I̱bu̱ru̱ 5:1 - Tennet

¹ Ta̱mu̱ta̱dde̱n ci ahala alaan ci a̱ddi̱ki̱re̱ wawaco do̱o̱k. Aanyik enne nonno ki̱li̱ngli̱ng kar kalawek ol Ta̱mu̱ta̱dde̱n, kar bo̱do̱k kotodongek nonno kaal cik aara ol mu̱nye̱n.

I̱bu̱ru̱ 5:1 Iomraidhean Croise

Roma 15:17

Imma zo̱ze̱ ci Ye̱su̱ Ki̱ri̱sto̱, ka̱di̱ngdi̱nga̱ni̱ anna Ta̱mu̱ta̱dde̱n li̱ngli̱ngo̱nte̱ cinne.

1 Ko̱ri̱nto̱ 15:3

Eci zoz ci ka̱gga̱ma̱ anna ngati Ki̱ri̱sto̱, ka̱du̱wa̱kku̱ng anna i̱ge̱t bu̱k zoz ci riili zo̱ze̱ neci. A̱da̱i̱ Ki̱ri̱sto̱ zo̱ze̱ ci mu̱nye̱n cigga̱c, ki ming e̱he̱rye̱ Warage ci Ta̱mu̱ta̱dde̱no̱,

I̱bu̱ru̱ 10:11

Abile ol wak wawaco Ce̱e̱ze̱ wa Ta̱mu̱ta̱dde̱no̱ apahek Ta̱mu̱ta̱dde̱n kaal odohize odohize ki ming a̱du̱wa̱ lo̱ti̱nno̱wa̱ cik Musesi, iróng kaala ne̱ke̱ aara ol mu̱nye̱n.

I̱bu̱ru̱ 10:12

Imma e̱e̱ti̱ ci wawaco wa aanyik ele cinne Ta̱mu̱ta̱dde̱n kize wawac ci aara ol mu̱nye̱n do̱o̱k. Kar Ta̱mu̱ta̱dde̱n kaanyik nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 11:4

Umuc ba̱li̱ye̱ e̱e̱ti̱ ci een Abel tu̱we̱nta̱ Ta̱mu̱ta̱dde̱n gi̱i̱ye̱ ci ommog ci gotononi Kain. Kar bo̱do̱k tu̱we̱nta̱, icin Ta̱mu̱ta̱dde̱n nonno kize e̱e̱t ci abunna. Ozoz Ta̱mu̱ta̱dde̱n ju̱rru̱m gi̱i̱ye̱ ci amuce enne nonno. Kar bo̱do̱k baling a̱da̱k Abeli nu̱nu̱n, ngen Ta̱mu̱ta̱dde̱n ozozikket zo̱ze̱ ci tu̱we̱ne̱t cinne.

I̱bu̱ru̱ 2:17

Atubuz Ta̱mu̱ta̱dde̱n Ye̱su̱ ki ol cik diirik do̱o̱k, kar ki̱li̱ngli̱nge̱k Ta̱mu̱ta̱dde̱n kize alaan ci a̱ddi̱ki̱re̱ wawaco abunna arik zinin nonno, uuwa atin ol cik Ta̱mu̱ta̱dde̱no̱, kar zin kaanyik ele cinne kize wawac ci alalnek ol mu̱nye̱n.

I̱bu̱ru̱ 7:27

Ommog enne alaat wak a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ do̱o̱k. Iróng enne apahek Ta̱mu̱ta̱dde̱n wawa kiwagon alaata cik a̱ddi̱ki̱re̱ wawaco odohize, apahek arrak mu̱nye̱n cigge̱k kar vu̱rrta̱ kapaktek mu̱nye̱n cik ollu. I̱ti̱ri̱z zin Ye̱su̱ ol do̱o̱k mu̱nye̱ne̱ lak co̱de̱ ngati a̱da̱kne̱ keete ci een ta̱la̱ke̱c.

I̱bu̱ru̱ 8:3

Ka̱gga̱ naga niko atahala Ta̱mu̱ta̱dde̱n alaan ci a̱ddi̱ki̱re̱ wawaco kar kaanyik Ta̱mu̱ta̱dde̱n muci kar bo̱do̱k kapahek nonno wawa. Abunna zin bo̱do̱k alaani ci a̱ddi̱ki̱re̱ wawaco Ye̱su̱ ming apahek Ta̱mu̱ta̱dde̱n wawac.

I̱bu̱ru̱ 8:4

Baling ngen weda Ye̱su̱ aave lo̱o̱ta̱ ngatu, iróng weda een e̱e̱t ci wawaco ci apahek Ta̱mu̱ta̱dde̱n wawac, eci enne iróng een boor co Le̱vi̱ wak anyak ol wak wawaco wak apahek Manyi ki baling a̱du̱wa̱ lo̱ti̱nno̱wa̱ cik Musesi ke̱.

I̱bu̱ru̱ 9:9

Een necu ri̱ri̱to̱n ci zoz ci kacin ngatu ko̱. Iróng muci ki kaal ne̱k apahek olli wawaco Ta̱mu̱ta̱dde̱n cik a̱vi̱la̱ ol mu̱nye̱n.