I̱bu̱ru̱ 4:2 - Tennet

² Kizikta naga e̱le̱tti̱ne̱ kaviyak cik abunna balik uwahekket ol ke̱, ki baling aziye olli Ya̱u̱do̱ balik aavtte balala ke̱. Baling iziyyet nege kaviyak ne̱ke̱ nu̱nu̱n, iróng zoz neci eela nogo, eci iróng nege a̱tu̱ Ta̱mu̱ta̱dde̱n.

I̱bu̱ru̱ 4:2 Iomraidhean Croise

Buk wa To̱ni̱a̱u̱ 13:46

O̱bo̱dde̱k zin bo̱do̱k Pa̱u̱lo̱ ki Barnabas mazeta: Korongnya arrak naga ku̱du̱ktta̱u̱ng i̱ge̱t zoz ci Ta̱mu̱ta̱dde̱no̱. Ma i̱yo̱ko̱ ming aburnnu ko̱, i̱ye̱la̱ zoz necu azi ne, iróng niga orongnyu baiz wa aave udut, kovvo zin naga kuwaheka ol cik iróng e̱e̱ggi̱n Ya̱u̱d.

Buk wa To̱ni̱a̱u̱ 3:26

Baling okko Ta̱mu̱ta̱dde̱n odong du̱ca̱i̱t cinne Ye̱su̱, i̱tto̱na̱kku̱ng arrak enne i̱ge̱ta̱ nonno, kar abunna ming a̱mu̱yu̱kku̱ng enne, kar niga do̱o̱k utungtek mu̱nye̱n lo̱o̱c.”

Roma 2:25

Abunna keer cunno̱ng ci ettede ol vi̱ca̱vi̱cce̱t ko̱, ming azunnu niga lo̱ti̱nno̱k cik Ta̱mu̱ta̱dde̱no̱. Ming iróng niga o̱ngo̱o̱li̱nnu̱ lo̱ti̱nno̱k, ogonnu ki ol cik iróng a̱gga̱ lo̱ti̱nno̱k.

Roma 3:3

“Anyak ol u̱gge̱ cik meelek ngatinne̱ng wak iróng a̱tu̱ kaviyak ne̱ke̱. Azi ungec ci zoz necu ne iróng zin ngen karike zi̱nze̱tti̱ Ta̱mu̱ta̱dde̱n, iróng zin Ta̱mu̱ta̱dde̱n ngen azunne zoz bali u̱du̱wa̱ enne ke̱?

1 Ko̱ri̱nto̱ 13:3

Ma wo̱ye̱ nu̱nu̱n kanyike kaal cigannik ol wak amati ko̱ do̱o̱k, icima ka̱da̱i̱ ngati katuzene gwo̱o̱ya̱ kar keelai e̱e̱t imma, imma ngatu i̱llo̱i̱ rezinet ci kireze ol, i̱llo̱i̱ atin gi̱i̱ ci karuba anna. Maya ming kirezi ol.

Ga̱la̱ti̱a̱ 3:2

I̱yo̱ko̱, ja ki̱jji̱nnu̱ng zoz co̱de̱: A̱gga̱mtta̱u̱ Vongiz ci A̱li̱le̱ ngati azunnu lo̱ti̱nno̱k cik Musesi? I̱llo̱i̱, a̱gga̱mtta̱u̱ niga Vongiz ci A̱li̱le̱ tu̱we̱nta̱ kaviyak cik abunna obod ki Ye̱su̱.

Ga̱la̱ti̱a̱ 3:8

Anyak zoz ci e̱he̱rye̱ Warage ci Ta̱mu̱ta̱dde̱no̱ ci okko atin Ta̱mu̱ta̱dde̱n a̱du̱wa̱ kar kanyik ol wak iróng een Ya̱u̱d do̱o̱k kizeto ol cik abunna ngu̱me̱ cinne tu̱we̱nta̱. Zoz zin bali a̱du̱wa̱k Ta̱mu̱ta̱dde̱n Aburaham kaviyak cik abunna, azi ne, “Kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

Ga̱la̱ti̱a̱ 4:13

A̱gga̱yyu̱ niga ba̱li̱ye̱ anyak ele cinanni ariz i̱i̱te̱ne̱ bali oowa kanyakku̱ng kaviyak cik abunna ke̱.

