I̱bu̱ru̱ 13:9 - Tennet

⁹ Ma anyikku de̱mzi̱ne̱t ci aave do̱ kuwe o̱o̱tti̱ cuggo̱k. Anyik deten ci Ta̱mu̱ta̱dde̱no̱ ka̱a̱nyu̱ng komiz, iróng een ti̱lo̱wi̱ne̱t ci Musesi ko̱ icima á̱há̱t ci adakku kwo̱o̱ra̱ ko̱ ci a̱a̱nyu̱ng komiz, iróng á̱há̱ta̱ neci eelannung.

I̱bu̱ru̱ 13:9 Iomraidhean Croise

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ma̱te̱yo̱ 24:4

Abariz Ye̱su̱: “Icinnet ju̱rru̱m, ma anyikku e̱e̱t imma ku̱lu̱ttu̱ng.

Lu̱ka̱ 5:38

A̱zze̱to̱, anyik merte ci een jor ku̱du̱to̱zi̱k í̱jjó̱ ci een jor.

Buk wa To̱ni̱a̱u̱ 20:30

Anyak atin ol orgene cunno̱ng cik ovvo uhu zoz wa een de̱de̱ kize volong, kar ku̱lu̱te̱t ol cik Ta̱mu̱ta̱dde̱no̱.

Buk wa To̱ni̱a̱u̱ 20:32

“I̱yo̱ko̱ zin karikku̱ng a̱zzi̱t ci Ta̱mu̱ta̱dde̱no̱ ki zoz ci deten cinne, eci eelanung atin kar aragizet niga bu̱k bunnat ki ol cik a̱li̱le̱ Ta̱mu̱ta̱dde̱no̱.

Roma 14:17

Eci ba̱a̱li̱ne̱t ci abale Ta̱mu̱ta̱dde̱n ol ko̱, iróng een da̱i̱ne̱t ki kaal cik kaudi. Abarik obod ki bunnat ci kabunanne naga ngu̱me̱ ci Ta̱mu̱ta̱dde̱no̱ ki gano ki talninet ci a̱kku̱ Vongize ci A̱li̱le̱.

Roma 14:2

Anyak ol u̱gge̱ cik a̱tu̱we̱ aanyik tu̱we̱ne̱t cinne̱ng kadait kaal do̱o̱k, imma ol uggak wak anyak tu̱we̱ne̱t ci dici, adak zin nege jati do̱.

Roma 14:6

Imma e̱e̱ti̱ ci a̱tu̱we̱ ci aanyik i̱i̱te̱n co̱de̱ kize ci riili, ogon Manyi bu̱k niko. Imma e̱e̱ti̱ ci adak i̱di̱ng, adahek enne Manyi, eci enne adahek Ta̱mu̱ta̱dde̱n go̱o̱le̱ necu. Imma e̱e̱ti̱ ci iróng adak i̱di̱ng, ogonik enne Manyi kar kaanyik Ta̱mu̱ta̱dde̱n zany kaale cik aanyik nonno kadak ko̱.

1 Ko̱ri̱nto̱ 6:13

Azi i̱yo̱ko̱ e̱e̱ti̱ imma ne, “Adiman Ta̱mu̱ta̱dde̱n da̱i̱ne̱t kize cik kadak naga.” Een zin zoz necu de̱de̱, abarik atin Manyi egerzan da̱i̱ne̱t ki ol cik adak da̱i̱ne̱t ko̱ do̱o̱k. Iróng Ta̱mu̱ta̱dde̱n eenyca e̱le̱tti̱ cik ol cik diirik kize ci a̱li̱ya̱kze̱ti̱nu̱, abarik kanyak e̱le̱tti̱ kar ki̱li̱ngli̱ngto̱zi̱k Manyi Ye̱su̱, kar zin enne kuzute e̱le̱tti̱ cigga̱c.

1 Ko̱ri̱nto̱ 8:8

Abarik iróng zin da̱i̱ne̱t anyahannet kizet ojontte ki Ta̱mu̱ta̱dde̱n; iróng naga kapirna ming iróng naga kadak da̱i̱ne̱t ne̱ke̱, i̱llo̱i̱ gi̱i̱ imma ci abunna ming kadak naga da̱i̱ne̱t ne̱ke̱.

2 Ko̱ri̱nto̱ 1:21

Abarik, i̱yo̱ko̱, aanyyet Ta̱mu̱ta̱dde̱n enne eliya agit ki i̱ge̱t do̱o̱k kibilet kokkomit kak ngati Ki̱ri̱sto̱. Ta̱mu̱ta̱dde̱n ele ci ahalaneta.

