I̱bu̱ru̱ 4:14 - Tennet

¹⁴ I̱yo̱ko̱ zin, kanyak naga alaan ci a̱ddi̱ki̱re̱ wawaco, een enne Ye̱su̱, Ngerrti Ta̱mu̱ta̱dde̱no̱ bali okko ta̱mu̱-kenga ke̱. Abunna zin ming kazunne tu̱we̱ne̱t cinna wa bali obod ki nonno.

I̱bu̱ru̱ 4:14 Iomraidhean Croise

Ma̱te̱yo̱ 4:3

I̱ki̱ya̱k zin lo̱rye̱nti̱ nonno izek ne, “Ming e̱e̱ni̱ i̱nna̱ Ngerrti Ta̱mu̱ta̱dde̱no̱, tuhu biyen ne̱ko̱ kizeto da̱i̱ne̱t.”

Marko 1:1

Een necu kananet kaviyak cik abunna obod ki Ye̱su̱ Ki̱ri̱sto̱, Ngerrti Ta̱mu̱ta̱dde̱no̱.

Marko 16:19

Baling ozozek Manyi Ye̱su̱ zoz ki nogo, odonge zin enne uk ta̱mu̱-kenga kar ka̱vvu̱ ngati doizo a̱tte̱ ci Ta̱mu̱ta̱dde̱no̱ a̱zzo̱.

Lu̱ka̱ 24:51

Baling ngen enne a̱mu̱yu̱k nogo niko, utungek nogo lo̱o̱c, odonge enne uk ta̱mu̱-kenga.

Buk wa To̱ni̱a̱u̱ 1:11

Azi nege ne, “Ol cik Ga̱li̱li̱, abillu ette ngatu angamniku ta̱mu̱-keng nya? Ye̱su̱ cu ele, ci odonge ngatinno̱ng uk ta̱mu̱-kenga ko̱, okko atin oboda go̱o̱le̱ ci acinnu niga nonno ming okko ta̱mu̱-kenga ko̱.”

Buk wa To̱ni̱a̱u̱ 3:21

Irahek arrak atin ta̱mu̱-kenga zee ki̱vi̱ta̱ arrak atin kaala do̱o̱k kidimante kize jor ki bali ming u̱du̱wa̱ Ta̱mu̱ta̱dde̱n go̱o̱le̱ ci a̱ri̱tto̱k wak a̱li̱le̱ balik abak bali reena ke̱.

Roma 8:34

Baling a̱da̱k Ye̱su̱ Ki̱ri̱sto̱, kitinga daiza kar naga ka̱vvu̱ta̱ labak zo̱ze̱ ci ettedekket Ta̱mu̱ta̱dde̱n lo̱ki̱ko̱, ngene wo̱ye̱ ci anyak komiz ci edezetta? Iróng Ye̱su̱ a̱da̱i̱ zo̱ze̱ cinna do̱, abarik itinga daiza kar ka̱vvu̱ a̱tte̱ ci a̱zzo̱ Ta̱mu̱ta̱dde̱no̱, ngati anyahe enne komiz, alawakket Ta̱mu̱ta̱dde̱n.

2 Ko̱ri̱nto̱ 12:2

Anyak e̱e̱t imma ci a̱tu̱ Ye̱su̱ Ki̱ri̱sto̱, ja ku̱du̱wa̱u̱ng zoz cinne, okkoye Manyi Ye̱su̱ nonno rok ta̱mu̱-keng, ngati aave Ta̱mu̱ta̱dde̱n, edeca zoz necu e̱rki̱nya̱ omoto ki we̱c. Iróng ka̱gga̱ ming okkoye ele cinne icima vongiz. Ta̱mu̱ta̱dde̱n do̱ niko ci a̱gga̱.

2 Ko̱ri̱nto̱ 9:13

Imma go̱o̱le̱ ci eelannu ollik Ta̱mu̱ta̱dde̱no̱ ko̱, ovvo atin nege innat Ta̱mu̱ta̱dde̱n. A̱tu̱yyu̱ niga zoz ci Ki̱ri̱sto̱, o̱ngo̱o̱li̱nnu̱ Manyi kar ozolit o̱ro̱bi̱ya̱ ki ol cik Ta̱mu̱ta̱dde̱no̱.

Evesos 4:10

Azi keng ci zoz necu ne, Ye̱su̱ bali ci okko todowai, nonno ci bo̱do̱k dee ci okko ta̱mu̱-kenga, ta̱dde̱na̱, kar enne kibbizitan ta̱mu̱-keng ki lo̱o̱c veelek.

I̱bu̱ru̱ 1:8

Abarik Ta̱mu̱ta̱dde̱n ozoz zoz ci obod ki Ngerinne, azi ne, “E̱e̱ni̱ i̱nna̱ Ta̱mu̱ta̱dde̱n, abali atin lo̱o̱c ize alaan ci abak udut! Okko alaanzet cunne apahek ol lo̱ki̱ko̱ ju̱rru̱m.

