I̱bu̱ru̱ 5:7 - Tennet

⁷ Baling ngen Ye̱su̱ abak lo̱o̱ta̱ ngatu, ala enne Ta̱mu̱ta̱dde̱n ilalek ki̱vi̱ta̱ ti̱la̱lo̱. Ta̱mu̱ta̱dde̱n ci eela nonno daiza. Izik zin u̱lu̱wa̱ cinne eci enne elema kar ku̱tu̱gu̱ zoz ci a̱du̱wa̱k Ta̱mu̱ta̱dde̱n nonno.

I̱bu̱ru̱ 5:7 Iomraidhean Croise

Ma̱te̱yo̱ 27:46

Baling okko i̱i̱ iginge yo̱mo̱na̱, u̱tu̱lu̱ Ye̱su̱ muluwe ci a̱ppwe̱, “Eloi, Eloi, lama sabachthani?” Azi ungec ci zoz necu ne, “Ta̱mu̱ta̱dde̱n wananni ye̱i̱, Ta̱mu̱ta̱dde̱n wananni ye̱i̱, utungeya i̱nna̱ annit lo̱o̱c nya?”

Ma̱te̱yo̱ 27:50

Baling u̱tu̱lu̱ Ye̱su̱ bo̱do̱k oroot, kar zin ketteda zinin niko uk vongizi ngati Ta̱mu̱ta̱dde̱no̱.

Marko 15:34

Baling ize koor i̱i̱yo̱, egereny zin Ye̱su̱ oroot muluwe ci a̱ppwe̱, “Eloi, Eloi, lama sabachthani?” Azi ungec ci zoz necu ne, “Ta̱mu̱ta̱dde̱n wananni ye̱i̱, Ta̱mu̱ta̱dde̱n wananni ye̱i̱, utungeya i̱nna̱ annit lo̱o̱c nya?”

Marko 15:37

U̱tu̱lu̱ Ye̱su̱ oroot, etteda zin zinin.

Lu̱ka̱ 23:46

Utuwe zin Ye̱su̱ egereny muluwe ci a̱ppwe̱, “Baba! Karike anna a̱zzi̱t cunne vongiz cinanni.” Baling u̱du̱wa̱ enne zoz necu, etteda zin zinin.

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 11:35

U̱tu̱lu̱ zin Ye̱su̱.

Kaviyak wak Abunna Ta̱mu̱ta̱dde̱no̱ eher Joni 11:42

Ka̱gga̱ gon niko ming aziknan, ka̱du̱wa̱ zin zoz necu kar kiziyet ol cik abile ngatu ko̱, kar kelemtta ming een i̱nne̱t ci i̱tto̱na̱na̱n.”

Kaviyak wak Abunna Ta̱mu̱ta̱dde̱no̱ eher Joni 17:1

Baling u̱du̱wa̱ Ye̱su̱ zoz necu, icin ta̱mu̱-keng kar kalawo, ize ne: “Baba, i̱ki̱ya̱ i̱i̱te̱ni̱ wa ovvo ol ododoya annit ta̱la̱ke̱ca̱, kar ku̱bu̱lte̱ zara cik Ngerunne kar zin bo̱do̱k Ngerunne kanyik zar cigunnek ku̱bu̱lte̱.

Roma 8:3

Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.

Ga̱la̱ti̱a̱ 4:4

Baling utube i̱i̱te̱ni̱ ci odola Ta̱mu̱ta̱dde̱n, i̱tto̱na̱ zin Ngerinne, a̱rri̱ta̱i̱ ngati e̱e̱t ci diiri, kar enne bu̱k ko̱to̱ngo̱o̱le̱ lo̱ti̱nno̱k.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

I̱bu̱ru̱ 10:10

U̱tu̱gu̱ zin enne gi̱i̱ ci orong Manyi nonno ku̱tu̱gu̱, aanyik zin Ye̱su̱ Ki̱ri̱sto̱ ele cinne kize wawac ci aara ol mu̱nye̱n ne lai, lak co̱de̱, kizeto caale paz.

I̱bu̱ru̱ 10:5

Baling i̱ki̱ya̱k Ye̱su̱ Ki̱ri̱sto̱ lo̱o̱c kar kizek Ta̱mu̱ta̱dde̱n ne, “Iróng i̱nna̱ orongi kaal cik kapahekin, abarik i̱nna̱ aanya annit ele;

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

I̱bu̱ru̱ 12:28

I̱yo̱ko̱ zin, abunna zin kanyike Ta̱mu̱ta̱dde̱n zany ngati kalawe nonno eci enne aanyyet ba̱a̱li̱ne̱t ci iróng omoti.

I̱bu̱ru̱ 13:20

Anyik bai Ta̱mu̱ta̱dde̱n ci gon a̱a̱nyu̱ng gano, go̱o̱le̱ ci bi̱ye̱ cik Ye̱su̱ ci een olom ci aave udut ko̱, bali obodai Manyi Ye̱su̱ daiza, Tuwayoit ci a̱ddi̱ki̱re̱ ommog veelek,

I̱bu̱ru̱ 2:14

Ke̱e̱ggi̱n naga ol cik diirik, een Ye̱su̱ bu̱k e̱e̱t ci diiri. Gool zin ci a̱kku̱na̱ke̱t Ye̱su̱ agit ko̱ necu, kar ki̱ki̱ya̱ ka̱da̱k kommog lo̱rye̱ni̱t ci anyak komiz ci daizo.

1 Jon 4:3

Ma̱i̱je̱ vongizi ci iróng elemi ming a̱kku̱ Ye̱su̱ ngati Ta̱mu̱ta̱dde̱no̱, iróng vongizi neci een ci Ta̱mu̱ta̱dde̱no̱. Abarik vongizi neci een mo̱dde̱ni̱t ci Ki̱ri̱sto̱ bali iziktu niga okko atin a̱kku̱. A̱vvu̱ zin enne lo̱o̱ta̱ ngatu la̱du̱n.

2 Jon 1:7

Anyak volongnyok cik meelek azantozik lo̱o̱c, iróng nege elemi ming een Ye̱su̱ Ki̱ri̱sto̱ e̱e̱t ci diiri. A̱ti̱ye̱ nege ol tu̱, e̱e̱ggi̱n nege mo̱ddo̱ cik Ki̱ri̱sto̱.