I̱bu̱ru̱ 13:7 - Tennet

⁷ A̱a̱dda̱ ddi̱ki̱ryyo̱k cuggo̱k balik edemezung zoz ci Ta̱mu̱ta̱dde̱no̱ ke̱. A̱a̱dda̱ baiz ci abahe nege, i̱ye̱zi̱t tu̱we̱ne̱t cinne̱ng.

I̱bu̱ru̱ 13:7 Iomraidhean Croise

Ma̱te̱yo̱ 24:45

“Ngene ci een du̱ca̱i̱t ci abunna elemi ngati a̱li̱ngli̱nge̱ zoz odohize kar bo̱do̱k kegeny, kar manyi ce̱e̱z kanyik nonno ka̱gga̱m kaal cik ce̱e̱zu̱ kar bo̱do̱k kadaiz ol ce̱e̱za̱?

Lu̱ka̱ 12:42

O̱bo̱de̱k zin Manyi nonno, “Ngene zin ci een e̱e̱t ci abunna kar ka̱gga̱m kaal cik li̱ngli̱ngo̱nta̱k ju̱rru̱m, nonno ci aarik alaani kize enne ddi̱ki̱ryo̱i̱t ci du̱cca̱k ciginnek, ci aanyik nogo o̱ro̱bi̱ya̱ cik da̱i̱nta̱k ming e̱de̱cca̱ nege nye̱lo̱k?

Lu̱ka̱ 5:1

Imma i̱i̱te̱n imma abile da̱ Ye̱su̱ nyatapare ci een Gennesareti abanyca, ki ol ming alutai aburuwek nonno orgen kar kiziyet zoz ci Ta̱mu̱ta̱dde̱no̱,

Lu̱ka̱ 8:11

“Icu keng ci tubzento: E̱e̱ggi̱n i̱nyo̱mo̱na̱ zoz ci Ta̱mu̱ta̱dde̱no̱.

Buk wa To̱ni̱a̱u̱ 13:46

O̱bo̱dde̱k zin bo̱do̱k Pa̱u̱lo̱ ki Barnabas mazeta: Korongnya arrak naga ku̱du̱ktta̱u̱ng i̱ge̱t zoz ci Ta̱mu̱ta̱dde̱no̱. Ma i̱yo̱ko̱ ming aburnnu ko̱, i̱ye̱la̱ zoz necu azi ne, iróng niga orongnyu baiz wa aave udut, kovvo zin naga kuwaheka ol cik iróng e̱e̱ggi̱n Ya̱u̱d.

Buk wa To̱ni̱a̱u̱ 14:23

Atahaltta Pa̱u̱lo̱ ki Barnabas lo̱ddi̱ki̱re̱ u̱gge̱ ke̱le̱ci̱a̱nya̱i̱ do̱o̱k kabalit gonoggi, kar zin nege kalayo ki̱ya̱yo̱ ngati alawek nogo Manyi ci aarik nege zi̱nze̱tti̱ cigge̱k ko̱.

Buk wa To̱ni̱a̱u̱ 4:31

Baling alayo nege, otomowe ce̱e̱z bali arumene nege ke̱. Kar Vongizi ci A̱li̱le̱ ki̱ta̱k nogo do̱o̱k kar zin nege kozozit zoz ci Ta̱mu̱ta̱dde̱n mazeta.

Roma 10:17

A̱kku̱ tu̱we̱ne̱t ming aziye e̱e̱ti̱ kaviyak, kaziye kaviyak ne̱ko̱ zo̱ze̱ ci Ki̱ri̱sto̱.

1 Ko̱ri̱nto̱ 10:13

Imma timaninet ci a̱kku̱na̱kku̱ng ko̱, a̱kku̱nna̱k gon ol do̱o̱k. Abarik zin gon Ta̱mu̱ta̱dde̱n azunne zoz ci u̱du̱wa̱ enne ngatinna, iróng anyike gi̱i̱ imma kitimannung kommog doiz cunno̱ng, abarik a̱a̱nyu̱ng i̱ge̱t doiz ci ommogju timaninet neci.

1 Ko̱ri̱nto̱ 11:1

Abunna ming anuyang annit kaale wak gon kogonni anna ko̱, ki i̱yo̱ko̱ ming kanu anna kaal cik ogon Ki̱ri̱sto̱ ko̱.

1 Ko̱ri̱nto̱ 4:16

I̱yo̱ko̱ zin, kilalekkung anna, i̱ye̱zta̱ng annita baize cunno̱ng.

Vilipia 3:17

Gonogga tu̱we̱nta̱ do̱o̱k, abunna ming annuyu zoz cinanni, kar edemezta zoz ngati ol wak annu baiz ci karikka naga kize cunno̱ng ko̱.

