I̱bu̱ru̱ 6:2 - Tennet

² ka̱gga̱ naga zoz ci a̱gga̱me̱ ol ba̱ti̱ti̱mo̱ ki azzin cik a̱ta̱dde̱k o̱o̱tti̱ cik ollu alawek Ta̱mu̱ta̱dde̱n ka̱mu̱yu̱k nogo, ki zoz ci ingane enne ol daiza, kar bo̱do̱k enne kettedek ol lo̱ki̱ko̱ ci aave udut.

I̱bu̱ru̱ 6:2 Iomraidhean Croise

Ma̱te̱yo̱ 28:19

I̱yo̱ko̱, oot ngati ol cik lo̱o̱tu̱ do̱o̱k komize cinanni, aanycik booryyok do̱o̱k kizeto nuyak, a̱gga̱mte̱k nogo ba̱ti̱ti̱mo̱ zare cik Baba ki cik Ngerinne ki Vongiz ci A̱li̱le̱,

Ma̱te̱yo̱ 3:14

Baling okko Joni acin nonno, utubur iróng ngen orong kar ka̱gga̱me̱k nonno ba̱ti̱ti̱mo̱, azi ne, “Korongi anna abunna ming a̱gga̱me̱ka̱ i̱nna̱ annit ba̱ti̱ti̱mo̱, abarik i̱nna̱ a̱kku̱nna̱ka̱ annita?”

Marko 16:16

Ming elemna e̱e̱ti̱ imma kar ka̱gga̱mo̱zi̱k nonno ba̱ti̱ti̱mo̱, a̱ti̱ri̱z atin Ta̱mu̱ta̱dde̱n nonno. Ma̱i̱je̱ e̱e̱ti̱ ci iróng elemi, ettedozik nonno lo̱ki̱ko̱.

Marko 7:4

Ming a̱vvu̱ gon nege cuwa, uuny nege arrak kaal ne̱ke̱ ming ngen nege kadait. Azunne nege keerani u̱gge̱ cik meelek, tunyenet uduce cik maamu, ki kaal cik aintak.

Marko 7:8

Utunget nege ti̱lo̱wi̱ne̱t ci Ta̱mu̱ta̱dde̱no̱, u̱zu̱tte̱ abarik keerani cik ol cik diirik.”

Lu̱ka̱ 11:38

Ma̱i̱je̱ e̱e̱ti̱ ci een Varacis ko̱, icin ming ngen Ye̱su̱ kutuny azzin ming ngen kadaho, u̱ku̱le̱k zin enne je̱e̱n.

Lu̱ka̱ 12:50

Abarik anna kanyai zoz ci a̱u̱ce̱ ci okko atin a̱kku̱nna̱ka̱ annita, abile zin zinin cinanne je̱e̱na̱ zee kedecai zoz necu.

Lu̱ka̱ 14:14

kar atin i̱nna̱ ma̱yu̱we̱. Ming iróng nege wo̱ye̱ a̱ru̱k nga̱bo̱lo̱, okko atin Manyi a̱ru̱we̱ki̱ nga̱bo̱lo̱ ming ovvo atin ol cik abunna ingazi daiza.”

Lu̱ka̱ 3:16

Abarizek zin Joni nogo, “Ka̱gga̱me̱kku̱ng anna i̱ge̱ta̱ ba̱ti̱ti̱mo̱ maame. Ma̱i̱je̱ ngatu anyak e̱e̱t co̱de̱ ci ommogja annita, a̱kku̱ atin, iróng anna kuuli kar keceb baru cik caava ciginnek. A̱gga̱me̱kku̱ng atin enne i̱ge̱t ba̱ti̱ti̱mo̱ Vongize ci A̱li̱le̱ ki gwo̱o̱ya̱.

