I̱bu̱ru̱ 4:11 - Tennet

¹¹ I̱yo̱ko̱ zin, ku̱tu̱gu̱z naga do̱o̱k kaal cik eelannet kar ku̱mu̱dda̱ baiz ci kabahe yahe, ma anyikku e̱e̱t imma kutubur zoz ci Ta̱mu̱ta̱dde̱no̱, eci abure enne zoz ci Ta̱mu̱ta̱dde̱no̱ ki bali olli Ya̱u̱do̱ balik aavtte balala ming abure ke̱.

I̱bu̱ru̱ 4:11 Iomraidhean Croise

Ma̱te̱yo̱ 11:12

Imma i̱i̱nya̱we̱ balik ngen Jon Ba̱ti̱ti̱mo̱ aruge ke̱ rok i̱yo̱ko̱, okko ba̱a̱li̱ne̱t ci ta̱mu̱-kengo oowa no̱ngi̱tto̱ne̱, ovvo ol cik jo̱o̱re̱ttu̱ orong ovvoye i̱ba̱ti̱ne̱.

Ma̱te̱yo̱ 7:13

“I̱tto̱z go̱o̱le̱ ci anyak aran ci luduci. Imma arani ci walwali ko̱, okkoyet go̱o̱le̱ ci li̱be̱nto̱, i̱to̱zzo̱ ol cik meelek aran necu.

Lu̱ka̱ 13:24

“U̱tu̱gu̱z li̱ngli̱ngo̱n do̱o̱k kar i̱tto̱z tatug ci luduci, ka̱du̱wa̱kku̱ng anna i̱ge̱ta̱, eci ol cik meelek orong atin ki̱tto̱zo̱, iróng zin nege uule ki̱tto̱zo̱.

Lu̱ka̱ 16:16

A̱nne̱k zin bo̱do̱k Ye̱su̱ nogo ne, “Uwakte lo̱ti̱nno̱wa̱ cik Musesi ki zoz ci a̱ri̱tto̱u̱ zee rok Jon. Kar zin vu̱rrta̱ i̱i̱te̱ne̱ neci, uwaktozik zin ol kaviyaha cik abunna obod ki ba̱a̱li̱ne̱t ci Ta̱mu̱ta̱dde̱no̱, kar ol do̱o̱k kadangtek e̱le̱tti̱ cigge̱k ba̱a̱li̱ne̱t cinne.

Kaviyak wak Abunna Ta̱mu̱ta̱dde̱no̱ eher Joni 6:27

Ma a̱li̱ngli̱ngnyu̱ zo̱ze̱ ci da̱i̱ne̱t wak atin iróng abak udut, abarik i̱li̱ngli̱ngge̱t da̱i̱ne̱t cik gon aavtte baize wa aave udut, cik atin ka̱a̱nyu̱ng anna Ngerrti E̱e̱to̱, eci Baba Ta̱mu̱ta̱dde̱n arika annit komiz li̱ngli̱ngo̱nte̱ necu.”

Buk wa To̱ni̱a̱u̱ 26:19

“Alaan Agirippa, Iróng zin anna ka̱bu̱ri̱ zoz ci a̱kku̱ o̱no̱zo̱we̱ ta̱mu̱-kenga.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

Evesos 5:6

Ma anyikku e̱e̱t imma kalabaung zo̱ze̱ ci iróng een de̱de̱. Eci Ta̱mu̱ta̱dde̱n abure nong zo̱ze̱ ci een volong, a̱kku̱ de̱zi̱ne̱t ci Ta̱mu̱ta̱dde̱no̱ i̱i̱na̱k e̱e̱t ci iróng o̱ngo̱o̱le̱ nonno ming ozoz zoz ci iróng een de̱de̱.

Vilipia 2:12

Gonogga wak zinino, gon ba̱li̱ye̱ ming kaavtte ki i̱ge̱t ojonun, o̱ngo̱o̱li̱nnu̱ niga Ta̱mu̱ta̱dde̱n odohize. I̱yo̱ko̱ zin kaave anna reena, abunna zin ming o̱ngo̱o̱li̱nnu̱ oroot. Abait zin go̱o̱le̱ ci amudannu niga ti̱ri̱ze̱ne̱t ko̱ ngo̱li̱nta̱ ki baritona,

Kolosiya 3:6

Imma zin kaale cik gerzek anyak ol ko̱, okko atin anyaha zoz ci okko Ta̱mu̱ta̱dde̱n aburne nong oroot.

Ti̱to̱ 1:16

A̱du̱wa̱k nyakanganeta ne̱k volongak ol zoz ci azi ne ka̱gga̱yya̱ Ta̱mu̱ta̱dde̱n, ma̱i̱je̱ abarik abure Ta̱mu̱ta̱dde̱n go̱o̱le̱ ci abahe nege. Ogon kaal cik gerzek.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

I̱bu̱ru̱ 3:12

Artta iin, gotonogga ki ngonogga, ma i̱zzo̱yu̱ mu̱nye̱n cik iróng a̱a̱nyu̱ng u̱tu̱we̱t Ta̱mu̱ta̱dde̱n bak a̱ti̱kku̱ tu̱.

I̱bu̱ru̱ 3:18

E̱e̱ggi̱n zin ne̱ke̱ ol balik azi Ta̱mu̱ta̱dde̱n ne, iróng atin nege arum lo̱o̱c cinne ci ovvo nege i̱ye̱be̱ze̱. E̱e̱ggi̱n nege ol balik iróng aziye zoz ci Ta̱mu̱ta̱dde̱no̱.

I̱bu̱ru̱ 4:6

Ngen zin atin ol uggak i̱i̱zo̱ lo̱o̱c cinne i̱ye̱be̱ze̱ ko̱, imma ol balik iziyyet kaviyak cik abunna, iróng atin nege i̱i̱zo̱ lo̱o̱c cinne i̱ye̱be̱ze̱ eci nege utuburet zoz ci Ta̱mu̱ta̱dde̱no̱.

I̱bu̱ru̱ 6:11

Korongnya naga i̱ge̱t do̱o̱k abunna ming emenannu go̱o̱le̱ necu kar u̱mu̱dda̱ kaal wak odolta zi̱nze̱tti̱ cuggo̱k.

2 Peturu 2:6

Edez Ta̱mu̱ta̱dde̱n o̱ro̱gjo̱k cik Sodomi ki Gomorrah, utuz kize bbu̱u̱r, kar ki̱ye̱le̱k ol gool ci ovvo atin ol wak iróng elemi Ta̱mu̱ta̱dde̱n atuze niko bu̱k.