I̱bu̱ru̱ 4:12 - Tennet

¹² Eci zoz ci Ta̱mu̱ta̱dde̱no̱ een ci abak udut kar bo̱do̱k ki̱li̱ngli̱ng udut. Leheda kommog illa wa lehedi abanyo do̱o̱k, i̱i̱zo̱ kenger zinin ki vongiz ci e̱e̱to̱ ecito. Etted zoz ci Ta̱mu̱ta̱dde̱no̱ zoz ki vongiz ci aave zinina ki zoz ci i̱no̱n e̱e̱ti̱.

I̱bu̱ru̱ 4:12 Iomraidhean Croise

Lu̱ka̱ 8:11

“Icu keng ci tubzento: E̱e̱ggi̱n i̱nyo̱mo̱na̱ zoz ci Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 12:48

Imma e̱e̱ti̱ ci iróng elemna annit kar kutubur zoz cinanni, etted atin zoz neci abure enne ke̱ lo̱ki̱ko̱ cinne ming kokko anna Ye̱su̱ obodak lo̱o̱c i̱i̱te̱ne̱ ci uṯuroi looci.

Kaviyak wak Abunna Ta̱mu̱ta̱dde̱no̱ eher Joni 6:51

Ke̱e̱ni̱ anna da̱i̱ne̱t wa rugeto, kalucai ta̱mu̱-kenga. Ming adak e̱e̱ti̱ imma da̱i̱ne̱t ne̱ko̱, abak atin enne udut. Een da̱i̱ne̱t ciko ele cinanni, ci kanyike kize ruget ci olli lo̱o̱tu̱.”

Buk wa To̱ni̱a̱u̱ 2:37

Ma baling iziyyet ol do̱o̱k zoz necu, o̱to̱ngo̱o̱ltte̱ lo̱o̱c, kar zin izektek Peturu ki to̱ni̱a̱k u̱gge̱ ne, “Gotonogget, kar zin ucca ku̱tu̱gu̱zza̱ nya?”

Buk wa To̱ni̱a̱u̱ 4:31

Baling alayo nege, otomowe ce̱e̱z bali arumene nege ke̱. Kar Vongizi ci A̱li̱le̱ ki̱ta̱k nogo do̱o̱k kar zin nege kozozit zoz ci Ta̱mu̱ta̱dde̱n mazeta.

Buk wa To̱ni̱a̱u̱ 5:33

Baling ovvo nege aziye zoz necu niko, avaracit nege oroot, orong abarik ku̱ru̱we̱t nogo ka̱da̱i̱to̱.

Buk wa To̱ni̱a̱u̱ 7:38

Alut bali Musesi ol balala, ki anjilo ci ozozek nonno biye ci Sinai, ki be̱e̱ti̱gga̱c kar zin enne uruba genyiz ci i̱yo̱ko̱ a̱du̱wa̱kke̱t enne agita ko̱.

Roma 1:16

Iróng anna ko̱ngo̱o̱le̱ kar kuwahek ol kaviyak cik abunna, eci kaviyaha anyak doiz ci Ta̱mu̱ta̱dde̱no̱ anyike ol wak elemi nonno do̱o̱k ti̱ri̱ze̱ne̱t. Kuwahek anna kaviyak ne̱ko̱ arrak Ya̱u̱d, kar zin ol wak iróng een Ya̱u̱d.

1 Ko̱ri̱nto̱ 1:24

Imma ngati ol wak i̱ti̱ri̱z Ta̱mu̱ta̱dde̱n, ngati olli Ya̱u̱do̱ ki Gi̱ri̱k, een Ki̱ri̱sto̱ komiz ki genyiz ci Ta̱mu̱ta̱dde̱no̱.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 4:2

Kodola zin anna abunna ka̱li̱ngli̱ng zi̱nze̱tti̱nne̱ cik voorik kaale do̱o̱k. Kar bo̱do̱k iróng kogonna gi̱i̱ imma ci gerze, kar kaanyyet ko̱to̱ngo̱o̱ltte̱ ol. Iróng naga korongnyya ku̱lu̱ttu̱ng ki genyizi ci anyakku ko̱, ki i̱yo̱ko̱ ming ogon ol uggak ko̱. Iróng korongnyya kutuhuyya zoz ci Ta̱mu̱ta̱dde̱no̱ ki ol uggak. Abarik kedemezza ol zoz ci een de̱de̱ obod ki Ye̱su̱ Ki̱ri̱sto̱. Ka̱gga̱yya̱ niko acinnet Ta̱mu̱ta̱dde̱n kaale ne̱k kogon zi̱nze̱tti̱nne̱ cik alali ko̱ do̱o̱k, i̱llo̱i̱ zin e̱e̱t imma ci wo̱ye̱ azi ne kedemezza naga ol zoz ci gerze.

Evesos 5:13

Ma̱i̱je̱ atin vooriten ataran kaal ne̱k gerzek ke̱ do̱o̱k ki̱ye̱lta̱i̱ guulnya cigge̱k.

Evesos 5:26

Ogon enne zoz necu abunna nege ovvo e̱e̱ggi̱n ol cik abunna doize ci zoz cinne, idiman zin enne nogo kizeto ol cik a̱li̱le̱ ngati unye nogo maame.

