Biblia Todo Logo
Bìoball air-loidhne

- Sanasan -




I̱bu̱ru̱ 6:20 - Tennet

20 Aave Ye̱su̱ nginati, uk enne o̱o̱we̱ cinna, i̱i̱zo̱ Ngin neci A̱li̱le̱ Oroot ke̱ zo̱ze̱ cinna. Ize zin enne alaan ci a̱ddi̱ki̱re̱ wawaco udut, ki bali Melchizedek.

Faic an caibideil Dèan lethbhreac




I̱bu̱ru̱ 6:20
20 Iomraidhean Croise  

Baling a̱da̱k Ye̱su̱ Ki̱ri̱sto̱, kitinga daiza kar naga ka̱vvu̱ta̱ labak zo̱ze̱ ci ettedekket Ta̱mu̱ta̱dde̱n lo̱ki̱ko̱, ngene wo̱ye̱ ci anyak komiz ci edezetta? Iróng Ye̱su̱ a̱da̱i̱ zo̱ze̱ cinna do̱, abarik itinga daiza kar ka̱vvu̱ a̱tte̱ ci a̱zzo̱ Ta̱mu̱ta̱dde̱no̱, ngati anyahe enne komiz, alawakket Ta̱mu̱ta̱dde̱n.


Abunna zin kinnat Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. A̱ma̱yu̱kke̱t enne agit bali ta̱mu̱-kenga ngati i̱tto̱na̱ne̱ Ki̱ri̱sto̱ kar kurubta ma̱yu̱we̱ne̱t ci Vongizo zo̱ze̱ cinne.


I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.


Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.


E̱e̱ggi̱n kaala do̱o̱k cik Ta̱mu̱ta̱dde̱no̱, nonno ci adiman kaal ne̱ko̱ doize cinne. Idiman Ta̱mu̱ta̱dde̱n gi̱i̱ ci abunna ngati aanyik Ye̱su̱ kubunna ngati apirnane keete ci een ta̱la̱ke̱c, baling i̱ti̱ri̱z enne dooli cik Ta̱mu̱ta̱dde̱no̱ cik kelemtta nonno kar kozolit di̱ngdi̱nga̱ni̱ne̱t ci Ta̱mu̱ta̱dde̱no̱.


Atubuz Ta̱mu̱ta̱dde̱n Ye̱su̱ ki ol cik diirik do̱o̱k, kar ki̱li̱ngli̱nge̱k Ta̱mu̱ta̱dde̱n kize alaan ci a̱ddi̱ki̱re̱ wawaco abunna arik zinin nonno, uuwa atin ol cik Ta̱mu̱ta̱dde̱no̱, kar zin kaanyik ele cinne kize wawac ci alalnek ol mu̱nye̱n.


Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.


I̱yo̱ko̱ zin, kanyak naga alaan ci a̱ddi̱ki̱re̱ wawaco, een enne Ye̱su̱, Ngerrti Ta̱mu̱ta̱dde̱no̱ bali okko ta̱mu̱-kenga ke̱. Abunna zin ming kazunne tu̱we̱ne̱t cinna wa bali obod ki nonno.


Aanyik zin Ta̱mu̱ta̱dde̱n nonno ku̱tu̱gu̱ ki bali alaani ci a̱ddi̱ki̱re̱ wawaco ki bali Melchizedei.


Ize zin Ta̱mu̱ta̱dde̱n buwe emani ne, “E̱e̱ni̱ i̱nna̱ e̱e̱t ci wawaco ci aave udut, ki bali e̱e̱ti̱ ci wawaco wa een Melchizedek ke̱.”


Ungec ci kaal cik riili ka̱du̱wa̱nna̱ ko̱ iciko: Kanyak naga do̱o̱k alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ta̱mu̱-kenga, a̱vvu̱ lo̱o̱ta̱ a̱tte̱ ci Ta̱mu̱ta̱dde̱n a̱zzo̱ ta̱mu̱-kenga,


Iróng zin enne i̱i̱zo̱ Ngin wa A̱li̱le̱ Oroot ko̱ gi̱i̱ye̱ ci apahek eeza ki maala ngati aparanek Ta̱mu̱ta̱dde̱n bi̱ye̱. I̱tto̱ Ye̱su̱ ngin neci lak co̱de̱ ngati a̱da̱kne̱, uddutai bi̱ye̱ta̱ ciginnek keete wa een ta̱la̱ke̱c, kar kaara mu̱nye̱n cigga̱c udut.


Ngen Ki̱ri̱sto̱ ki̱tto̱ nginti A̱li̱le̱ Oroot adiman e̱e̱ti̱ ci diiri, i̱ya̱kzo̱ni̱k ngin neci nginti aave ta̱mu̱-kenga, i̱tto̱ zin enne ta̱mu̱-keng okko ngati Ta̱mu̱ta̱dde̱no̱ zo̱ze̱ cinna.


I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.


Dooli wagannik tu̱we̱nta̱, keherakkung anna i̱ge̱ta̱ eci Ta̱mu̱ta̱dde̱n i̱ti̱vi̱la̱ mu̱nye̱n cuggo̱k zo̱ze̱ ci zar cik Ki̱ri̱sto̱.


Lean sinn:

Sanasan


Sanasan