I̱bu̱ru̱ 5:12 - Tennet

¹² I̱yo̱ko̱ zin, a̱gga̱yyu̱ wo̱ye̱ ette niga zoz ci Ta̱mu̱ta̱dde̱no̱ ju̱rru̱m kar edemezit ol u̱gge̱. Abarik niga orongnyu e̱e̱t imma ci kar kedemezung zoz ci Ta̱mu̱ta̱dde̱no̱ bo̱do̱k. Ogonnu niga ki dooli cik ngen idice, ngen aud i̱ra̱ do̱, iróng adak á̱há̱t.

I̱bu̱ru̱ 5:12 Iomraidhean Croise

Ma̱te̱yo̱ 17:17

O̱bo̱de̱k zin Ye̱su̱ nogo, a̱nne̱k ne, “Niga ol cik aditennung iina ko̱, iróng anyakku tu̱we̱ne̱t! Kabak atin anna ki i̱ge̱t rok atinga kar zin elemtta zoz ci Ta̱mu̱ta̱dde̱no̱? Anyaktang do̱le̱c ngatu.”

Marko 9:19

O̱bo̱de̱k zin Ye̱su̱ nogo, “Eehi, i̱ge̱t bu̱u̱l ci iróng anyakku tu̱we̱ne̱t ko̱, kabak wo̱ye̱ anna ki i̱ge̱t u̱u̱mu̱c? Anyaktta lo̱gu̱t necu rok annita.”

Buk wa To̱ni̱a̱u̱ 7:38

Alut bali Musesi ol balala, ki anjilo ci ozozek nonno biye ci Sinai, ki be̱e̱ti̱gga̱c kar zin enne uruba genyiz ci i̱yo̱ko̱ a̱du̱wa̱kke̱t enne agita ko̱.

Roma 3:2

Ming ize e̱e̱ti̱ Ya̱u̱do̱c, riile nege go̱o̱lo̱we̱ cik meelek giir: Arrak oowa, a̱du̱wa̱k Ta̱mu̱ta̱dde̱n kaviyak ciginnek wak abunna ol utuge ci ol cik een Ya̱u̱d.

1 Ko̱ri̱nto̱ 14:19

Abarik ming kalayye ke̱le̱ci̱a̱ ki ol, maya ming kozozi zo̱zzo̱k cik een tu̱r a̱gga̱ ol do̱o̱k ke̱ngti̱, ngati wo̱ye̱ kozoze zo̱zzo̱k i̱bbo̱nge̱t omoto (10,000) utuge ci iróng ol a̱gga̱ ke̱ngti̱.

1 Ko̱ri̱nto̱ 14:20

Gotonogga ki ngonogga tu̱we̱nta̱, ma i̱no̱nnu̱ kaal cik gerzek ki i̱yo̱ko̱ dooli cikidik ko̱. Utungtek i̱no̱ni̱ ci gerze lo̱o̱c, abarik abunna ming anyakku i̱no̱ni̱ ci abunna ki ol wak a̱ddi̱ki̱re̱.

Ga̱la̱ti̱a̱ 4:3

Kabak naga bu̱k go̱o̱le̱ neci baling ngen Ye̱su̱ ki̱ki̱ya̱. Kogonna ki dooli cikidik ke̱, ke̱e̱ggi̱n du̱cca̱k cik kanu kaal cik lo̱o̱tu̱.

Vilipia 3:1

Gotonogga ki ngonogga tu̱we̱nta̱, abunna ming atalninnu oroot ngati Manyi. Iróng een zoz ci gerze ming keheri kaal balik keteheraung anna oowa ke̱, abarik een kaal cik atin azunnung.

Kolosiya 3:16

Aanycik zoz ci Ki̱ri̱sto̱ kabak zi̱nze̱tti̱nne̱ cuggo̱k oroot ming i̱lo̱ttu̱ niga e̱le̱tti̱ do̱o̱k genyiza, ki be̱ni̱ne̱t be̱ni̱nno̱k cik a̱di̱ngdi̱nga̱nnu̱ Ta̱mu̱ta̱dde̱n, anyikku nonno zany be̱ni̱no̱we̱ zi̱nze̱tti̱nne̱ cuggo̱k do̱o̱k.

I̱bu̱ru̱ 10:32

A̱a̱dda̱ i̱i̱nya̱ balik ngen elemannu Ye̱su̱ jor ke̱. Arikku niga zi̱nze̱tti̱ Ta̱mu̱ta̱dde̱n, ming anyak kaal cik anyahakku̱ng piryanzet.

I̱bu̱ru̱ 5:11

Kanyak kaal cik meelek cik kozoz zo̱ze̱ necu, okkomi ming koobekkung, eci niga e̱e̱ggi̱nnu̱ ol cik a̱di̱ngdi̱nge̱ o̱o̱tti̱.

I̱bu̱ru̱ 5:13

Ming ngen e̱e̱ti̱ ogon ki do̱le̱c, orong da̱i̱ne̱t ciginnek kizeto i̱ra̱, iróng enne aziye de̱mzi̱ne̱t ci bunnat ci Ta̱mu̱ta̱dde̱no̱.

I̱bu̱ru̱ 6:1

Abunna zin naga kovvo ki ta̱dde̱n tu̱we̱nte̱ cinna, iróng bo̱do̱k kedemez de̱mzi̱ne̱t bali o̱o̱wu̱ Ki̱ri̱sto̱ ke̱. E̱e̱ggi̱n ne̱ko̱ de̱mzi̱ne̱t cik Ye̱su̱ balik o̱o̱tti̱nu̱ ke̱: Abunna ming kungnek mu̱nye̱n lo̱o̱c cik anyaha daiz ko̱, kar ku̱tu̱we̱t Ta̱mu̱ta̱dde̱n,

1 Peturu 2:2

U̱tu̱gu̱z ki dooli wak kidik aud i̱ra̱ cik caalek paz Vongizak, kar keela nogo ki̱ddi̱ki̱rre̱t ti̱ri̱ze̱nte̱ cinne̱ng.

1 Peturu 4:11

Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.