma, amuda gi̱i̱ necu do̱ ta̱mu̱-kenga.”

Kaviyak wak Abunna Ta̱mu̱ta̱dde̱no̱ eher Joni 4:10

O̱bo̱de̱k zin Ye̱su̱ nonno, izek ne, “Ming aanyi gi̱i̱ gga̱ mucenet ci Ta̱mu̱ta̱dde̱no̱ ki e̱e̱t ci a̱jji̱nni̱ maam ko̱, a̱jji̱nni̱ wo̱ye̱ i̱nna̱ nonno kar kaanyi maam cik rugeto.”

Kaviyak wak Abunna Ta̱mu̱ta̱dde̱no̱ eher Joni 6:32

Izek zin Ye̱su̱ nogo ne, “Ka̱du̱wa̱kku̱ng zoz ci een de̱de̱. Iróng ba̱li̱ye̱ een Muses ci a̱a̱nyu̱ng da̱i̱ne̱t cik a̱vvu̱ ta̱mu̱-kenga, Baatanni ci a̱a̱nyu̱ng da̱i̱ne̱t wak een de̱de̱ a̱vvu̱ ta̱mu̱-kenga.

Buk wa To̱ni̱a̱u̱ 10:45

U̱ku̱lte̱k ol balik a̱tu̱we̱ een Ya̱u̱d etted wucic vi̱ca̱vi̱ca̱ orkora ki Peturu ke̱ je̱e̱n, eci Vongizi ci A̱li̱le̱ i̱ki̱ya̱k ol cik iróng een Ya̱u̱d bu̱k.

Buk wa To̱ni̱a̱u̱ 11:17

Ming aanyik Ta̱mu̱ta̱dde̱n nogo muci necu ele ki i̱yo̱ko̱ naga wak ka̱tu̱ zoz ci Manyi Ye̱su̱ ko̱, ke̱e̱ni̱ anna ngene kar kutubur Ta̱mu̱ta̱dde̱n ko̱?”

Buk wa To̱ni̱a̱u̱ 15:8

Imma Ta̱mu̱ta̱dde̱n wa a̱gga̱ zi̱nze̱tti̱ cik ollu do̱o̱k, i̱ye̱le̱kke̱t agit ngati bali anyike enne ol wak iróng e̱e̱ggi̱n Ya̱u̱d Vongiz ci A̱li̱le̱, ki baling aanyet enne agit ke̱.

Buk wa To̱ni̱a̱u̱ 8:20

O̱bo̱de̱k Peturu nonno: “Anyik bai o̱ro̱bi̱ya̱ cigunnek kiditai ki i̱nne̱t do̱o̱k, eci i̱nna̱ i̱no̱ni̱ azi ne, uuta wo̱ye̱ i̱nna̱ muci ci Ta̱mu̱ta̱dde̱no̱ o̱ro̱bi̱ya̱i̱!

Roma 1:11

Korongi anna oroot kar ki̱ki̱ya̱ kicinung, kar kedemezung arizet ci riili Vongizo, kar okkomit kak,

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

2 Ko̱ri̱nto̱ 4:6

Azi zoz ci Ta̱mu̱ta̱dde̱no̱ ne, “Anyik koor kataran nginti mu̱hu̱ri̱.” Ta̱mu̱ta̱dde̱n ci adiman zoz cinne obod ki Ye̱su̱, ogon ki vooriten ci alanyit zi̱nze̱tti̱nne̱ cigga̱c. U̱tu̱gu̱we̱t Ta̱mu̱ta̱dde̱n zoz necu agit do̱o̱k wak a̱tu̱ Ki̱ri̱sto̱. Ogon niko abunna a̱gga̱yyu̱ ming ovvo acinnu Ye̱su̱, i̱ye̱la̱ bunnat ci Ta̱mu̱ta̱dde̱no̱ ele.

Ga̱la̱ti̱a̱ 3:2

I̱yo̱ko̱, ja ki̱jji̱nnu̱ng zoz co̱de̱: A̱gga̱mtta̱u̱ Vongiz ci A̱li̱le̱ ngati azunnu lo̱ti̱nno̱k cik Musesi? I̱llo̱i̱, a̱gga̱mtta̱u̱ niga Vongiz ci A̱li̱le̱ tu̱we̱nta̱ kaviyak cik abunna obod ki Ye̱su̱.

