I̱bu̱ru̱ 4:1 - Tennet

¹ Ngen Ta̱mu̱ta̱dde̱n odolna zo̱ze̱ ci okko atin e̱e̱ti̱ ci diiri i̱i̱zo̱ lo̱o̱c ci i̱ye̱be̱ze̱ Ta̱mu̱ta̱dde̱n, abunna kazunne zoz neci kar iróng e̱e̱ti̱ imma odotonik vu̱rru̱t.

I̱bu̱ru̱ 4:1 Iomraidhean Croise

Ma̱te̱yo̱ 24:48

Ma̱i̱je̱ ming ogon du̱ca̱i̱ti̱ neci kaal cik gerzek kar bo̱do̱k ki̱no̱n kize ne, ‘Aave atin manyi ce̱e̱z reena u̱u̱mu̱c,’

Buk wa To̱ni̱a̱u̱ 3:19

Uturtta mu̱nye̱n ciggo̱k kar zin o̱bo̱dda̱k Ta̱mu̱ta̱dde̱n, kar enne ki̱ti̱vi̱la̱ mu̱nye̱n ciggo̱k do̱o̱k, kar i̱i̱te̱ni̱ ci talninto ki̱ki̱ya̱ ngati Manyi.

Roma 11:20

Anyozik ba̱li̱ye̱ zoz necu de̱de̱ nogo. Abarik u̱du̱lto̱zi̱k nege tu̱ eci iróng nege a̱tu̱we̱, imma niga abilnnu niga tu̱we̱nta̱. Ma e̱e̱ggi̱nnu̱ moote, abarik o̱to̱ngo̱o̱ltte̱.

Roma 3:23

Eci ol do̱o̱k anyak ba̱ci̱nno̱k cik mu̱nye̱nu̱, iróng zin naga ngen kazuca di̱ngdi̱ngo̱n ci Ta̱mu̱ta̱dde̱no̱.

1 Ko̱ri̱nto̱ 10:12

Ming i̱no̱n e̱e̱ti̱ azi ne okkomi enne tu̱we̱nta̱ kak, zuute ele ju̱rru̱m, gerza ming okko a̱yu̱we̱.

2 Ko̱ri̱nto̱ 6:1

Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.

Ga̱la̱ti̱a̱ 5:4

Imma niga ol cik orongnyu ubunntta ngu̱me̱ ci Ta̱mu̱ta̱dde̱no̱ ngati azunnu lo̱ti̱nno̱k wak Musesi, engerttau e̱le̱tti̱ ciggo̱k ngati Ki̱ri̱sto̱, de̱de̱, u̱yu̱ktte̱u̱ utungtteu deten ci Ta̱mu̱ta̱dde̱no̱ lo̱o̱c.

2 Ti̱mo̱te̱yo̱ 2:13

Ming iróng naga ka̱tu̱ nonno, abunna enne iróng aburnnet, eci iróng enne amikzene ele cinne.”

I̱bu̱ru̱ 12:15

Abunna ming eelannu kar urubta deten ci Ta̱mu̱ta̱dde̱no̱ niga do̱o̱k. Icinnet ju̱rru̱m, gerza ming oboda e̱e̱ti̱ ki vu̱rru̱t tu̱we̱nta̱ kar kize gerza bak a̱li̱b tu̱we̱ne̱t cunno̱ng, kar ol cik meelek kutungttek tu̱we̱ne̱t lo̱o̱c.

I̱bu̱ru̱ 12:25

U̱zu̱tte̱ zin, abunna ming aziknnu zoz ci Ta̱mu̱ta̱dde̱n ci ozozikkung ko̱. Iróng olli Ya̱u̱do̱ a̱vi̱r ba̱li̱ye̱ balala baling abure zoz ci Musesi, iróng zin naga ka̱vi̱r zoz ci Ta̱mu̱ta̱dde̱no̱ ci ozozikket ta̱mu̱-kenga ko̱, ming kaburnna zoz cinne.

I̱bu̱ru̱ 13:7

A̱a̱dda̱ ddi̱ki̱ryyo̱k cuggo̱k balik edemezung zoz ci Ta̱mu̱ta̱dde̱no̱ ke̱. A̱a̱dda̱ baiz ci abahe nege, i̱ye̱zi̱t tu̱we̱ne̱t cinne̱ng.

I̱bu̱ru̱ 3:11

Kar zin anna ku̱tu̱gu̱ olom ngati kaburne nong, ‘Iróng atin nege i̱i̱zo̱ lo̱o̱c cinanni ki̱ye̱be̱ze̱ kabahe yahe.’”

I̱bu̱ru̱ 4:11

I̱yo̱ko̱ zin, ku̱tu̱gu̱z naga do̱o̱k kaal cik eelannet kar ku̱mu̱dda̱ baiz ci kabahe yahe, ma anyikku e̱e̱t imma kutubur zoz ci Ta̱mu̱ta̱dde̱no̱, eci abure enne zoz ci Ta̱mu̱ta̱dde̱no̱ ki bali olli Ya̱u̱do̱ balik aavtte balala ming abure ke̱.

I̱bu̱ru̱ 4:9

Anyaha zin Ta̱mu̱ta̱dde̱n i̱i̱te̱n wa a̱yu̱bze̱ ol ciginnek ko̱.