I̱bu̱ru̱ 3:12 - Tennet

¹² Artta iin, gotonogga ki ngonogga, ma i̱zzo̱yu̱ mu̱nye̱n cik iróng a̱a̱nyu̱ng u̱tu̱we̱t Ta̱mu̱ta̱dde̱n bak a̱ti̱kku̱ tu̱.

I̱bu̱ru̱ 3:12 Iomraidhean Croise

Kananet 8:21

Ocowa Manyi gi̱i̱ ci ongooli laala kar zin kizek zinin ne, “Iróng bo̱do̱k ngen kotori lo̱o̱c zo̱ze̱ ci obod ki e̱e̱t ci diiri udut, ming nu̱nu̱n i̱no̱n enne zinina kaal cik gerzek nginti meer bali kenycane nonno ngati enne ngen idica ke̱. Iróng bo̱do̱k kadita kaal cik aruge do̱o̱k ki baling ku̱tu̱gu̱ ke̱.”

Ma̱te̱yo̱ 16:16

O̱bo̱de̱k zin Si̱mo̱ne̱ Peturu, “E̱e̱ni̱ i̱nna̱ Ki̱ri̱sto̱ Ngerrti Ta̱mu̱ta̱dde̱n wa aruge.”

Ma̱te̱yo̱ 24:4

Abariz Ye̱su̱: “Icinnet ju̱rru̱m, ma anyikku e̱e̱t imma ku̱lu̱ttu̱ng.

Marko 13:23

Abarik zin u̱zu̱tte̱ e̱le̱tti̱; eci anna ku̱du̱wa̱u̱ng ri̱t kaal ne̱ko̱ do̱o̱k ming ngen ka̱ka̱te̱.

Marko 13:33

U̱zu̱tte̱ e̱le̱tti̱ ju̱rru̱m! Iróng niga a̱gga̱yyu̱ a̱kku̱ i̱i̱te̱ni̱ neci atinga.

Marko 13:9

“Abunna zin niga bu̱k ming ebekku e̱le̱tti̱. A̱gga̱mnyu̱ng atin ol ovvoyyung lo̱ki̱ka̱ kar kecebtung Ce̱e̱zi̱nne̱ wak Lawinto. Imma zo̱ze̱ cinanni, ovvo atin niga abilnnu ngati ddi̱ki̱ryyo̱k ki alaat ibbaceku zoz cinanni nogo.

Lu̱ka̱ 21:8

O̱bo̱de̱k zin enne nogo, “Icinnet ju̱rru̱m, gerza ming alabanung e̱e̱ti̱ imma. Eci a̱vvu̱ atin ol cik meelek zare cigannik, a̱du̱wa̱kku̱ng wo̱ye̱ e̱e̱ti̱ imma, azi ne, ‘Ke̱e̱ni̱ anna nonno,’ ki, ‘Ize ojon i̱i̱te̱ni̱.’ Ma annuyyu zoz cinne̱ng.

Roma 11:21

Eci Ta̱mu̱ta̱dde̱n utubur olli Ya̱u̱do̱ wak iróng a̱tu̱ zoz ci Ye̱su̱ wa een boor cinne̱ng, aburnnung atin enne i̱ge̱t bu̱k ol wak iróng e̱e̱ggi̱n Ya̱u̱d wak iróng a̱tu̱ Ye̱su̱.

1 Ko̱ri̱nto̱ 10:12

Ming i̱no̱n e̱e̱ti̱ azi ne okkomi enne tu̱we̱nta̱ kak, zuute ele ju̱rru̱m, gerza ming okko a̱yu̱we̱.

Kolosiya 2:8

Ka̱du̱wa̱kku̱ng, ebeit e̱le̱tti̱ ju̱rru̱m, kar i̱llo̱i̱ e̱e̱t imma ci alabanung genyize ci anyak volong a̱kku̱ ngati ol cik diirik, de̱mzi̱ne̱t ci olli lo̱o̱tu̱, iróng ozoz zoz ci obod ki Ki̱ri̱sto̱.