Ga̱la̱ti̱a̱ 3:5

I̱yo̱ko̱ a̱a̱nyu̱ng Ta̱mu̱ta̱dde̱n Vongiz ci A̱li̱le̱, kar ku̱tu̱gu̱ kaal cik a̱vu̱la̱ orgene cunno̱ng, iróng enne ogon kaal ne̱ke̱ eci niga azunnu lo̱ti̱nno̱k, a̱a̱nyu̱ng eci niga a̱tu̱yyu̱ kaviyak balik iziktu ke̱.

Evesos 1:18

Kalaye anna abunna zi̱nze̱tti̱ cuggo̱k ming o̱o̱ye̱ kar a̱gga̱c zoz ci arikku niga zi̱nze̱tti̱ bali atahalaung enne i̱ge̱t ko̱, eezet ki di̱ngdi̱ngo̱n ci okko Ta̱mu̱ta̱dde̱n aragiz ngati ol wak a̱tu̱ nonno,

Evesos 2:8

Kar zin zo̱ze̱ necu, urubtau niga ruget bunnate ci Ta̱mu̱ta̱dde̱no̱ tu̱we̱nta̱, nonno ci a̱ti̱ri̱zu̱ng oroot kommog baiz cunno̱ng. Een necu muci ci Ta̱mu̱ta̱dde̱no̱ ci aanyik e̱e̱t ci diiri, iróng aanyik go̱o̱le̱ ci ogone e̱e̱ti̱ kaal.

Evesos 3:7

Imma anna bunnate ci a̱ddi̱ki̱re̱ Ta̱mu̱ta̱dde̱no̱ aanya enne ko̱, kiize du̱ca̱i̱t ci kar kuwahek ol kaviyak cik abunna. Aanya enne annit doiz kar ki̱li̱ngli̱ng li̱ngli̱ngo̱n necu.

Evesos 4:7

Ma̱i̱je̱ Ki̱ri̱sto̱ engerek ol deten ci a̱li̱ngli̱nge̱ ngengene baize cinne.

1 Ti̱mo̱te̱yo̱ 4:14

Ma uungi arizet bali aanyi Ta̱mu̱ta̱dde̱n ke̱, bali amuda go̱o̱le̱ ci a̱du̱wa̱ki̱ a̱ri̱to̱i̱ti̱ ci zoz cinne, kar lo̱ddi̱ki̱re̱ cik Ce̱e̱z wa Ta̱mu̱ta̱dde̱no̱ kalayyei Ta̱mu̱ta̱dde̱n.

2 Ti̱mo̱te̱yo̱ 2:25

Abunna ming abariz ol wak adang nonno idic. Icima atin Ta̱mu̱ta̱dde̱n uhu zi̱nze̱tti̱ cigge̱k, kar kutungttek mu̱nye̱n lo̱o̱c, kar ka̱gga̱c zoz wa een de̱de̱.

2 Ti̱mo̱te̱yo̱ 4:14

U̱tu̱gu̱we̱ya̱ bo̱do̱k Alizanduru wa gon u̱u̱rte̱ ko̱ kaal cik gerzek oroot. A̱ru̱k atin Manyi nga̱bo̱lo̱ cinanni do̱ niko.

I̱bu̱ru̱ 10:32

A̱a̱dda̱ i̱i̱nya̱ balik ngen elemannu Ye̱su̱ jor ke̱. Arikku niga zi̱nze̱tti̱ Ta̱mu̱ta̱dde̱n, ming anyak kaal cik anyahakku̱ng piryanzet.

I̱bu̱ru̱ 2:4

I̱ye̱le̱kke̱t Ta̱mu̱ta̱dde̱n ti̱ri̱ze̱ne̱t cu, bali u̱du̱wa̱ Ye̱su̱ ke̱ go̱o̱le̱ ci ogone kaal cik a̱vu̱la̱ kar enne ki̱ye̱la̱ ti̱ri̱ze̱ne̱t cu kaale cik abunna aanyik Vongizi ci A̱li̱le̱ nogo.

1 Jon 5:16

Ming acin e̱e̱ti̱ gooni ci ogon mu̱nye̱n cik wo̱ye̱ iróng anyahak nonno daiz, abunna ming alawek enne nonno Ta̱mu̱ta̱dde̱n kar keela nonno kuruba ruget ci aave udut. Een zoz neci ngati ol wak ogon mu̱nye̱n cik iróng anyaha daiz. Imma mu̱nye̱na̱ cik ogon e̱e̱ti̱ anyaha daiz ko̱, iróng anna kazi ne anyik nonno kala Ta̱mu̱ta̱dde̱n zo̱ze̱ ci mu̱nye̱n cik anyaha daiz ko̱.