Kaviyak wak Abunna Ta̱mu̱ta̱dde̱no̱ eher Joni 1:33

Iróng wo̱ye̱ da̱ ka̱gga̱ nonno ming iróng a̱du̱wa̱ka̱ e̱e̱ti̱ bali i̱tto̱na̱na̱ ki̱ki̱ya̱ ka̱gga̱me̱k ol ba̱ti̱ti̱mo̱ maame ke̱. A̱nne̱ka̱ ne, ‘E̱e̱t ci acinni alucak Vongizi ci Ta̱mu̱ta̱dde̱no̱ nonno ke̱, kar ki̱tta̱k nonno, a̱gga̱me̱k atin enne ol ba̱ti̱ti̱mo̱ Vongize ci A̱li̱le̱.’

Kaviyak wak Abunna Ta̱mu̱ta̱dde̱no̱ eher Joni 5:29

kar zin kiyokta ilomete. Ingazi ol wak a̱da̱i̱to̱ u̱tu̱gu̱zzo̱ ju̱rru̱m kuruget udut, imma ol wak u̱tu̱gu̱zzo̱ kaal cik gerzek ingazi daiza kar Ta̱mu̱ta̱dde̱n ketted lo̱ki̱ko̱ cinne̱ng.

Buk wa To̱ni̱a̱u̱ 10:47

“I̱llo̱i̱ wo̱ye̱ e̱e̱t imma ci alam ol ciko ngati a̱gga̱me̱ ba̱ti̱ti̱mo̱ maame. I̱ki̱ya̱k Vongizi ci A̱li̱le̱ nogo ki i̱yo̱ko̱ ming kanyak naga ko̱.”

Buk wa To̱ni̱a̱u̱ 13:3

Baling ovvo nege edeca i̱ya̱wi̱ne̱t ki lawinet, a̱ta̱dde̱k azzin nogo kar zin ki̱tto̱nni̱t koot.

Buk wa To̱ni̱a̱u̱ 16:15

Baling a̱gga̱mte̱k nege nonno ki ol cik ce̱e̱z cinne do̱o̱k ba̱ti̱ti̱mo̱, utuwet zin enne agita ce̱e̱ze̱ cinne. A̱nne̱kke̱t ne, “Ming aanyang niga annit kize e̱e̱t ci a̱tu̱ Manyi Ye̱su̱, i̱vi̱ta̱ a̱vvu̱t ce̱e̱ze̱ cinanni.” Kelemtta naga zoz cinne, kar ko̱o̱tta̱ i̱ye̱ niko.

Buk wa To̱ni̱a̱u̱ 16:33

Imma ba̱a̱li̱n neci ele, utuny ddi̱ki̱ryo̱i̱ti̱ ngoddocet cigge̱k, kar nege ka̱gga̱mte̱k nonno ba̱ti̱ti̱mo̱ ki ol ciginnek do̱o̱k.

Buk wa To̱ni̱a̱u̱ 17:18

A̱ka̱tte̱ zin koole ci Epicurean ki Stoic wak a̱gga̱ zoz ko̱ adangto ki nonno. I̱jji̱nto̱ uggak ngatinne̱ng, “Orong e̱e̱ti̱ ci ozoz darace ko̱ kize ne?” Ovvo uggak azi ne, “Ogon ki e̱e̱ti̱ ci ozoz ta̱mu̱ta̱dde̱ne̱t cik i̱do̱ngi̱nnu̱.” A̱du̱wa̱ nege zoz necu eci Pa̱u̱lo̱ uwahek ol kaviyak cik abunna obod ki Ye̱su̱ ki ngazi daiza.

Buk wa To̱ni̱a̱u̱ 2:38

Iizek zin Peturu nogo ne, “Uturtta mu̱nye̱n cuggo̱k do̱o̱k kar a̱gga̱mi̱t ba̱ti̱ti̱mo̱ zare wak Ye̱su̱ Ki̱ri̱sto̱, kar atin Ta̱mu̱ta̱dde̱n kalaleung mu̱nye̱n cuggo̱k. Kar atin niga u̱mu̱dda̱ muci ci Vongiz ci A̱li̱le̱.

