I̱bu̱ru̱ 6:19 - Tennet

¹⁹ Aanyyet zoz ci u̱du̱wa̱ Ta̱mu̱ta̱dde̱n ko̱ komiz. Okko zoz neci rok ru̱u̱m ci enger Ce̱e̱z wa Ta̱mu̱ta̱dde̱no̱ Ngati A̱li̱le̱ Oroot.

I̱bu̱ru̱ 6:19 Iomraidhean Croise

Ma̱te̱yo̱ 27:51

Imma i̱i̱te̱n neci a̱da̱kne̱ Ye̱su̱ ke̱, erece ru̱u̱m ci gon enger Ce̱e̱z wa Ta̱mu̱ta̱dde̱no̱ orgena ecito, akane ta̱dde̱na̱ kuk rok lo̱o̱c. Otomowe looci kize ki̱rki̱ri̱k, apakte biyena.

Buk wa To̱ni̱a̱u̱ 23:6

A̱gga̱ Pa̱u̱lo̱ e̱e̱ggi̱n ol ciko uggak Saddocis, ovvo uggak e̱e̱ggi̱n Varacis, egerenyik olli lo̱ki̱ko̱, a̱nne̱k ne, “Gotonogga, ke̱e̱ni̱ anna Varacis, ngerrti Varacisoc. Kabili anna lo̱ki̱ka̱, eci karik anna zinin ngazi ci atin ingane ol wak a̱da̱i̱to̱.”

Buk wa To̱ni̱a̱u̱ 27:29

O̱to̱ngo̱o̱ltte̱ nege okko wo̱ye̱ i̱bo̱ ovocek ele biyen, u̱ju̱ktte̱k kaal cik a̱di̱ngdi̱nge̱ ki biyena cik een we̱c kar zin kecebtek i̱bo̱ abunna ming abile maame, kar zin nege kalac Ta̱mu̱ta̱dde̱n zee ba̱a̱li̱n do̱o̱k kaala looci.

Buk wa To̱ni̱a̱u̱ 27:40

Etteddit zin baru ne̱k a̱gga̱m kaal wak a̱di̱ngdi̱nge̱ aanyik i̱bo̱ kibil ko̱, kar kutungttek maam kar bo̱do̱k koogit gi̱i̱ ci amacuce nege i̱bo̱ ko̱. Odongit zin ru̱u̱m ci a̱ddi̱ki̱re̱ aave i̱bo̱wa̱ ta̱dde̱na̱ kar ku̱vu̱wa̱n ngooti i̱bo̱ kuk ti̱ti̱ma̱.

Roma 4:16

U̱du̱wa̱ Ta̱mu̱ta̱dde̱n, a̱mu̱yu̱k atin enne ol wak a̱tu̱ nonno, eci enne i̱i̱rke̱, anyak deten, irez ol, iróng een zo̱ze̱ ci azunne nege lo̱ti̱nno̱k. Ming anyak e̱e̱ti̱ tu̱we̱ne̱t ki ci Aburahami, a̱mu̱yu̱k atin Manyi nonno, iróng een ol wak azunne lo̱ti̱nno̱k do̱, abarik ki ol wak a̱tu̱ Ta̱mu̱ta̱dde̱n ki Aburahami, wa een be̱e̱ti̱nna̱ tu̱we̱nta̱.

Roma 4:18

U̱du̱wa̱k Ta̱mu̱ta̱dde̱n Aburaham zoz ci okko enne een be̱e̱ti̱ i̱do̱ngi̱ cik meelek, ming acin ize enne ma̱ti̱yo̱c nu̱nu̱n, ngen Aburahami arike zinin Ta̱mu̱ta̱dde̱n dee, ki baling u̱du̱ya̱i̱ ke̱, “I̱yo̱ko̱ zin ovvo atin dooli cigunnek e̱e̱ggi̱n niko.”