1 Te̱se̱lo̱ni̱ka̱ 1:6

I̱ye̱zte̱ttu̱ ba̱li̱ye̱ baize cinna̱ng ki baiz ci Manyi Ye̱su̱ bu̱k. Ming apirnannu tu̱we̱nta̱ zo̱ze̱ ci Ye̱su̱ niko, elemttau labak, ma̱i̱je̱ Vongizi ci A̱li̱le̱ a̱a̱nyu̱ng talninet zo̱ze̱ cinne ngati animnyu no̱ngi̱tto̱n.

1 Te̱se̱lo̱ni̱ka̱ 2:13

Kanyikka Ta̱mu̱ta̱dde̱n zany, baling kuwaktteung zoz cinne, iróng niga i̱no̱nnu̱ ming een zoz cinna̱ng. Elemttu zoz neci kize ci Ta̱mu̱ta̱dde̱no̱ de̱de̱, abaktte zin ol ne̱ke̱ zoz neci a̱tu̱ nege ke̱.

2 Te̱se̱lo̱ni̱ka̱ 3:7

Abunna ming a̱li̱ngli̱ngnyu̱ ki bali gon naga ke̱. Iróng ba̱li̱ye̱ naga ke̱e̱ggi̱nna̱ gu̱u̱rwa̱, baling kaavtte bu̱k ke̱.

2 Te̱se̱lo̱ni̱ka̱ 3:9

Kaburnna wo̱ye̱ da̱ naga li̱ngli̱ngo̱n kar ka̱vvu̱tta̱ gaganiko, korongnyya zin ba̱li̱ye̱ ki̱ye̱ltte̱u̱ng baiz ci abahe ol wak a̱tu̱we̱. U̱tu̱gu̱z ki naga ko̱.

1 Ti̱mo̱te̱yo̱ 3:5

Ming iróng e̱e̱ti̱ abal orog wainne ju̱rru̱m, iróng wo̱ye̱ azunne ol wak a̱tu̱we̱ ke̱le̱ci̱a̱k Ta̱mu̱ta̱dde̱no̱.

I̱bu̱ru̱ 13:17

O̱to̱ngo̱o̱ltte̱ lo̱ddi̱ki̱re̱ cuggo̱k, u̱tu̱gu̱z zoz ci a̱du̱wa̱ nege. Een li̱ngli̱ngo̱ni̱ cinne̱ng ci ebekkung nege i̱ge̱ta̱ ju̱rru̱m, ming iróng ebekkung ju̱rru̱m, okko atin Ta̱mu̱ta̱dde̱n a̱jji̱n nogo kaale cik ogon nege do̱o̱k. Ma anyike nogo komozte ming ogon li̱ngli̱ngo̱n cinne̱ng. Anyik nogo katalto. U̱zzu̱tte̱, abunna atin nege eelannung.

I̱bu̱ru̱ 13:24

Izzac ddi̱ki̱ryyo̱k cuggo̱k ki ol cik Ta̱mu̱ta̱dde̱no̱ do̱o̱k. I̱tto̱na̱kku̱ng ol wak a̱tu̱we̱ lo̱o̱ce̱ ci een zara Italiya zawinet cinne̱ng.

I̱bu̱ru̱ 6:12

Ma arnannu go̱o̱le̱ necu, u̱tu̱gu̱z ki ol wak a̱tu̱we̱ wak a̱gi̱d ol kar ku̱zu̱tte̱ zoz ci Ta̱mu̱ta̱dde̱no̱.

1 Peturu 4:11

Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 20:4

Kedenya anna leceret cik aavtte ol cik anyonik komizi kar kettedit lo̱ki̱ko̱. Kar anna kicin vongizzok cik ol balik u̱ru̱kte̱ zo̱ze̱ ci edemze nege zoz ci Ye̱su̱ kar bo̱do̱k uwahek ol zoz ci Ta̱mu̱ta̱dde̱no̱. Iróng nege ba̱li̱ye̱ a̱di̱ngdi̱nga̱n e̱le̱gi̱t icima ri̱ri̱to̱n cinne, iróng bo̱do̱k nege anyak baayenit ci aave ngu̱mtti̱nne̱ icima azzine. I̱vi̱tta̱k nege ruget kar kabalit lo̱o̱c ki Ki̱ri̱sto̱ e̱rki̱nya̱ i̱bbo̱ng co̱de̱ (1,000).

O̱no̱zzo̱k 6:9

Baling u̱du̱l enne mutulac ci een tu̱r ko̱, kicina i̱te̱le̱ lo̱o̱ta̱ vongizzok cik ol balik u̱ru̱kte̱ ke̱, eci a̱ru̱we̱ zo̱ze̱ ci Ta̱mu̱ta̱dde̱no̱ ki zoz ci ibbac nege.