Buk wa To̱ni̱a̱u̱ 2:41

Imma zin ol balik elemtta kaviyak ciginnek ko̱, a̱gga̱mto̱zi̱k nogo ba̱ti̱ti̱mo̱, e̱e̱ggi̱n wo̱ye̱ nege i̱bbo̱nge̱t i̱i̱yo̱ (3,000), otortozik nege ol cik a̱tu̱we̱ i̱i̱te̱ne̱ neci.

Buk wa To̱ni̱a̱u̱ 23:6

A̱gga̱ Pa̱u̱lo̱ e̱e̱ggi̱n ol ciko uggak Saddocis, ovvo uggak e̱e̱ggi̱n Varacis, egerenyik olli lo̱ki̱ko̱, a̱nne̱k ne, “Gotonogga, ke̱e̱ni̱ anna Varacis, ngerrti Varacisoc. Kabili anna lo̱ki̱ka̱, eci karik anna zinin ngazi ci atin ingane ol wak a̱da̱i̱to̱.”

Buk wa To̱ni̱a̱u̱ 24:15

karik anna zinin cinanni Ta̱mu̱ta̱dde̱n ki i̱yo̱ko̱ ol ciko, zoz wa azi ne, ingazi atin ol do̱o̱k wak abunna ki wak gerzek daiza.

Buk wa To̱ni̱a̱u̱ 24:21

a̱du̱wa̱ wo̱ye̱ nege gi̱i̱ co̱de̱ ko̱, kawalwala bali anna ngu̱me̱ cinne̱ng lo̱ki̱ka̱, ka̱nne̱k nogo ne, ‘Kabili lo̱ki̱ka̱ zo̱ze̱ ci ol cik a̱da̱i̱ ovvo atin ingazi daiza.’”

Buk wa To̱ni̱a̱u̱ 24:25

Ma baling ozoz Pa̱u̱lo̱ zoz ci obod ki bunnat, ki zoz ci anyahe ol urutoit baiza, ki lo̱ki̱ko̱ ci atin a̱kku̱, o̱to̱ngo̱o̱le̱ zin Ve̱li̱ce̱ lo̱o̱c kar zin kize ne, “Ke̱le̱zo̱wa̱ anna ki zoz cunne i̱yo̱ko̱! Okko wo̱ye̱ i̱nna̱ labak. Ming karuba anna i̱i̱te̱n, kawuyi wo̱ye̱ atin anna i̱nne̱t dee.”

Buk wa To̱ni̱a̱u̱ 26:8

Nyaa ming odoi zi̱nze̱tti̱ cuggo̱k ko̱, ming ingane Ta̱mu̱ta̱dde̱n ol wak a̱da̱i̱to̱ daiza ko̱?

Buk wa To̱ni̱a̱u̱ 4:2

O̱mo̱zze̱ bali nege oroot eci Peturu ki Jon wak e̱e̱ggi̱n to̱ni̱a̱k ko̱ edemez ol azi ne, ingazi atin ol daiza ki bali ming ingazi Ye̱su̱ ke̱.

Buk wa To̱ni̱a̱u̱ 6:6

Anyakttak ol ne̱ko̱ to̱ni̱a̱k, kar nege kalayek nogo Ta̱mu̱ta̱dde̱n ngati atadek azzin.

Roma 2:16

Ming okko atin Ta̱mu̱ta̱dde̱n ettedik ol lo̱ki̱ko̱, i̱tto̱na̱ atin enne Ye̱su̱ Ki̱ri̱sto̱ kettedik ol lo̱ki̱ko̱ kaale cik ogon nege lo̱mu̱k ki i̱yo̱ko̱ ming e̱he̱rye̱ warage cu ko̱.

1 Ko̱ri̱nto̱ 10:2

E̱e̱ggi̱n nege do̱o̱k nuyak cik Musesi, a̱gga̱mto̱zi̱k zin nogo ba̱ti̱ti̱mo̱ di̱i̱za̱ ki nyatapara.

