I̱bu̱ru̱ 4:16 - Tennet

¹⁶ Koot zin naga do̱o̱k rok Manyi Ta̱mu̱ta̱dde̱n ngati iróng ko̱ngo̱o̱li̱ne̱ gi̱i̱ imma kar kaanyyet deten, kar kurubta bunnat kar keelawet agit do̱o̱k i̱i̱te̱ne̱ ci koronge naga kaal.

I̱bu̱ru̱ 4:16 Iomraidhean Croise

Evesos 2:18

Eci zo̱ze̱ ci Ki̱ri̱sto̱, kanyak naga do̱o̱k olli Ya̱u̱do̱ ki ol cik iróng een Ya̱u̱d gool ci ka̱vvu̱nna̱k naga Be̱e̱ti̱nna̱ Vongize co̱de̱ Ta̱mu̱ta̱dde̱no̱.

Evesos 3:12

Eci enne u̱tu̱gu̱ niko, aanyet Ki̱ri̱sto̱ agit kurumte ki nonno, kanime zin naga kotoz ngu̱me̱ ci Ta̱mu̱ta̱dde̱no̱ labak ci iróng ko̱ngo̱o̱le̱ gi̱i̱ imma.

I̱bu̱ru̱ 13:6

Kozoz naga zoz ci ka̱gga̱ kodola een de̱de̱, azi ne, “Manyi ci eelannan, iróng anna ko̱ngo̱o̱le̱ gi̱i̱ imma ci ogonika e̱e̱ti̱ ci diiri.”

I̱bu̱ru̱ 3:6

Ma̱i̱je̱ Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ odohize a̱li̱ngli̱nge̱k ol cik Ta̱mu̱ta̱dde̱no̱. Ke̱e̱ggi̱n naga Ce̱e̱z wa Ta̱mu̱ta̱dde̱no̱, ming karike naga zi̱nze̱tti̱ zoz Ta̱mu̱ta̱dde̱no̱ kere naga ko̱.

I̱bu̱ru̱ 7:19

Iróng zin lo̱ti̱nno̱wa̱ ngen a̱ti̱ri̱z e̱e̱t ci diiri, abarik zin i̱yo̱ko̱, i̱ki̱ya̱ zin zoz ci abunna karike naga zi̱nze̱tti̱, anyahannet zoz neci kar kojongozzit Ta̱mu̱ta̱dde̱n.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

I̱bu̱ru̱ 9:5

Imma ce̱e̱ndu̱we̱ ci olom neci, aburuk anjilonya cik Ta̱mu̱ta̱dde̱no̱ een rama adimanai zu̱rte̱nte̱ ci een dhahab kar kurumuzzet ṯaba, i̱ye̱la̱ di̱ngdi̱ngo̱n ci zoz ci Ta̱mu̱ta̱dde̱no̱. Aparanek alaani ci a̱ddi̱ki̱re̱ wawaco bi̱ye̱ ce̱e̱ndu̱k ta̱dde̱n kar Manyi kalalek ol mu̱nye̱ne̱. Ma̱i̱je̱ zin i̱yo̱ko̱, iróng naga kozoz u̱nge̱tti̱ cik zoz necu i̱yo̱ko̱.

1 Peturu 2:10

“Iróng niga ba̱li̱ye̱ e̱e̱ggi̱nnu̱ ol cik Ta̱mu̱ta̱dde̱no̱. I̱yo̱ko̱ zin izetu niga ol ciginnek. Ba̱li̱ye̱ ngen niga urubta deten cinne, imma zin i̱yo̱ko̱ urubtau.”