I̱bu̱ru̱ 13:5 - Tennet

⁵ Ma amanikku o̱ro̱bi̱ya̱ cik ollu, e̱le̱zzo̱ ki cik aanyai i̱nna̱ ko̱. Eci ize Ta̱mu̱ta̱dde̱n ne, “Iróng atin anna ko̱do̱te̱kku̱ng i̱ge̱t lo̱o̱c, iróng atin anna kungnekkung lo̱o̱c.”

I̱bu̱ru̱ 13:5 Iomraidhean Croise

Kananet 28:15

Kaave anna ngatunne kar atin kuzutin odohize ngati okkoye, kanyahanni atin i̱nne̱t kobodani rok lo̱o̱c cu. Iróng atin anna kungneki lo̱o̱c ming ngen anna kedeca zoz bali ka̱du̱wa̱ki̱ ke̱.”

Kananet 30:31

I̱jji̱n zin Laban nonno bo̱do̱k, “Orongi kar kaanyi nya?” O̱bo̱de̱k zin Ya̱ko̱bo̱ Laban, “Ma aanya gi̱i̱ imma, ma̱i̱je̱ ming u̱tu̱gu̱we̱ya̱ i̱nna̱ annit gi̱i̱ co̱de̱ ko̱, kokko atin anna kar kabal eeza cigunnek kicin ju̱rru̱m:

Kananet 31:5

A̱nne̱k zin enne nogo ne, “Kicina anna iróng be̱e̱ti̱nno̱ng ngen ireza ki ba̱li̱ye̱, ma̱i̱je̱ Ta̱mu̱ta̱dde̱n ci baba aave ngatinanni.

Lu̱ge̱z 2:21

Elema zin Musesi ngati abahe enne ce̱e̱ze̱ ci e̱e̱t neci, kar kaanyik nonno ki̱ti̱k buweenyinne wa een zara Zipporah.

Lu̱ge̱z 20:17

“Ma anyai zinin ci a̱ppwe̱ ce̱e̱ze̱ ci e̱e̱t imma. Ma amanik ngaa ci locari cunne, icima du̱ca̱i̱t ci nga̱a̱ye̱ icima ci maci cik a̱li̱ngli̱ng ce̱e̱ze̱ cinne, ma arik bo̱do̱k zinin tomot, icima zi̱gi̱r icima kaal cik anyak locari cunne.”

Ma̱te̱yo̱ 6:19

“Ma adazekku e̱le̱tti̱ kaal lo̱o̱ta̱ ngatu, eci i̱to̱kze̱t ci lo̱o̱tu̱ ngatu ovvo adak todowa ki zizac, ovvo bo̱do̱k ogoryaha ogorozi.

Ma̱te̱yo̱ 6:25

“I̱yo̱ko̱ zin ka̱du̱wa̱kku̱ng, ma o̱ngo̱o̱li̱nnu̱ zoz ci obod ki ruget cunno̱ng, icima i̱no̱nnu̱ nya ci adakku icima ci auddu; icima zoz ci e̱le̱tti̱ cuggo̱k, aimnyu atin nya. Ma dim rugeti iróng riil kommog da̱i̱ne̱t, okko ele riil kommog ru̱u̱ma̱ni̱?

Ma̱te̱yo̱ 6:34

I̱yo̱ko̱ zin, ma anyikku zi̱nze̱tti̱ kibilet zo̱ze̱ ci lo̱ze̱ti̱nu̱, okko atin zoz ci lo̱ze̱ti̱nu̱ edeca ele manyi. Anyak i̱i̱te̱ni̱ do̱o̱k kaal cigge̱k.

Marko 7:22

elem ci a̱ppwe̱, marnonet ol, lu̱te̱ne̱t ol, dominet, ṯeel, ruwenet ki donginet ele ki tarbalzet.

Lu̱ka̱ 3:14

I̱jji̱nne̱t bo̱do̱k aciiri uggak nonno, “Ku̱tu̱gu̱zza̱ wo̱ye̱ naga nya?” O̱bo̱de̱k zin Joni nogo, “Ma a̱gga̱ma̱nnu̱ ol kaal i̱ba̱ti̱ne̱ kar bo̱do̱k e̱ce̱bi̱t ol volonga, e̱le̱zzo̱ ki kaal cik a̱a̱nyu̱ng gaala ko̱.”

Lu̱ka̱ 8:14

Imma i̱nyo̱mo̱na̱ ne̱k i̱i̱na̱k biila ko̱, atubo ki ol wak aziye zoz ci Ta̱mu̱ta̱dde̱no̱ kar ming ovvo nege ovvo gool cinne̱ng, adal nogo no̱ngi̱tto̱na̱ cik baizo, i̱tto̱kze̱t ki zoz ci adahe ol botorzet, iróng nege ngen anyaha o̱ya̱u̱ cik abunna.