1 Te̱se̱lo̱ni̱ka̱ 1:9

U̱du̱ktta̱i̱t ol do̱o̱k gool bali a̱gga̱mnyu̱ niga nogo baling i̱tto̱zzo̱ nege orog cunno̱ng, kar zin bo̱do̱k utuburtu gool ci a̱tu̱yyu̱ to̱do̱yyo̱k kar alac Ta̱mu̱ta̱dde̱n wa aruge een de̱de̱,

I̱bu̱ru̱ 10:31

A̱gga̱c zoz necu ju̱rru̱m, gerza oroot ming a̱kku̱nna̱k e̱e̱ti̱ ngu̱m ci Ta̱mu̱ta̱dde̱no̱ kar ketted lo̱ki̱ko̱ cinne, aanyik zoz necu e̱e̱t ngo̱li̱ne̱t oroot.

I̱bu̱ru̱ 10:38

Imma e̱e̱ti̱ cinanni abunna abak atin tu̱we̱nta̱. Ming a̱mi̱re̱ enne ki vu̱rru̱t, iróng anna kirezi kaal ne̱k ogon enne ke̱.”

I̱bu̱ru̱ 12:15

Abunna ming eelannu kar urubta deten ci Ta̱mu̱ta̱dde̱no̱ niga do̱o̱k. Icinnet ju̱rru̱m, gerza ming oboda e̱e̱ti̱ ki vu̱rru̱t tu̱we̱nta̱ kar kize gerza bak a̱li̱b tu̱we̱ne̱t cunno̱ng, kar ol cik meelek kutungttek tu̱we̱ne̱t lo̱o̱c.

I̱bu̱ru̱ 12:22

Imma ngatu, i̱vi̱ta̱u̱ niga bee ci een Zion, lo̱o̱c ci Ta̱mu̱ta̱dde̱no̱, Jerusalem ci aave ta̱mu̱-kenga, aavtte anjilonya cik e̱e̱ggi̱n i̱bbo̱nge̱t cik meelek giir, atalne oroot.

I̱bu̱ru̱ 12:25

U̱zu̱tte̱ zin, abunna ming aziknnu zoz ci Ta̱mu̱ta̱dde̱n ci ozozikkung ko̱. Iróng olli Ya̱u̱do̱ a̱vi̱r ba̱li̱ye̱ balala baling abure zoz ci Musesi, iróng zin naga ka̱vi̱r zoz ci Ta̱mu̱ta̱dde̱no̱ ci ozozikket ta̱mu̱-kenga ko̱, ming kaburnna zoz cinne.

I̱bu̱ru̱ 3:1

Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.

I̱bu̱ru̱ 3:10

Zoz zin ci kaburnek anna nong bu̱u̱l neci ko̱ nenen necu, kar anna kize ne, ‘Ovvo odohize zi̱nze̱tti̱ cigge̱k tu̱a̱, iróng nege a̱gga̱ go̱o̱llo̱k cigannik.’

I̱bu̱ru̱ 3:19

I̱yo̱ko̱ zin, iróng nege i̱i̱zo̱ lo̱o̱c cinne i̱ye̱be̱ze̱ enne, eci iróng nege a̱tu̱ Ta̱mu̱ta̱dde̱n.

I̱bu̱ru̱ 9:14

Izikto zin ju̱rru̱m, ming anyak da̱ bi̱ye̱ta̱ cik kaal cik kapahek naga Ta̱mu̱ta̱dde̱n ko̱ doiz, imma ngati Vongiz ci A̱li̱le̱ udut, anyak bi̱ye̱ta̱ cik Ye̱su̱ komiz kommog bi̱ye̱ cik kaalu, aanyik enne ele cinne Ta̱mu̱ta̱dde̱n ngati a̱da̱kne̱ ki̱zze̱c rok mu̱nye̱n ngatinne. A̱vi̱la̱ atin bi̱ye̱ta̱ cik Ki̱ri̱sto̱ kaale cik kabaccit lo̱o̱ta̱ ngatu, kar atin kala icima ka̱li̱ngli̱ng zoz cinne ki̱zze̱c rok mu̱nye̱n cik okkoyyet daiza.