I̱bu̱ru̱ 13:8 - Tennet

⁸ Iróng Ye̱su̱ Ki̱ri̱sto̱ uhu zoz cinne! Aave niko baliwaz, wazin necu kar bo̱do̱k ka̱vvu̱ udut.

I̱bu̱ru̱ 13:8 Iomraidhean Croise

Kananet 21:33

Irir zin Aburahami keet ci een motongoc ngati een Beersheba ke̱, kar nginati kala zar cik Manyi, Ta̱mu̱ta̱dde̱n wa aave udut.

Lu̱ge̱z 3:14

Izek Ta̱mu̱ta̱dde̱n Muses ne, “Du̱wa̱k nogo ke̱e̱ni̱ anna Ta̱mu̱ta̱dde̱n wa een zara annita. Icu zoz ci a̱du̱wa̱k i̱nna̱ olli Israilo, ‘Annit ci i̱tto̱na̱na̱ annit rok i̱ge̱ta̱.’”

2 Ko̱ri̱nto̱ 1:19

Eci annit ki Ti̱mo̱te̱yo̱ ki Silas cik kuwahekkung zoz ci Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ wa een zoz cinne de̱de̱, iróng abaci. Ogon zoz ci een de̱de̱, iróng anyak zi̱nze̱tti̱ ram.

2 Ko̱ri̱nto̱ 1:20

U̱du̱wa̱ Ye̱su̱ zo̱zzo̱k cik Ta̱mu̱ta̱dde̱no̱ do̱o̱k een de̱de̱. Ka̱di̱ngdi̱nga̱n zin gon naga nonno ngati ka̱nne̱ke̱ ne Amin.

I̱bu̱ru̱ 1:12

Anyumi atin i̱nna̱ lo̱o̱c ki ta̱mu̱-keng kiwagon ru̱u̱m ci a̱lu̱ce̱k ele, kar bo̱do̱k aragizek nogo kiwagon ru̱u̱ma̱ni̱. Ma̱i̱je̱ i̱nna̱, iróng ele cunne ukce, abai atin udut.”

Je̱mi̱s 1:17

A̱kku̱ muci ci abunna ta̱mu̱-kenga, ngati Baba bali eenyca kaal cik e̱e̱ggi̱n vooriten do̱o̱k ta̱mu̱-kenga. Iróng Ta̱mu̱ta̱dde̱n ukce kiwagon mu̱hu̱ri̱te̱ni̱ ming i̱ki̱ya̱ vooriteni.

Ju̱da̱ 1:25

Een enne Ta̱mu̱ta̱dde̱n co̱de̱ ṯok Ti̱ri̱zo̱i̱t cinna, anyak enne di̱ngdi̱ngo̱n, ki ddi̱ki̱rze̱t, ki doiz, ki alaanzet ngati Manyitinna Ye̱su̱ Ki̱ri̱sto̱ wa bali aave arrak oowa bu̱u̱llo̱we̱ do̱o̱k, ki i̱yo̱ko̱ udut. Nonno nenen.

O̱no̱zzo̱k 1:11

azi ne, “Teher kaal cik acinni i̱nna̱ ko̱ waraga, kar zin i̱tto̱ni̱k ol wak a̱tu̱we̱ ke̱le̱ci̱a̱nya̱i̱ cik Ta̱mu̱ta̱dde̱no̱ e̱e̱ggi̱n turgerem ko̱: Ephesus, ki Smyrna, ki Pergamum, ki Thyatira, ki Sardis, ki Piladilpiya, ki Laodicea.”

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,

O̱no̱zzo̱k 1:8

Azi Manyi Ta̱mu̱ta̱dde̱n ne, “Ke̱e̱ni̱ anna Kananet ki Ṯurnenet, annit ci kaave i̱yo̱ko̱, annit ci kaave ba̱li̱ye̱, annit ci atin kokko ka̱kku̱ni̱, annit ci ke̱e̱ni̱ Ta̱mu̱ta̱dde̱n ci kanyai Komiz do̱o̱k.”