Roma 1:29

E̱e̱ggi̱n kaala ne̱k gerzek aavtte zi̱nze̱tti̱nne̱ cigge̱k ko̱, gerziten, ki meder, ki zi̱nze̱tti̱ cik a̱ppi̱nte̱k, ki munyenet ol, ki dangonet, ki gool ci alabane ol kaal, ki etteddo ki ol zo̱o̱, omomot ol,

1 Ko̱ri̱nto̱ 5:11

Ma̱i̱je̱ i̱yo̱ko̱, ka̱du̱wa̱kku̱ng, ma owowonu ki e̱e̱t imma ci azi ne, ka̱tu̱we̱ enne kar ngatu kize a̱li̱ya̱i̱t icima anyak zinin ci a̱ppwe̱ kaale, ala to̱do̱yyo̱k kize ta̱mu̱ta̱dde̱n, e̱e̱t ci otor ol, e̱e̱t ci een bba̱kco̱i̱t, icima e̱e̱t ci alaba ol kaal. Ma adainu ki e̱e̱t ci abak baiz ci ogon niko.

1 Ko̱ri̱nto̱ 6:10

icima ol cik een ogoryak, icima ol cik anyak zi̱nze̱tti̱ cik a̱ppi̱nte̱k kaale cik ollu, icima bba̱kco̱k, icima ol wak akati gonoggi volonga, ki ol wak adawa gonoggi lo̱o̱ta̱, iróng nege do̱o̱k amuda ba̱a̱li̱ne̱t ci Ta̱mu̱ta̱dde̱no̱.

2 Ko̱ri̱nto̱ 4:9

Ming a̱gi̱dde̱t ol nu̱nu̱n, iróng zin Ta̱mu̱ta̱dde̱n aanyik e̱e̱t imma ngatinna ku̱ru̱we̱. I̱i̱te̱n imma a̱ru̱we̱kke̱t ol utube, iróng zin Ta̱mu̱ta̱dde̱n aanyik nogo gool ci a̱ru̱kke̱t kize daiz.

Evesos 5:3

Ma oweku e̱le̱tti̱ ngoot kar ol kozozit zoz ci azi ne, e̱e̱ggi̱nnu̱ niga ol cik een a̱li̱ya̱k, icima ol cik gerzek, icima ol cik a̱ppi̱nte̱k zi̱nze̱tti̱ eci izetu niga ol cik Ta̱mu̱ta̱dde̱no̱.

Evesos 5:5

Abunna ming a̱gga̱yyu̱ zoz ci een de̱de̱ icu, ming een e̱e̱ti̱ a̱li̱ya̱i̱t, icima a̱ppwa̱ zinin, iróng enne anyak ngin imma ba̱a̱li̱nte̱ ci Ki̱ri̱sto̱ ki ci Ta̱mu̱ta̱dde̱no̱. Ma zinin ci a̱ppwe̱ atubo ki e̱e̱t ci a̱di̱ngdi̱nga̱n to̱do̱yyo̱k cik orong zinin cinne kommog Ta̱mu̱ta̱dde̱n.

Kolosiya 3:5

Abunna ming aditannu kaal cik gerzek lo̱o̱tu̱ aavtte orong e̱le̱tti̱ cuggo̱k: rotinet ki ngaai ki ol cik macik, ki a̱li̱ya̱kze̱t, ki bo̱do̱k kaal cik gerzek obod ki a̱li̱ya̱kze̱t, zi̱nze̱tti̱ cik a̱ppi̱nte̱k kaale cik atubo ki ming a̱di̱ngdi̱nga̱n e̱e̱ti̱ to̱do̱yyo̱k cik lo̱o̱tu̱.

1 Ti̱mo̱te̱yo̱ 3:3

Gerza ming een e̱e̱t ci een bba̱kco̱i̱t, gerza ming avaraci gaganiko. Abunna abarik ming een e̱e̱t ci gununi. Kar zin iróng irez o̱ro̱bi̱ya̱.

2 Peturu 2:14

I̱no̱n nege zoz ci gerze orongit kimice ngaai, ovvo ngaai orong ol cik macik. Orong ku̱lu̱ta̱ ol cik amuje o̱o̱tti̱. Abbize zi̱nze̱tti̱ cigge̱k gerziten do̱ niko.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.

Ju̱da̱ 1:11

Ize nonga o̱lle̱ ngatinne̱ng, eci nege unuwet zoz ci Kaini, wa bali amuny gotoni ke̱. Ogon nege kaal cik gerzek ki i̱yo̱ko̱ bali e̱e̱ti̱ wa een zara Balaam ke̱, kar kurubtai nege o̱ro̱bi̱ya̱. Atubo bo̱do̱k nege ki e̱e̱t wa azi zar ne Korah bali aburnek Ta̱mu̱ta̱dde̱n nong ke̱, adita atin Ta̱mu̱ta̱dde̱n nogo ki baling a̱ru̱k Korah ke̱.