Evesos 6:17

A̱gga̱mi̱t ti̱ri̱ze̱ne̱t ci bali a̱ti̱ri̱zu̱ng Ta̱mu̱ta̱dde̱n ko̱ ju̱rru̱m, aanycik ti̱ri̱ze̱ne̱t neci ku̱tu̱gu̱ ki luluk ci ilau, imma illanya cuggo̱k oroonu ki lo̱rye̱ni̱t ko̱, aanycik kize zoz ci Ta̱mu̱ta̱dde̱no̱, kaviyak cik a̱vvu̱ Vongiza.

1 Te̱se̱lo̱ni̱ka̱ 2:13

Kanyikka Ta̱mu̱ta̱dde̱n zany, baling kuwaktteung zoz cinne, iróng niga i̱no̱nnu̱ ming een zoz cinna̱ng. Elemttu zoz neci kize ci Ta̱mu̱ta̱dde̱no̱ de̱de̱, abaktte zin ol ne̱ke̱ zoz neci a̱tu̱ nege ke̱.

1 Te̱se̱lo̱ni̱ka̱ 5:23

Kala Ta̱mu̱ta̱dde̱n manyi gano ka̱a̱nyu̱ng abait labak, kidimanung izet caale udut. Ka̱a̱nyu̱ng baiz ki vongiz cunno̱ng do̱o̱k ki̱zze̱c ba̱ci̱no̱wa̱ zee kobodak Manyitinna Ye̱su̱ Ki̱ri̱sto̱ lo̱o̱c.

I̱bu̱ru̱ 13:7

A̱a̱dda̱ ddi̱ki̱ryyo̱k cuggo̱k balik edemezung zoz ci Ta̱mu̱ta̱dde̱no̱ ke̱. A̱a̱dda̱ baiz ci abahe nege, i̱ye̱zi̱t tu̱we̱ne̱t cinne̱ng.

Je̱mi̱s 1:18

Atahalaet enne agit zo̱ze̱ cinne wa een de̱de̱, kar kaanyyet ruget, kar naga kizet muci ciginnek wak oowu kaale wak eteehenya enne do̱o̱k.

1 Peturu 1:23

Eci Ta̱mu̱ta̱dde̱n a̱a̱nyu̱ng i̱ti̱rrtta̱i̱ bo̱do̱k, iróng een kaale cik aditai, abarik iróng aditai udut, go̱o̱le̱ ci kabahe kar kinimet zoz ci Ta̱mu̱ta̱dde̱no̱.

O̱no̱zzo̱k 1:16

Anyak enne a̱tte̱ ci a̱zzo̱ munyuny turgerem, okko utuge cinne iyowa nya̱tu̱ba̱ti̱ ci lehedi oroot. Okko ngu̱m cinne alanyit oroot kiwagon koor ci tagizo.

O̱no̱zzo̱k 19:15

Iyowa utuge cinne nya̱tu̱ba̱t ci lehedi kar ku̱ru̱we̱ enne ol cik lo̱o̱tu̱ veelek. “Abal atin enne nogo coole ci alaanzetu ci een zi̱i̱t.” Kar enne koroc ngin wagon amacane merte kar ki̱ye̱la̱ mozinet ci Ta̱mu̱ta̱dde̱no̱ wa A̱ddi̱ki̱re̱ anyak Komiz do̱o̱k.

O̱no̱zzo̱k 19:21

Kar zin gonoggja ku̱ru̱kte̱ nya̱tu̱ba̱te̱ ci iyowa utuge ci E̱e̱t wa ottod vartangec ko̱, kar iballi do̱o̱k kadait e̱le̱tti̱ ne̱ke̱.

O̱no̱zzo̱k 2:16

Ming iróng niga urtannu mu̱nye̱n cuggo̱k lo̱o̱c, ka̱kku̱ni̱ atin anna ataman kar ki̱ki̱ya̱ koyok ol ne̱ko̱ nya̱tu̱ba̱te̱ ci utuge cinanni ko̱.

O̱no̱zzo̱k 2:23

Ka̱ru̱i̱ atin dooli ciginnek ka̱da̱i̱to̱. Kar ol wak ke̱le̱ci̱a̱nya̱i̱ do̱o̱k ka̱gga̱c ke̱e̱ni̱ anna e̱e̱t ci kerenyi zi̱nze̱tti̱ ki i̱no̱ni̱ cik ollu, ka̱ru̱we̱k atin anna ol kaal do̱o̱k kaale cik ogon e̱e̱ti̱.

O̱no̱zzo̱k 20:4

Kedenya anna leceret cik aavtte ol cik anyonik komizi kar kettedit lo̱ki̱ko̱. Kar anna kicin vongizzok cik ol balik u̱ru̱kte̱ zo̱ze̱ ci edemze nege zoz ci Ye̱su̱ kar bo̱do̱k uwahek ol zoz ci Ta̱mu̱ta̱dde̱no̱. Iróng nege ba̱li̱ye̱ a̱di̱ngdi̱nga̱n e̱le̱gi̱t icima ri̱ri̱to̱n cinne, iróng bo̱do̱k nege anyak baayenit ci aave ngu̱mtti̱nne̱ icima azzine. I̱vi̱tta̱k nege ruget kar kabalit lo̱o̱c ki Ki̱ri̱sto̱ e̱rki̱nya̱ i̱bbo̱ng co̱de̱ (1,000).