1 Te̱se̱lo̱ni̱ka̱ 1:5

Ma̱rri̱t baling kanyaktaung kaviyak cik abunna Ta̱mu̱ta̱dde̱no̱ obod ki zoz ci Ye̱su̱ wa atahalai. Iróng ba̱li̱ye̱ een kaviyak cik ku̱du̱kta̱ zar ulla ci a̱a̱nyu̱ng elemtta zoz ci Ye̱su̱, een abarik komize ci Ta̱mu̱ta̱dde̱no̱ ki Vongiz ci A̱li̱le̱ ci bali a̱li̱ngli̱ng orgene cinna. A̱gga̱yyu̱ ri̱t bo̱do̱k niga bu̱k niko baiz cinna̱ng baling kabak ki i̱ge̱t ke̱.

1 Te̱se̱lo̱ni̱ka̱ 2:13

Kanyikka Ta̱mu̱ta̱dde̱n zany, baling kuwaktteung zoz cinne, iróng niga i̱no̱nnu̱ ming een zoz cinna̱ng. Elemttu zoz neci kize ci Ta̱mu̱ta̱dde̱no̱ de̱de̱, abaktte zin ol ne̱ke̱ zoz neci a̱tu̱ nege ke̱.

1 Ti̱mo̱te̱yo̱ 4:8

Ming edemezi i̱nna̱ vi̱ra̱ ele abunna oroot, imma de̱mzi̱ne̱t baiz ci Ta̱mu̱ta̱dde̱no̱ eelannet go̱o̱lo̱we̱ cik meelek. Anyak baizi ci Ta̱mu̱ta̱dde̱no̱ bunnat oroot, eci aanyyet i̱yo̱ko̱ baiz ci abunna ki ci atin reena.

I̱bu̱ru̱ 11:6

Iróng wo̱ye̱ Ta̱mu̱ta̱dde̱n irez e̱e̱t ci diiri ming iróng elemi zoz cinne. Ming orong e̱e̱ti̱ a̱kku̱nna̱k Ta̱mu̱ta̱dde̱n, abunna ming elemi kar ka̱gga̱ aave Manyi to, kar zin Ta̱mu̱ta̱dde̱n kumuc e̱e̱t eci oronge nonno de̱de̱.

I̱bu̱ru̱ 3:12

Artta iin, gotonogga ki ngonogga, ma i̱zzo̱yu̱ mu̱nye̱n cik iróng a̱a̱nyu̱ng u̱tu̱we̱t Ta̱mu̱ta̱dde̱n bak a̱ti̱kku̱ tu̱.

I̱bu̱ru̱ 4:6

Ngen zin atin ol uggak i̱i̱zo̱ lo̱o̱c cinne i̱ye̱be̱ze̱ ko̱, imma ol balik iziyyet kaviyak cik abunna, iróng atin nege i̱i̱zo̱ lo̱o̱c cinne i̱ye̱be̱ze̱ eci nege utuburet zoz ci Ta̱mu̱ta̱dde̱no̱.

Je̱mi̱s 1:21

Ibilizet kaal wak gerzek lo̱rye̱nta̱k do̱o̱k wak aavtte orgene cunno̱ng odohize. Elemtta zi̱nze̱tti̱nne̱ cik alali zoz wa een de̱de̱, aarik Ta̱mu̱ta̱dde̱n zi̱nze̱tti̱ cuggo̱k kize ci a̱ti̱ri̱z vongizzok cuggo̱k.

1 Peturu 1:12

I̱ye̱lto̱zi̱k nogo iróng nege a̱li̱ngli̱nge̱k e̱le̱tti̱ cigge̱k abarik a̱li̱ngli̱ngngo̱ni̱kku̱ng. Uwakteung nege kaviyak cik abunna Ta̱mu̱ta̱dde̱no̱ i̱ge̱ta̱ komize ci Vongiz ci A̱li̱le̱ bali i̱tto̱na̱i̱ ta̱mu̱-kenga. Orongit anjilonya bu̱k kicinnet kaal ne̱ke̱.