I̱bu̱ru̱ 4:15 - Tennet

¹⁵ Kanyak alaan ci a̱ddi̱ki̱re̱ wawaco ci a̱gga̱ ming ke̱e̱ggi̱n naga olli mu̱nye̱nu̱, itiman zin lo̱rye̱nti̱ nonno go̱o̱lo̱we̱ do̱o̱k ki i̱yo̱ko̱ naga do̱o̱k ko̱, anyak gi̱i̱ co̱de̱, ngen enne kabac zoz imma udut.

I̱bu̱ru̱ 4:15 Iomraidhean Croise

Ma̱te̱yo̱ 12:20

Eela atin enne ol wak ogon ki yaya cik u̱mu̱rgu̱lte̱, iróng atin enne egerzan e̱e̱t ci u̱tu̱gu̱ ki gwa̱a̱ ci okko adite, abarik eela atin ol kar ku̱tu̱gu̱we̱ zoz ci een de̱de̱.

Ma̱te̱yo̱ 4:1

Kar zin Vongizi kuwe Ye̱su̱ balale ci gi̱da̱ngi̱ kar lo̱rye̱nti̱ kitiman nonno.

Lu̱ka̱ 22:28

E̱e̱ggi̱nnu̱ niga ol cik emenannu ngatinanni ngati atimana ol.

Lu̱ka̱ 4:2

ngati aave enne gwo̱o̱nya̱ moten we̱c atimane lo̱rye̱nti̱ nonno. I̱llo̱i̱ gi̱i̱ imma ci adak enne i̱i̱nya̱ ne̱ko̱ do̱o̱k, kar vu̱rrta̱ kadak nonno magiz.

Kaviyak wak Abunna Ta̱mu̱ta̱dde̱no̱ eher Joni 8:46

I̱llo̱i̱ wo̱ye̱ e̱e̱t imma ngatinno̱ng ci azi ne kanyai anna mu̱nye̱n. Ming ka̱du̱wa̱kku̱ng zoz ci een de̱de̱, elemtta zoz neci.

Roma 8:3

Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.

2 Ko̱ri̱nto̱ 5:21

Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

I̱bu̱ru̱ 4:14

I̱yo̱ko̱ zin, kanyak naga alaan ci a̱ddi̱ki̱re̱ wawaco, een enne Ye̱su̱, Ngerrti Ta̱mu̱ta̱dde̱no̱ bali okko ta̱mu̱-kenga ke̱. Abunna zin ming kazunne tu̱we̱ne̱t cinna wa bali obod ki nonno.

I̱bu̱ru̱ 5:2

Owowo enne ki ol wak iróng a̱gga̱ gool ci baizo ju̱rru̱m eci enne bu̱k een e̱e̱t ci diiri.

I̱bu̱ru̱ 7:26

Een Ye̱su̱ alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ci korong naga. A̱li̱le̱ enne iróng anyak ba̱ci̱ kar kize voor zinin, aave enne do̱ ngati e̱e̱t ci diiri mu̱nye̱nu̱. Irez Ta̱mu̱ta̱dde̱n nonno kize alaan ci a̱ddi̱ki̱re̱ wawaco ci ommog kaal do̱o̱k, aave ta̱mu̱-kenga.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

1 Peturu 2:22

“Ngen enne ku̱tu̱gu̱ mu̱nye̱n icima kamuda zoz ci een volong utuge cinne.”

1 Jon 3:5

A̱gga̱yyu̱ niga a̱kku̱ Ki̱ri̱sto̱ kar ki̱ki̱ya̱ kaara mu̱nye̱n cigga̱c, iróng enne eliya anyak mu̱nye̱n udut.