Roma 5:4

okko nimenet no̱ngi̱tto̱n amad e̱e̱t ju̱rru̱m, kar kaanyyet kartik zi̱nze̱tti̱ Ta̱mu̱ta̱dde̱n.

1 Ko̱ri̱nto̱ 13:13

I̱yo̱ko̱ anyak zin tu̱we̱ne̱t, ki zinin ci erewe gi̱i̱ imma ngati Ta̱mu̱ta̱dde̱no̱ ki rezinet zinine cunne. Ma̱i̱je̱ kaale ne̱k e̱e̱ggi̱n i̱i̱yo̱ ko̱, rezinet ci a̱ddi̱ki̱re̱ kommog veelek.

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

Evesos 2:6

Ma zin i̱yo̱ko̱ kurumtozik naga ki Ye̱su̱ bali itingawe Ta̱mu̱ta̱dde̱n nonno daiza ke̱. Kar kaanyyet nginti aave ojonun ki Ye̱su̱ Ki̱ri̱sto̱, ta̱mu̱-kenga.

Kolosiya 1:27

Ogon Ta̱mu̱ta̱dde̱n niko eci enne orong ki̱ye̱le̱k ol wak iróng een Ya̱u̱d zoz cinne a̱lu̱ngnye̱ ko̱, nonno ci een Ki̱ri̱sto̱ ci abak ngatinno̱ng, nonno ci karike naga zi̱nze̱tti̱ kar kurubta di̱ngdi̱ngo̱n ci Ta̱mu̱ta̱dde̱no̱.

Kolosiya 3:1

A̱gga̱yyu̱ itingtau niga ki Ki̱ri̱sto̱ daiza, abunna ming arikku zi̱nze̱tti̱ cuggo̱k kaal cik aavtte ta̱mu̱-kenga, ngati aave Ki̱ri̱sto̱ a̱tte̱ ci a̱zzo̱ Ta̱mu̱ta̱dde̱no̱ ngati doizo.

2 Ti̱mo̱te̱yo̱ 2:19

Imma ol wak okkomi zo̱ze̱ ci Ta̱mu̱ta̱dde̱no̱ kak, iróng omoti. E̱he̱rye̱ zoz neci azi ne, “A̱gga̱ Manyi ol wak a̱tu̱ nonno.” Kar zin bo̱do̱k kize ne, “Ming orong e̱e̱ti̱ ku̱tu̱ Ye̱su̱, abunna ming uungnek mu̱nye̱n lo̱o̱c.”

I̱bu̱ru̱ 4:16

Koot zin naga do̱o̱k rok Manyi Ta̱mu̱ta̱dde̱n ngati iróng ko̱ngo̱o̱li̱ne̱ gi̱i̱ imma kar kaanyyet deten, kar kurubta bunnat kar keelawet agit do̱o̱k i̱i̱te̱ne̱ ci koronge naga kaal.

I̱bu̱ru̱ 9:3

Anyak ru̱u̱m ci enger nginti o̱o̱wu̱ ko̱ ngati een rama ko̱, kar nginti een rama ko̱ een zara Nginti A̱li̱le̱ Oroot.

I̱bu̱ru̱ 9:7

I̱i̱zo̱ alaani ci a̱ddi̱ki̱re̱ wawaco do̱ Nginti A̱li̱le̱ Oroot lak co̱de̱ e̱rki̱ta̱, kar kanyaha bi̱ye̱ kaparanek Ta̱mu̱ta̱dde̱n kize gi̱i̱ ci aara mu̱nye̱n ciginnek ki cik ollu do̱o̱k, ogon nege ngati iróng a̱gga̱we̱.

1 Peturu 1:3

Kinnatit Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. Aanyyet enne agit ti̱ra̱ne̱t ci een jor detente cinne a̱ppwe̱ ci karike naga zi̱nze̱tti̱ go̱o̱le̱ ci ingane Ye̱su̱ Ki̱ri̱sto̱ daiza.