I̱bu̱ru̱ 2:2 - Tennet

² Een kaviyaha balik anyaha anjilonya ke̱ de̱de̱, imma ol wak a̱du̱l zoz neci, icima abure lo̱ti̱nno̱k ne̱ke̱ ettedik Ta̱mu̱ta̱dde̱n nogo lo̱ki̱ko̱ cinne̱ng.

I̱bu̱ru̱ 2:2 Iomraidhean Croise

Buk wa To̱ni̱a̱u̱ 7:53

niga ol balik anyonikkung lo̱ti̱nno̱wa̱ balik u̱du̱kta̱ anjilonya ke̱ kar abarik bo̱do̱k iróng o̱ngo̱o̱li̱nnu̱ lo̱ti̱nno̱k ne̱ke̱.”

Ga̱la̱ti̱a̱ 3:19

Een zin li̱ngli̱ngo̱ni̱ ci lo̱ti̱nno̱u̱ ko̱ ni̱i̱? De̱de̱, anyonikket lo̱ti̱nno̱wa̱ vu̱rrta̱ kize ci i̱ye̱la̱ mu̱nye̱n, eci e̱e̱ti̱ ci diiri i̱ti̱k tu̱. E̱e̱ggi̱n lo̱ti̱nno̱wa̱ ne̱ke̱ cik abak zee kuruba do̱le̱c ci Aburahami bali u̱du̱wa̱ Ta̱mu̱ta̱dde̱n i̱i̱na̱k atin zoz neci nonno ke̱. Ta̱mu̱ta̱dde̱n ci adiman lo̱ti̱nno̱k kar kanyik anjilonya ciginnek ta̱mu̱-kenga kanyaktak lo̱o̱c, okko Musesi een zoc ci a̱gga̱m zoz ci Ta̱mu̱ta̱dde̱no̱ kar ku̱du̱wa̱k ol.

I̱bu̱ru̱ 1:1

Imma da̱ bali reena, go̱o̱lo̱we̱ cik meelek, ozozik Ta̱mu̱ta̱dde̱n ji̱ji̱ti̱gga̱c balik reentik ke̱, zoz wainne go̱o̱le̱ ci i̱tto̱na̱ne̱ a̱ri̱tto̱k cik zoz ci Ta̱mu̱ta̱dde̱no̱ ki̱vi̱ta̱ ku̱du̱kta̱k ol zoz ci a̱du̱wa̱ enne.

I̱bu̱ru̱ 10:28

Ming abure e̱e̱ti̱ imma lo̱ti̱nno̱k cik Musesi, a̱da̱i̱ ki̱zzi̱ e̱e̱ti̱ ci amanik nonno ngati aavtte bbacaha cik een rama icima i̱i̱yo̱.

I̱bu̱ru̱ 10:35

Ma zin odotekku zoz ci arikku niga Ta̱mu̱ta̱dde̱n zi̱nze̱tti̱ ko̱ lo̱o̱c, a̱a̱nyu̱ng atin Manyi kaal cik abunna.

I̱bu̱ru̱ 11:26

Abunna ming apirna Musesi zo̱ze̱ ci Ki̱ri̱sto̱, ngati go̱o̱le̱ ci a̱gga̱me̱ eezet ci Masiro do̱o̱k, eci enne ere ma̱yu̱we̱ne̱t ci atin a̱kku̱ ke̱.

I̱bu̱ru̱ 11:6

Iróng wo̱ye̱ Ta̱mu̱ta̱dde̱n irez e̱e̱t ci diiri ming iróng elemi zoz cinne. Ming orong e̱e̱ti̱ a̱kku̱nna̱k Ta̱mu̱ta̱dde̱n, abunna ming elemi kar ka̱gga̱ aave Manyi to, kar zin Ta̱mu̱ta̱dde̱n kumuc e̱e̱t eci oronge nonno de̱de̱.

I̱bu̱ru̱ 12:25

U̱zu̱tte̱ zin, abunna ming aziknnu zoz ci Ta̱mu̱ta̱dde̱n ci ozozikkung ko̱. Iróng olli Ya̱u̱do̱ a̱vi̱r ba̱li̱ye̱ balala baling abure zoz ci Musesi, iróng zin naga ka̱vi̱r zoz ci Ta̱mu̱ta̱dde̱no̱ ci ozozikket ta̱mu̱-kenga ko̱, ming kaburnna zoz cinne.

2 Peturu 1:19

Ka̱gga̱yya̱ zin naga e̱e̱ggi̱n zo̱zzo̱wa̱ balik u̱du̱kta̱ a̱ri̱tto̱wa̱ cik zoz ci Ta̱mu̱ta̱dde̱no̱ ko̱ do̱o̱k de̱de̱. Abunna zin ming aziknnu niga kaviyak cigge̱k, aanycik ka̱vvu̱to̱ zi̱nze̱tti̱nne̱ cuggo̱k ku̱tu̱gu̱ ki urezi ci ataran nginti mu̱hu̱ri̱ zee kiyowa munyunyoci ci een tukul maam.

Ju̱da̱ 1:5

Ma wo̱ye̱ nu̱nu̱n ming a̱gga̱yyu̱ niga gi̱i̱ bali eelanne Manyi Ta̱mu̱ta̱dde̱n olli Israilo lo̱o̱ce̱ ci Masiro ke̱, korongi ku̱du̱wa̱u̱ng bo̱do̱k gi̱i̱ neci dee. Eela bali nogo Ta̱mu̱ta̱dde̱n Masira, imma bali vu̱rrta̱, idita ol wak iróng a̱tu̱we̱.