I̱bu̱ru̱ 3:2 - Tennet

² Ogon ba̱li̱ye̱ Ye̱su̱ odohize li̱ngli̱ngo̱n ci Ta̱mu̱ta̱dde̱no̱ ki bali Musesi een e̱e̱t ci a̱li̱ngli̱nge̱k ol cik Ta̱mu̱ta̱dde̱no̱ odohize.

I̱bu̱ru̱ 3:2 Iomraidhean Croise

Kaviyak wak Abunna Ta̱mu̱ta̱dde̱no̱ eher Joni 15:10

Ming azunnu niga lo̱ti̱nno̱k cigannik, odokta niga bu̱k rezinte cinanni, ki i̱yo̱ko̱ ming kazunne anna lo̱ti̱nno̱k wak Baba kar zin kodowa rezinte wainne ko̱.

Kaviyak wak Abunna Ta̱mu̱ta̱dde̱no̱ eher Joni 17:4

Kanyiya zar cigunnek ku̱bu̱lte̱ lo̱o̱ta̱ ngati kedecai li̱ngli̱ngo̱n bali aanya i̱nna̱ ku̱tu̱gu̱ ke̱.

Kaviyak wak Abunna Ta̱mu̱ta̱dde̱no̱ eher Joni 7:18

Imma e̱e̱ti̱ ci ozoz zoz o̱o̱we̱ cinne do̱, orong ki̱di̱ngdi̱nga̱ni̱t ol nonno, abarik e̱e̱ti̱ wa ozoz zoz ci e̱e̱t wa i̱tto̱na̱na̱ ko̱, a̱di̱ngdi̱nga̱n nonno, een e̱e̱t ci ozoz zoz ci een de̱de̱, iróng enne anyak volong.

Kaviyak wak Abunna Ta̱mu̱ta̱dde̱no̱ eher Joni 8:29

Kaavtiya ki e̱e̱t bali i̱tto̱na̱na̱n, iróng enne ungneka annit lo̱o̱c, kogonni kaal cik anyike nonno katalo.”

Evesos 2:22

E̱e̱ggi̱nnu̱ zin niga lo̱lo̱i̱t ci ce̱e̱z wa eteeheny Ye̱su̱ ko̱ kar Vongizi ci Ta̱mu̱ta̱dde̱no̱ kabahe.

1 Ti̱mo̱te̱yo̱ 1:12

Kanyik zin anna zany Manyitinna Ye̱su̱ Ki̱ri̱sto̱. Kanyik bo̱do̱k zany ngati a̱gga̱we̱ zinin cinanni ming karike nonno. Kar zin a̱gga̱ya̱ annit ke̱e̱ni̱ e̱e̱t ci kabunna kar kaanya komiz ci ka̱li̱ngli̱nge̱ li̱ngli̱ngo̱n wainne.

1 Ti̱mo̱te̱yo̱ 3:15

Ming iróng anna ngen kayiha ataman, a̱gga̱yyu̱ atin niga gool ci abahe ol wak a̱tu̱ zoz ci Ta̱mu̱ta̱dde̱no̱. E̱e̱ggi̱n ol wak a̱tu̱ zoz ci Ta̱mu̱ta̱dde̱no̱ ko̱ boor ci Ta̱mu̱ta̱dde̱no̱, nogo cik a̱gga̱m zoz ci Ta̱mu̱ta̱dde̱no̱ kiwagon lolaci ci abilne zoz de̱de̱.

I̱bu̱ru̱ 2:17

Atubuz Ta̱mu̱ta̱dde̱n Ye̱su̱ ki ol cik diirik do̱o̱k, kar ki̱li̱ngli̱nge̱k Ta̱mu̱ta̱dde̱n kize alaan ci a̱ddi̱ki̱re̱ wawaco abunna arik zinin nonno, uuwa atin ol cik Ta̱mu̱ta̱dde̱no̱, kar zin kaanyik ele cinne kize wawac ci alalnek ol mu̱nye̱n.