I̱bu̱ru̱ 10:12

Imma e̱e̱ti̱ ci wawaco wa aanyik ele cinne Ta̱mu̱ta̱dde̱n kize wawac ci aara ol mu̱nye̱n do̱o̱k. Kar Ta̱mu̱ta̱dde̱n kaanyik nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 10:23

Abunna ka̱gga̱m tu̱we̱ne̱t ci karike naga zi̱nze̱tti̱ cik ka̱tu̱we̱ Ta̱mu̱ta̱dde̱n ko̱ ju̱rru̱m, eci Ta̱mu̱ta̱dde̱n ci ka̱tu̱ ko̱ ogon atin zoz ci u̱du̱wa̱ enne ke̱.

I̱bu̱ru̱ 10:29

I̱no̱ni̱t lo̱ki̱ko̱ ci okkomi okko Ta̱mu̱ta̱dde̱n etteddek ol wak ibbez zoz ci Ngerrti Ta̱mu̱ta̱dde̱no̱, adima bo̱do̱k bi̱ye̱ cik Ye̱su̱ anyaha olomi ci een jor, wa eela nonno mu̱nye̱ne̱ ko̱ kize gi̱i̱ ci labak, kar bo̱do̱k kodom Vongiz ci A̱li̱le̱ Ta̱mu̱ta̱dde̱no̱ ci aanyik nonno de̱ti̱ne̱t ko̱.

I̱bu̱ru̱ 12:2

Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 2:1

Eci kiziyet naga zoz ba̱li̱ye̱, abunna ming kazunne, gerza ming ka̱ti̱k tu̱.

I̱bu̱ru̱ 2:17

Atubuz Ta̱mu̱ta̱dde̱n Ye̱su̱ ki ol cik diirik do̱o̱k, kar ki̱li̱ngli̱nge̱k Ta̱mu̱ta̱dde̱n kize alaan ci a̱ddi̱ki̱re̱ wawaco abunna arik zinin nonno, uuwa atin ol cik Ta̱mu̱ta̱dde̱no̱, kar zin kaanyik ele cinne kize wawac ci alalnek ol mu̱nye̱n.

I̱bu̱ru̱ 3:1

Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.

I̱bu̱ru̱ 3:14

Kozol naga li̱ngli̱ngo̱n ci Ki̱ri̱sto̱ nga̱to̱de̱. Abunna ka̱tu̱ naga nonno de̱de̱ udut ki baling ka̱tu̱ arrak oowa ke̱.

I̱bu̱ru̱ 6:20

Aave Ye̱su̱ nginati, uk enne o̱o̱we̱ cinna, i̱i̱zo̱ Ngin neci A̱li̱le̱ Oroot ke̱ zo̱ze̱ cinna. Ize zin enne alaan ci a̱ddi̱ki̱re̱ wawaco udut, ki bali Melchizedek.

I̱bu̱ru̱ 7:3

Iróng e̱e̱ti̱ imma a̱gga̱ ming anyak enne yaatinne icima baatinne, i̱llo̱i̱ rok ji̱ji̱ti̱gi̱nne̱k, iróng ol a̱gga̱ i̱i̱te̱n ci a̱rri̱ta̱ne̱ enne, icima ci okko enne a̱da̱kne̱. Ogon enne ki Ngerrti Ta̱mu̱ta̱dde̱no̱, eci erahek atin enne een e̱e̱t ci wawaco ci aave udut.

I̱bu̱ru̱ 8:1

Ungec ci kaal cik riili ka̱du̱wa̱nna̱ ko̱ iciko: Kanyak naga do̱o̱k alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ta̱mu̱-kenga, a̱vvu̱ lo̱o̱ta̱ a̱tte̱ ci Ta̱mu̱ta̱dde̱n a̱zzo̱ ta̱mu̱-kenga,

I̱bu̱ru̱ 9:12

Iróng zin enne i̱i̱zo̱ Ngin wa A̱li̱le̱ Oroot ko̱ gi̱i̱ye̱ ci apahek eeza ki maala ngati aparanek Ta̱mu̱ta̱dde̱n bi̱ye̱. I̱tto̱ Ye̱su̱ ngin neci lak co̱de̱ ngati a̱da̱kne̱, uddutai bi̱ye̱ta̱ ciginnek keete wa een ta̱la̱ke̱c, kar kaara mu̱nye̱n cigga̱c udut.

I̱bu̱ru̱ 9:24

Ngen Ki̱ri̱sto̱ ki̱tto̱ nginti A̱li̱le̱ Oroot adiman e̱e̱ti̱ ci diiri, i̱ya̱kzo̱ni̱k ngin neci nginti aave ta̱mu̱-kenga, i̱tto̱ zin enne ta̱mu̱-keng okko ngati Ta̱mu̱ta̱dde̱no̱ zo̱ze̱ cinna.

1 Peturu 3:22

I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.