I̱bu̱ru̱ 3:3 - Tennet

³ Anyike Ta̱mu̱ta̱dde̱n Ye̱su̱ kommog Muses, ogon ki i̱yo̱ko̱, ming ommog e̱e̱ti̱ ci eenyet ce̱e̱z, ce̱e̱z ele, kar kirezit ol nonno kommog ce̱e̱z neci.

I̱bu̱ru̱ 3:3 Iomraidhean Croise

Ma̱te̱yo̱ 16:18

I̱yo̱ko̱ zin, kakaneki zar cik een Peturu, azi keng ci zar ne̱ko̱ ne, bee, ogonni i̱nna̱ ki bee, eenyce atin ke̱le̱ci̱a̱ cinanni zo̱ze̱ cunne, iróng zin atin komizi ci daizo uule kar kegerzan.

1 Ko̱ri̱nto̱ 3:9

Ke̱e̱ggi̱nna̱ naga ol cik ka̱li̱ngli̱nge̱ka̱ Ta̱mu̱ta̱dde̱n; ovvo niga e̱e̱ggi̱nnu̱ ma̱na̱ ci Ta̱mu̱ta̱dde̱no̱ ki ce̱e̱z cinne.

2 Ko̱ri̱nto̱ 3:7

Imma zo̱ze̱ bali reeni ke̱ ci anyaha daiz, e̱he̱rye̱ lo̱ti̱nno̱wa̱ balik Musesi ke̱ biyene cik zabalik, a̱di̱ngdi̱nga̱n ol lo̱ti̱nno̱k ne̱ke̱ oroot. Bak kacin ngu̱m ci Musesi atarane kataltal ci iróng olli Israilo acin nonno. Kar bo̱do̱k do̱yo̱i̱t niko, iróng ngu̱m cinne ngen atarane bo̱do̱k. Imma lo̱ti̱nno̱wa̱ ne̱ke̱ vu̱rrta̱ anyakttak ol daiz.

Kolosiya 1:18

Kar zin i̱yo̱ko̱, nonno ci een oo ci eliyo veelek ki ke̱le̱ci̱a̱; nonno ci akanane kaala kar kize a̱bu̱ ci ol cik a̱da̱i̱to̱, kar enne kanyak doiz ci abale kaal do̱o̱k.

I̱bu̱ru̱ 2:9

Abarik zin kicinnta Ye̱su̱ bali a̱rri̱ta̱i̱ kar kize vu̱rru̱t anjilonyai cik Ta̱mu̱ta̱dde̱no̱ arrak do̱yo̱i̱t. I̱yo̱ko̱, i̱di̱ngdi̱nga̱n Ta̱mu̱ta̱dde̱n nonno kize alaan, eci atar enne daiz, kar zin zo̱ze̱ ci deten ci Ta̱mu̱ta̱dde̱no̱ atar enne daiz zo̱ze̱ cinna do̱o̱k.

I̱bu̱ru̱ 3:4

Eenyet e̱e̱ti̱ ci diiri ce̱e̱z, abarik Ta̱mu̱ta̱dde̱n ci eenyet kaal do̱o̱k.

I̱bu̱ru̱ 3:6

Ma̱i̱je̱ Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ odohize a̱li̱ngli̱nge̱k ol cik Ta̱mu̱ta̱dde̱no̱. Ke̱e̱ggi̱n naga Ce̱e̱z wa Ta̱mu̱ta̱dde̱no̱, ming karike naga zi̱nze̱tti̱ zoz Ta̱mu̱ta̱dde̱no̱ kere naga ko̱.