I̱bu̱ru̱ 5:8 - Tennet

⁸ Ming een Ye̱su̱ Ngerrti Ta̱mu̱ta̱dde̱no̱ nu̱nu̱n, edemez enne gool ci azunne ol zoz ci Ta̱mu̱ta̱dde̱no̱ gi̱de̱nte̱ bali apirnane enne ke̱.

I̱bu̱ru̱ 5:8 Iomraidhean Croise

Ma̱te̱yo̱ 3:15

A̱nne̱k Ye̱su̱ nonno ne, “Ma aburi, abunna kogon naga gi̱i̱ necu kar ku̱tu̱gu̱we̱ bunnati ci Ta̱mu̱ta̱dde̱no̱ olle do̱o̱k.” Elema zin Joni zoz neci.

Kaviyak wak Abunna Ta̱mu̱ta̱dde̱no̱ eher Joni 10:18

I̱llo̱i̱ e̱e̱t ci okkoye ruget ngatinanni. Annit do̱ ci kanyike ele cinanni daiz. Kanyike anna ele daiz zinine cinanni. Kanyai doiz ci kanyike ele cinanni, kanyai doiz ci ka̱mi̱re̱ne̱ ele cinanni. Een zin icu zoz ci erecaneka Baba annit kar ku̱tu̱gu̱.”

Kaviyak wak Abunna Ta̱mu̱ta̱dde̱no̱ eher Joni 15:10

Ming azunnu niga lo̱ti̱nno̱k cigannik, odokta niga bu̱k rezinte cinanni, ki i̱yo̱ko̱ ming kazunne anna lo̱ti̱nno̱k wak Baba kar zin kodowa rezinte wainne ko̱.

Kaviyak wak Abunna Ta̱mu̱ta̱dde̱no̱ eher Joni 4:34

Ize Ye̱su̱ ne, “Een da̱i̱ne̱t cigannik li̱ngli̱ngo̱n ci e̱e̱t bali i̱tto̱na̱na̱ ke̱, kar ku̱tu̱gu̱ bak kedeca.

Kaviyak wak Abunna Ta̱mu̱ta̱dde̱no̱ eher Joni 6:38

Ka̱kku̱ni̱ la̱du̱n ta̱mu̱-kenga iróng kokko kogonni gi̱i̱ ci korongi anna, abarik kokko kogonni gi̱i̱ ci orong Baatanni bali i̱tto̱na̱na̱ ke̱.

Vilipia 2:8

Ogon bali enne ki e̱e̱ti̱ ci diiri, obodane enne ele cinne kar kelema daiz rok keete wa een ta̱la̱ke̱c!

I̱bu̱ru̱ 1:2

Imma zin i̱yo̱ko̱ ko̱, i̱tto̱na̱e̱t Ta̱mu̱ta̱dde̱n Ngerinne ki̱ki̱ya̱ kanyahaet kaviyak cik abunna. Eenyca Ta̱mu̱ta̱dde̱n lo̱o̱c ki ta̱mu̱-keng do̱o̱k ngati Ngerinne. Een atin kaala do̱o̱k cik Ngerinne.

I̱bu̱ru̱ 1:5

Ngen Ta̱mu̱ta̱dde̱n i̱i̱te̱n imma kizek anjilo co̱de̱ anjilonyai ne, “E̱e̱ni̱ i̱nna̱ Ngeranni; kiize anna wazin cu Baatunne.” Icima bo̱do̱k, a̱nne̱k anjilonya u̱gge̱ ngatinne̱ng ne, “Ke̱e̱ni̱ anna Baatunne, Okko i̱nna̱ e̱e̱ni̱ Ngeranni.”

I̱bu̱ru̱ 1:8

Abarik Ta̱mu̱ta̱dde̱n ozoz zoz ci obod ki Ngerinne, azi ne, “E̱e̱ni̱ i̱nna̱ Ta̱mu̱ta̱dde̱n, abali atin lo̱o̱c ize alaan ci abak udut! Okko alaanzet cunne apahek ol lo̱ki̱ko̱ ju̱rru̱m.

I̱bu̱ru̱ 3:6

Ma̱i̱je̱ Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ odohize a̱li̱ngli̱nge̱k ol cik Ta̱mu̱ta̱dde̱no̱. Ke̱e̱ggi̱n naga Ce̱e̱z wa Ta̱mu̱ta̱dde̱no̱, ming karike naga zi̱nze̱tti̱ zoz Ta̱mu̱ta̱dde̱no̱ kere naga ko̱.