1 Ko̱ri̱nto̱ 12:13

Kogon naga bu̱k niko. A̱gga̱mto̱zi̱k ba̱li̱ye̱ ol ba̱ti̱ti̱mo̱ Vongize co̱de̱ ki ele co̱de̱, ming e̱e̱ggi̱nnu̱ Ya̱u̱d icima Gi̱ri̱k, ol cik e̱e̱ggi̱n du̱cca̱k icima ol cik iróng e̱e̱ggi̱n du̱cca̱k. Abarik Vongizi ci Ta̱mu̱ta̱dde̱no̱ a̱gga̱me̱t ba̱ti̱ti̱mo̱ eliye ci Ki̱ri̱sto̱, Vongize co̱de̱. I̱yo̱ko̱ kaude naga do̱o̱k Vongize co̱de̱.

2 Ko̱ri̱nto̱ 5:10

Korong zin naga do̱o̱k ol cik a̱tu̱we̱ abunna kogon kaal cik abunna, eci anyak i̱i̱te̱n imma ci kovvo kabile lo̱ki̱ko̱ ci okko Ki̱ri̱sto̱ ettedekket ba̱ci̱nno̱k cik kabaci naga baling ngen karuge lo̱o̱ta̱ ngatu, icima abunna icima gerza.

Vilipia 3:21

Anyak enne doiz kaale do̱o̱k, kar zin kabal kaal do̱o̱k, uhu atin enne e̱le̱tti̱ cigga̱c gerzek ko̱ ku̱tu̱gu̱ ki ele cinne ci anyak di̱ngdi̱ngo̱n ko̱.

Kolosiya 2:12

Eci ogon ki ci a̱da̱yo̱zi̱u̱ng ol lo̱o̱k ki bali Ki̱ri̱sto̱ ngati a̱gga̱mnyu̱ niga ba̱ti̱ti̱mo̱, kar itingta ki nonno daiza tu̱we̱nta̱ doize ci Ta̱mu̱ta̱dde̱no̱ bali ingane nonno daiza ke̱.

2 Ti̱mo̱te̱yo̱ 2:18

cik utunget abarik zoz wa Ta̱mu̱ta̱dde̱no̱ een de̱de̱, i̱ti̱ktte̱ ol tu̱, kar kegerezanit tu̱we̱ne̱t cinne̱ng ngati edemzeke ol zoz ci azi ne, itingazzo abarik ol wak a̱da̱i̱to̱ daiza.

I̱bu̱ru̱ 11:35

Imma bali gi̱i̱ye̱ neci, icinnet ngaai uggak wak a̱tu̱we̱ ol cigge̱k ming obodai Manyi daiza. Ma̱i̱je̱ ngatu, i̱gi̱dde̱ ol uggak, abure ngati odotik zoz ci Ta̱mu̱ta̱dde̱no̱ lo̱o̱c, kar ol ne̱ke̱ koogtta nogo. Aartik nege zi̱nze̱tti̱ baiz ci abunna oroot a̱kku̱ atin vu̱rrta̱ ngati itingazze ol daiza.

I̱bu̱ru̱ 9:10

Eci gool ci unuk ogone nege kaal ko̱ een da̱i̱ne̱t, ki gool ci aburuce nege e̱le̱tti̱. Ogon nege kaal ne̱ko̱ zee ki̱ki̱ya̱ i̱i̱te̱ni̱ ci een jor ming okko Ye̱su̱ anyaha olom ci een jor, kar ku̱tu̱gu̱zzo̱ keer neci go̱o̱le̱ ci aave do̱.

2 Peturu 3:7

Abarik zin Ta̱mu̱ta̱dde̱n aanyik lo̱o̱c cu ki ta̱mu̱-keng ka̱vvu̱to̱ zee ki̱ki̱ya̱ i̱i̱te̱ni̱ ci okko enne ettede lo̱ki̱ko̱. Kar zin atin enne kakatek gwo̱o̱, kar kidita ol do̱o̱k wak iróng a̱tu̱ zoz cinne.