Ga̱la̱ti̱a̱ 6:1

Gotonogga ki ngonogga, ming i̱ta̱k e̱e̱ti̱ imma mu̱nye̱n, imma niga ol ne̱k okkomnu Vongize ci Ta̱mu̱ta̱dde̱no̱ ko̱, o̱zo̱zze̱k nonno idic kar enne kobodak orgen cunno̱ng. Ming okko e̱e̱ti̱ adiman zoz neci, zuute ele cunne, gerza ming i̱i̱na̱k i̱nna̱ bu̱k mu̱nye̱n.

Evesos 4:14

Abunna kabiliz baiz ci kabahe ki i̱yo̱ko̱ dooli cikidik ko̱. Gerza ming kelemi ol cik volongak kecebtaet o̱o̱tti̱ de̱mzi̱nte̱ cinne̱ng volongo. Ogon ki ngooti ci odong kaal okkoye gon ngati okkoye ngooti.

Evesos 5:6

Ma anyikku e̱e̱t imma kalabaung zo̱ze̱ ci iróng een de̱de̱. Eci Ta̱mu̱ta̱dde̱n abure nong zo̱ze̱ ci een volong, a̱kku̱ de̱zi̱ne̱t ci Ta̱mu̱ta̱dde̱no̱ i̱i̱na̱k e̱e̱t ci iróng o̱ngo̱o̱le̱ nonno ming ozoz zoz ci iróng een de̱de̱.

Kolosiya 2:4

Ka̱du̱wa̱kku̱ng zoz neci abunna iróng e̱e̱ti̱ imma alabanung zo̱ze̱ ci a̱lu̱te̱ nege ol dangonte ci okkomi.

2 Te̱se̱lo̱ni̱ka̱ 2:17

kar ki̱ti̱lo̱u̱ng ka̱a̱nyu̱ng komiz odohize kar u̱tu̱gu̱z kaal icima a̱du̱wa̱nnu̱ zoz ci abunna.

2 Te̱se̱lo̱ni̱ka̱ 2:2

ma zin anyikku e̱e̱t imma kalabaung zo̱ze̱ ci azi ne u̱du̱wa̱k Vongizi ci A̱li̱le̱ nonno icima a̱kku̱ waraga ngatinna, i̱ki̱ya̱ i̱i̱te̱ni̱ ci Manyi la̱du̱n.

1 Ti̱mo̱te̱yo̱ 6:20

Ti̱mo̱te̱yo̱, zuute zoz bali aanyi Ta̱mu̱ta̱dde̱n ke̱, bek ju̱rru̱m. Ma edeconik ta̱mu̱ta̱dde̱ne̱t wak zozak ki zoz wa volongo awu ol kize genyiz,

1 Jon 4:1

Gotonogga ki ngonogga tu̱we̱nta̱, ma a̱tu̱yyu̱ zoz ci ol cik azi ne kanyaka Vongiz ci Ta̱mu̱ta̱dde̱no̱, abarik abunna ming atimanu vongizzok ming e̱e̱ggi̱n cik Ta̱mu̱ta̱dde̱no̱ de̱de̱, eci anyak a̱ri̱tto̱k cik meelek volongak i̱vi̱tta̱k lo̱o̱c cu.

Ju̱da̱ 1:12

Imma ol ne̱k gon ogon kaal cik een a̱li̱ya̱n ngati ozolinu niga ki nogo kwo̱o̱ra̱, ming adainu bu̱k, adakce nege tolongou, orong kadaizet e̱le̱tti̱ cigge̱k do̱ niko. Ogon nege kiwagon di̱i̱zwa̱na̱ cik odonga ngooti, iróng zin aṯile; ogon bo̱do̱k ki keena cik tagizak, i̱llo̱i̱ rok varany ki o̱ya̱u̱, adayai egeroi do̱o̱k lai.

Ju̱da̱ 1:3

Gotonogga ki ngonogga wak zinino, korongi anna de̱de̱ ketehereung zoz ci obod ki ti̱ri̱ze̱ne̱t ci Ta̱mu̱ta̱dde̱no̱ kozol naga ko̱, abarik korongi ketehereung kilalekkung abunna ming keleno ki tu̱we̱ne̱t ci a̱kku̱ lak co̱de̱ ko̱, aanyik Manyi ol wak a̱tu̱we̱ ko̱.