I̱bu̱ru̱ 3:10 - Tennet

¹⁰ Zoz zin ci kaburnek anna nong bu̱u̱l neci ko̱ nenen necu, kar anna kize ne, ‘Ovvo odohize zi̱nze̱tti̱ cigge̱k tu̱a̱, iróng nege a̱gga̱ go̱o̱llo̱k cigannik.’

I̱bu̱ru̱ 3:10 Iomraidhean Croise

Kananet 6:6

U̱u̱c zin zinin ci Manyi, kar enne ki̱no̱n kize ne, iróng weda enne keenyca e̱e̱t ci diiri kar zin kanyik kabak lo̱o̱ta̱.

Ma̱te̱yo̱ 20:24

Baling ovvo nuyaha cik een omoto ko̱ aziye zoz wa a̱jji̱nne̱ Je̱mi̱si̱ ki Jon, Ye̱su̱, utuburtek zin nege nong gotonen cik een rama ko̱ oroot.

Marko 3:5

Egelem Ye̱su̱ nogo mozinta, u̱u̱c nonno zinin oroot zo̱ze̱ ci gerze anyak nege zi̱nze̱tti̱nne̱ ko̱, kar zin kizek e̱e̱t neci ne, “Zolan a̱zzi̱t cunne.” Ozolan zin e̱e̱ti̱ neci a̱zzi̱t, ubunna zin nonno a̱zzi̱ti̱.

Kaviyak wak Abunna Ta̱mu̱ta̱dde̱no̱ eher Joni 8:45

Abarik ming ka̱du̱wa̱kku̱ng zoz ci een de̱de̱, iróng niga a̱tu̱yya̱ng.

Roma 1:28

Imma go̱o̱le̱ ci iróng ol ne̱ke̱ orong ka̱gga̱c Ta̱mu̱ta̱dde̱n, icinnek zin enne nogo kabalit e̱le̱tti̱ cigge̱k zi̱nze̱tti̱nne̱ cik vangvangik ko̱, zoz zin ci ogon nege kaal cik gerzek ko̱ necu.

Roma 3:7

Azi wo̱ye̱ e̱e̱ti̱ imma ne, “Ming kovolongi, kar kanyahak volong cinanni ko̱ ol ka̱gga̱c Ta̱mu̱ta̱dde̱n ming a̱du̱wa̱ zoz ci een de̱de̱, kar ol ki̱di̱ngdi̱nga̱ni̱t nonno oroot. Ovvo uggak a̱jji̱nne̱, nya ming azi Ta̱mu̱ta̱dde̱n ne ke̱e̱ni̱ anna e̱e̱t ci mu̱nye̱nu̱?”

Evesos 4:30

Ma anyikku Vongiz ci A̱li̱le̱ Ta̱mu̱ta̱dde̱no̱ komoze, nonno ci a̱a̱nyu̱ng a̱gga̱c i̱i̱te̱n imma, ovvo atin niga abakku labak ki̱zze̱c mu̱nye̱na̱ ming okko Ye̱su̱ obodak lo̱o̱c.

I̱bu̱ru̱ 3:12

Artta iin, gotonogga ki ngonogga, ma i̱zzo̱yu̱ mu̱nye̱n cik iróng a̱a̱nyu̱ng u̱tu̱we̱t Ta̱mu̱ta̱dde̱n bak a̱ti̱kku̱ tu̱.