I̱bu̱ru̱ 3:7 - Tennet

⁷ I̱yo̱ko̱ zin, ki ming a̱du̱wa̱ Vongizi ci A̱li̱le̱ ko̱: “Wazin necu, ming aziknnu niga muluk ci Ta̱mu̱ta̱dde̱no̱,

I̱bu̱ru̱ 3:7 Iomraidhean Croise

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Ma̱te̱yo̱ 22:43

O̱bo̱de̱k zin Ye̱su̱ nogo, “Nya zin ba̱li̱ye̱ Da̱vi̱de̱ ozoz komize ci Vongiz ci A̱li̱le̱ awu nonno azi ne, ‘Manyi’? Eci azi Da̱vi̱de̱ ne,

Marko 12:36

Ozoz Da̱vi̱de̱ enne eliya Vongize ci A̱li̱le̱ ize ne: “‘A̱nne̱k Manyi Manyi cinanni ne: “A̱vvu̱ a̱tte̱ cinanni a̱zzo̱ ngati a̱di̱ngdi̱nga̱ni̱ ol, zee ku̱tu̱gu̱ anna mo̱ddo̱ wagunnek, ka̱vvu̱to̱ zoone cigunnek.”’

Kaviyak wak Abunna Ta̱mu̱ta̱dde̱no̱ eher Joni 10:16

Kanyai eeza u̱gge̱ cik iróng e̱e̱ggi̱n cik bo̱ngi̱t cu. Korongi kanyaha nogo bu̱k bo̱ngi̱t cu. Aziye atin nege bu̱k muluk cinanni kar kurumte nga̱to̱de̱ kar bo̱do̱k kodowe tuwayoiti.

Kaviyak wak Abunna Ta̱mu̱ta̱dde̱no̱ eher Joni 10:27

Aziye eezena cigannik muluk cinanni, ka̱gga̱ nogo, kar nege kunuyan.

Kaviyak wak Abunna Ta̱mu̱ta̱dde̱no̱ eher Joni 10:3

Oowek e̱e̱ti̱ ci ebekce bo̱ngi̱ta̱ tuwayoit eeza, kar zin eezena kiziyet muluk cinne ming awe. Awu enne eeza ciginnek zare, bak aziye, a̱vvu̱na̱k nonno kar zin gon kuuwe geen.

Kaviyak wak Abunna Ta̱mu̱ta̱dde̱no̱ eher Joni 5:25

Ka̱du̱wa̱kku̱ng zoz ci een de̱de̱, a̱kku̱ i̱i̱te̱ni̱, abarik i̱ki̱ya̱, aziye atin ol wak a̱da̱i̱to̱ muluk ci Ngerrti Ta̱mu̱ta̱dde̱no̱, kar ol ne̱k iziyyet ke̱ ingazi daiza.

Buk wa To̱ni̱a̱u̱ 1:16

Kar enne kize ne, “Gotonogga ki ngonogga tu̱we̱nta̱, akat zoz bali e̱he̱rye̱ Warage ci Ta̱mu̱ta̱dde̱no̱ ke̱ mo̱o̱le̱t, ci ozoz bali Vongizi ci A̱li̱le̱ go̱o̱le̱ ci Da̱vi̱de̱ bali reena zo̱ze̱ ci Judasi wa bali okko aanyik Ye̱su̱ kecebe,

Buk wa To̱ni̱a̱u̱ 28:25

Adangto zin nege e̱le̱tti̱ne̱, ma baling ngen nege koot, iizek zin Pa̱u̱lo̱ nogo ne, “Ozoz Vongizi ci A̱li̱le̱ zoz ci een de̱de̱ ngati ji̱ji̱ti̱ggo̱k baling a̱du̱wa̱k enne a̱ri̱to̱i̱t wa een Isaya a̱nne̱k ne:

Buk wa To̱ni̱a̱u̱ 8:29

U̱du̱wa̱k Vongizi Vilip, a̱nne̱k ne, “Bit toromile neci kar a̱vvu̱ ojonun.”

I̱bu̱ru̱ 10:15

U̱du̱wa̱i̱t zin Vongizi ci A̱li̱le̱ agit zoz cu. Arrak azi enne ne,

I̱bu̱ru̱ 3:13

Abarik ki̱ti̱lo̱z gotonogget ki ngonogget odohize, ki i̱yo̱ko̱ ming a̱du̱wa̱kke̱t zoz ci Ta̱mu̱ta̱dde̱no̱ wazin necu ko̱. Ma anyikku mu̱nye̱n kecebtaung o̱o̱tti̱ kar utuburet zoz ci Ta̱mu̱ta̱dde̱no̱.

I̱bu̱ru̱ 3:15

Zoz zin ci e̱he̱rye̱ Warage ci Ta̱mu̱ta̱dde̱no̱ icu: “Wazin necu, ming aziknnu niga muluk ci Ta̱mu̱ta̱dde̱no̱, ma aburnnu zoz cinne, ki baling i̱ti̱yye̱t ji̱ji̱ti̱ggo̱k tu̱.”

I̱bu̱ru̱ 4:7

I̱yo̱ko̱ zin, arik Ta̱mu̱ta̱dde̱n i̱i̱te̱n imma, ci awu enne kize Wazin necu, kar bali i̱i̱te̱n imma ozozek enne ol go̱o̱le̱ ci Da̱vi̱de̱, ki bali u̱du̱wa̱ enne oowa ke̱, “Wazin necu, ming aziknnu niga muluk ci Ta̱mu̱ta̱dde̱no̱, ma aburnnu zoz cinne.”

I̱bu̱ru̱ 9:8

Imma zin go̱o̱le̱ necu, i̱ye̱le̱kke̱t Vongizi ci A̱li̱le̱ zoz ci azi ne, ngen gool koowe kar ki̱tto̱zze̱ Nginti A̱li̱le̱ Oroot a̱bi̱le̱ ru̱u̱ma̱ ko̱, ming ngen Ce̱e̱z wa Ta̱mu̱ta̱dde̱no̱ aave lo̱o̱ta̱.

2 Peturu 1:21

Eci i̱llo̱i̱ a̱ri̱to̱i̱t ci ozoz kaal cik akana enne o̱o̱we̱ cinne do̱. Abarik zin Ta̱mu̱ta̱dde̱n ozozek zoz cinne a̱ri̱tto̱k go̱o̱le̱ ci Vongiz ci A̱li̱le̱.

O̱no̱zzo̱k 3:20

Annit icu kabili tatuga ko̱ kar koṯokṯowan tatug. Ming anyak e̱e̱t imma ci aziye muluk cinanni kar koo tatug, ka̱kku̱ni̱ atin anna kar ki̱ki̱ya̱ kadaktowa ki nonno, okko enne adakce ki annit nga̱to̱de̱.